រដ្ឋការ៉ូលីណាខាងជើង ៖ ស្ត្រីម្នាក់ ដែលជាមេដឹកនាំក្រុមបាតុកម្ម តវ៉ាប្រឆាំងដើម្បីបើករដ្ឋ North Carolina ឡើងវិញ និងទាមទារបន្ធូរបន្ថយការរឹតត្បិត រួមមានទាំងវិធានការណ៍គម្លាតសង្គម…
រដ្ឋការ៉ូលីណាខាងជើង ៖ ស្ត្រីម្នាក់ ដែលជាមេដឹកនាំក្រុមបាតុកម្ម តវ៉ាប្រឆាំងដើម្បីបើករដ្ឋ North Carolina ឡើងវិញ និងទាមទារបន្ធូរបន្ថយការរឹតត្បិត រួមមានទាំងវិធានការណ៍គម្លាតសង្គម និងការបញ្ជាទិញនៅឯផ្ទះត្រូវបានបង្ខំឱ្យស្នាក់នៅតែក្នុងផ្ទះ កំណត់ដោយអភិបាលរដ្ឋនោះ ទីបំផុត រូបនាង បានឆ្លងវីរុសនេះ COVID-19 បើយោងតាមការចុះផ្សាយរបស់សារព័ត៌មាន VICE ។
លោកស្រី Audrey Whitlock មិនអាចចូលរួមក្នុងការប្រមូលផ្តុំគ្នាលើកទី៣ របស់ក្រុមអ្នកតវ៉ា ដែលបានធ្វើឡើងនៅក្រុង Raleigh ដោយសារតែនាង ស្ថិតនៅដាច់ដោយឡែកពីគ្នា បន្ទាប់ពីធ្វើតេស្ត វិជ្ជមាន ចំពោះកូវីដ១៩ កាលពី ៣សប្តាហ៍មុន ។
ក្រុមអ្នកតវ៉ានេះ មានឈ្មោះថា ReOpenNC បានធ្វើការតវ៉ា ប្រឆាំងនឹងការឲ្យស្នាក់នៅក្នុងផ្ទះ របស់លោក Roy Cooper អភិបាលរដ្ឋ North Carolina ។ មនុស្សប្រមាណ ១.០០០ នាក់បានប្រមូលផ្តុំគ្នា នៅកណ្តាលទីក្រុង Raleigh កាលពីថ្ងៃអង្គារសប្តាហ៍មុន ដោយអះអាងថា បទបញ្ជានេះ បានរំលោភលើសិទ្ធិ ដែលមានក្នុងរដ្ឋធម្មនុញ្ញ ។
នៅលើហ្វេសប៊ុករបស់នាងឈ្មោះ Whitlock បានសរសេរថា “ReOpen NC សន្យាថា នឹងធ្វើបាតុកម្មនៅក្រុង Raleigh រៀងរាល់ថ្ងៃអង្គារ រហូតដល់ការរឹតត្បិត របស់អភិបាលត្រូវបានដក ដែលឥឡូវបម្រាមត្រូវបានបន្តរហូតដល់ថ្ងៃទី៨ ខែឧសភា” ។
យោងតាមនាយកដ្ឋានសុខាភិបាល បានឱ្យដឹងថា នៅក្នុងរដ្ឋការ៉ូលីណាខាងជើងនេះ ចំនួនអ្នកឆ្លងវីរុសនេះ បានកើនឡើងដល់ ៩,៤១៥ នាក់ហើយ និងមានមនុស្សស្លាប់សរុបចំនួន ៣៣៦នាក់ ត្រឹមថ្ងៃទី២៨ មេសានេះ ៕
ចែករំលែកព័តមាននេះ