ប្រទេសរុស្ស៊ី ៖ ប្រទេសរុស្ស៊ីនាថ្ងៃទី២៧ មេសា ប្រកាសថា ជំរឿនឃើញអ្នកឆ្លងវីរុស COVID-19 ថ្មីដល់ទៅ៦.១៩៨នាក់ រយៈពេល២៤ម៉ោងចុងក្រោយនេះ នាំឲ្យចំនួនអ្នកឆ្លងសរុបក្នុងប្រទេសនោះឡើងដល់៨៧.១៤៧នាក់…
ប្រទេសរុស្ស៊ី ៖ ប្រទេសរុស្ស៊ីនាថ្ងៃទី២៧ មេសា ប្រកាសថា ជំរឿនឃើញអ្នកឆ្លងវីរុស COVID-19 ថ្មីដល់ទៅ៦.១៩៨នាក់ រយៈពេល២៤ម៉ោងចុងក្រោយនេះ នាំឲ្យចំនួនអ្នកឆ្លងសរុប
ក្នុងប្រទេសនោះឡើងដល់៨៧.១៤៧នាក់ ជាតុល្យការមួយខ្ពស់ជាងតុល្យការនៅប្រទេសចិន ជាកន្លែងលេចចេញមុនគេនូវវីរុសនោះទៅទៀត។
ទោះបីយ៉ាងណាចំនួនអ្នកឆ្លងថ្មីប្រចាំថ្ងៃនេះ មានស្រាល បើប្រៀបធៀបទៅនឹងចំនួនអ្នកឆ្លងដែលប្រកាសកាលពីថ្ងៃទី២៦ មេសា ដែលមានដល់៦.៣៦១នាក់ ។ នេះជាការអះអាងរបស់ផ្នែកគ្រប់គ្រងវិបត្តិរុស្ស៊ី ។ ម្យ៉ាងទៀតមនុស្ស៥០នាក់ថែមទៀតបានត្រូវស្លាប់រយៈពេល២៤ម៉ោងចុងក្រោយនេះដោយសារវីរុសនៅរុស្ស៊ី ។
ជាមួយអ្នកឆ្លង៨៧.១៤៧នាក់ជាតុល្យការផ្លូវការ រុស្ស៊ីពេលនេះមានអ្នកឆ្លងវីរុសលើសពីនៅចិន ដែលតាមតួលេខផ្លូវការដែរថាមានត្រឹម៨២.៨៣០នាក់ ចាប់តាំងពីមានការឆ្លងក្នុងកម្រិតជាតិមក ។ វិធានការបង្ខាំងមិនឲ្យមនុស្សចេញក្រៅបានចូលជាធរមានពីថ្ងៃទី២៥មីនាមកនៅរុស្ស៊ីជាមួយការបិទទីលានសាធារណៈសំខាន់ៗ ។
ការបង្ខាំងត្រូវរក្សាទុករហូតដល់ថ្ងៃទី៣០ មេសា រួចប្រធានាធិបតីលោកវ្ល៉ាឌីមៀរពូទីននៅមិនទាន់ប្រកាសពីអ្វីដែលរដ្ឋាភិបាលលោកត្រូវធ្វើបន្ទាប់ពីនេះឡើយ ។ ប៉ុន្តែលោកស្រីអានណាប៉ូប៉ូវ៉ា ដែលដឹកនាំទីភ្នាក់ងារសហព័ន្ធការពារសិទ្ធិរបស់អ្នកប្រើប្រាស់ ROSPOTREBNADZOR ថ្លែងនាថ្ងៃទី២៧ មេសាថា លោកស្រីគិតថាការរិតត្បិតនឹងនៅជាធរមាន រហូតដល់ថ្ងៃទី១២ ឧសភា ។
ចំណែកនាយករដ្ឋមន្ត្រីលោក មីខាអ៊ីលមីឈូស្ទីនបានស្នើដល់បណ្ដារដ្ឋមន្ត្រីរបស់លោក ឲ្យធ្វើសំណើនានា រហូតដល់ថ្ងៃទី៣០ មេសា លើការសម្រាលមួយផ្នែកនៃបណ្ដាវិធានការចំពោះបណ្ដាសហគ្រាស ដូចប្រទេសឯទៀតៗដែលក្រុមហ៊ុនជាច្រើនជួបគ្រោះថ្នាក់នៃការក្ស័យធនហើយការងារច្រើនពាន់អាចបាត់បង់ដោយសារវិធានការទាំងនោះ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ