ខេត្តស្ទឹងត្រែង ៖ តាមការសង្កេតនៅតាមតំបន់រមណីយដ្ឋាននៅខេត្តស្ទឹងត្រែង មានភាពស្ងប់ស្ងាត់ស្ទើរតែ៨០ភាគរយហើយ ដោយសារតែពលរដ្ឋមានការព្រួយបារម្ភពីជំងឺកូវីដ១៩ ។ តាមការបញ្ជាក់ពីប្រធានមន្ទីរ ទេសចរណ៍ខេត្តស្ទឹងត្រែង លោក អ៊ន…
ខេត្តស្ទឹងត្រែង ៖ តាមការសង្កេតនៅតាមតំបន់រមណីយដ្ឋាននៅខេត្តស្ទឹងត្រែង មានភាពស្ងប់ស្ងាត់ស្ទើរតែ៨០ភាគរយហើយ ដោយសារតែពលរដ្ឋមានការព្រួយបារម្ភពីជំងឺកូវីដ១៩ ។ តាមការបញ្ជាក់ពីប្រធានមន្ទីរ ទេសចរណ៍ខេត្តស្ទឹងត្រែង លោក អ៊ន ប៉ោសឿន បានឱ្យកោះសន្តិភាពដឹងថា តំបន់រមណីដ្ឋានទូទាំងខេត្តស្ទឹងត្រែង មានការថយចុះទាំងអស់។
ក្នុងនោះ រួមមានរមណីដ្ឋានកោះខ្សាច់ ស្ថិតតាមជួរបណ្តោយមាត់ទន្លេសេកុង សហគមន៍អេកូទេសចរណ៍ បុរីអូរស្វាយ, សហគមន៍អេកូទេសចរណ៍សម្រស់កោះហាន, សហគមន៍អេកូទេសចរណ៍ព្រះរំកិល,សហ គមន៍អេកូទេសចរណ៍ភ្នំជម្រកសត្វ, សហគមន៍អេកូទេសចរណ៍កោះព្រះ និងសហគមន៍អេកូទេសចរណ៍អូរប្ញស្សីកណ្តាល និងនៅមានមួយចំនួនទៀត ។
កត្តាដែលបង្កអោយរមណីដ្ឋានទាំងនោះ បាត់បង់នូវប្រាក់ចំណូលតាមរយៈភ្ញៀវទេសចរដោយសារម្នាក់ភ័យខ្លាចពីការចម្លងនៃមេរោគកូវីត១៩ បើទោះបីជាខេត្តស្ទឹងត្រែង ពុំមានវិជ្ជមានមេរោគលើពលរដ្ឋណាម្នាក់ក៏ដោយ។
ហើយពលរដ្ឋនៅខេត្តតូចមួយនេះ បានបង្កើនការប្រុងប្រយ័ត្នរៀងៗខ្លួន តាមការណែនាំរបស់ក្រសួងសុខាភិបាល និងតាមរយៈការអប់រំផ្សព្វផ្សាយពីអាជ្ញាធរសមត្ថកិច្ចគ្រប់មូលដ្ឋាន ។ ចំណែកនៅតាមទីសារធារណៈ និងតំបន់ទេសចរណ៍នានា ក៏មានបិទស្លាកសញ្ញាផ្សព្វផ្សាយអប់រំ អំពីរបៀបលាងសំអាតដៃដោយសាប៊ូ ជែលនិងអាកុលផងដែរ ។
ចែករំលែកព័តមាននេះ