ស្រុកសន្ទុក ៖ លោកជំទាវខៀវ ស៊ីណាជាចាន់តូបានអំពាវនាឲ្យប្រជាពលរដ្ឋឲ្យបន្តអនុវត្តការធ្វើអនាម័យបន្តទៀត ដើម្បីការពារសុខភាពខ្លួនម្នាក់ៗពិសេសគឺការពារជំងឺឆ្លងកូវីដ១៩ដែលកំពុងតែគំរាមកំហែង និងឆក់យកជីវិតមនុស្សអស់ជាច្រើននាក់នៅទូទាំងពិភពលោក។ ការអំពាវនាវរបស់លោកជំទាវ ខៀវ ស៊ីណា ជា…
ស្រុកសន្ទុក ៖ លោកជំទាវខៀវ ស៊ីណាជាចាន់តូបានអំពាវនាឲ្យប្រជាពលរដ្ឋឲ្យបន្តអនុវត្តការធ្វើអនាម័យបន្តទៀត ដើម្បីការពារសុខភាពខ្លួនម្នាក់ៗពិសេសគឺការពារជំងឺឆ្លងកូវីដ១៩ដែលកំពុងតែគំរាមកំហែង និងឆក់យកជីវិតមនុស្សអស់ជាច្រើននាក់នៅទូទាំងពិភពលោក។
ការអំពាវនាវរបស់លោកជំទាវ ខៀវ ស៊ីណា ជា ចាន់តូ អនុប្រធានកិត្តិយសសាខាកាកបាទក្រហមកម្ពុជា ខេត្តកំពង់ធំ ដូចនេះធ្វើឡើងនៅក្នុងឱកាសដែលលោកជំទាវអញ្ជើញចុះប្រគល់ផ្ទះចំនួន៤ខ្នងដែលជាអំណោយដ៏ថ្លៃថ្លារបស់សម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែនប្រធានកាកបាទក្រហមកម្ពុជា ផ្ដល់ជូនប្រជាពលរដ្ឋដែលមានការខ្វះខាតនិងចាស់ជរារស់នៅឃុំកកោះស្រុកសន្ទុកនៅព្រឹកថ្ងៃទី២៨មេសាឆ្នាំ២០២០។
លោកជំទាវបន្តទៀតថា ទោះបីនៅមូលដ្ឋានយើងមិនទាន់មានករណីឆ្លងជំងឺកូវីដ១៩នេះក៏
ដោយ យើងត្រូវតែអនុវត្តការធ្វើអនាម័យដើម្បីការពារកុំឲ្យមានការឆ្លងជំងឺនេះដោយស្ដាប់តាមការណែនាំរបស់ក្រសួងសុខាភិបាលកម្ពុជា ដើម្បីរួមគ្នាទប់ស្កាត់កុំឲ្យមានការឆ្លងនៅក្នុងមូលដ្ឋានយើង។ក្នុងករណីគ្មានអាល់កុល ឬ ចែលលាងដៃទេត្រូវឧស្សាហ៍លាងដៃឲ្យបានញឹកញាប់នឹងសាប៊ូ ព្រោះថាជំងឺកូវីដ១៩នេះវាមិនទាន់ផុតរលត់ពីលោកយើងនៅឡើយទេ។
នៅក្នុងឱកាសប្រគល់ថ្មីនោះដែរ លោកជំទាវ ខៀវ ស៊ីណា បានបញ្ជាក់ថា៖ នៅគ្រប់កាលៈ
ទេសៈពិសេសពេលប្រជាពលរដ្ឋជួបការលំបាកខ្វះខាតសម្ដចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត តែងតែយកចិត្តទុកដាក់និងជួយគិតគូដល់សុខទុក្ខ និងជួយដោះស្រាយចំពោះការលំបាកខ្វះខាតប្រជាពលរដ្ឋយើងជានិច្ច ទាំងការអញ្ជើញមកផ្ទាល់ និងតាមរយៈក្រុមការងារដោយមិនទុកឲ្យប្រជាពលរដ្ឋណាម្នាក់ស្លាប់ដោយមិនបានដឹងឬមិនជួយនោះទេ។
ដើម្បីជាចំណងដៃសម្រាប់ថ្ងៃឡើងថ្មីនេះតាមរយៈលោកជំទាវ ខៀវ ស៊ីណា ជា ចាន់តូ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឧបត្ថម្ភដល់គ្រួសារដែលទទួលបានផ្ទះថ្មីទាំងគ្រួសារក្នុងមួយគ្រួសារៗទទួលបានថវិកាចំនួន ២០ម៉ឺនរៀល អង្ករ ស្ករស ទឹកដោះគោ ទឹកក្រូចទឹកសុទ្ធ ទឹកស៊ីអ៊ីវ ទឹកត្រី អំបិល ត្រីខ មីនថ្នាំពេទ្យនិងឃីត១កញ្ចប់។
សូមបញ្ជាក់ថា គិតមកដល់ពេលនេះផ្ទះដែលសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ផ្ដល់តាមរយៈលោកជំទាវ ខៀវស៊ីណា ជា ចាន់តូ ជួយដល់ប្រជាពលរដ្ឋដែលមានការខ្វះខាតស្ត្រីមេម៉ាយ និងចាស់ជរារស់នៅស្រុកសន្ទុកគិតទាំងលើកនេះ គឺមានចំនួន ៣៨០ខ្នងហើយ។ ផ្ទះនេះសង់ពីឈើប្រក់ស័ង្កសី មានបណ្ដោយ ៦ម៉ែត្រទទឹង៤ម៉ែត្រ ដែលមួយខ្នងៗមានតម្លៃជាង១ពាន់ដុល្លាអាមេរិក។
ឆ្លៀតនៅក្នុងឱកាសនោះដែរ លោកជំទាវ និងក្រុមការងារនូវបាននាំអំណោយចុះចែកតាមខ្នងផ្ទះរួមមាន ៖ អង្ករ ថវិកា និងឃីតចែកជូនដល់គ្រួសារដែលជួបការលំបាក និងចាស់ជរានៅអំឡុងនៃការញ៉ាំញីពីជំងឺកូវីដ១៩ផងដែរ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ