រាជធានីភ្នំពេញ៖ ដើម្បីជីវភាពគ្រួសារ និងសងប្រាក់ធនាគារ អ្នករត់ឡានតាក់សុីនៅតែបន្តមុខរបររបស់ខ្លួនទាំងភិតភ័យ ដោយសារវីរុសកូវីដ១៩ បើទោះជារោគនេះ មិនរីករាលដាលជារៀងរាល់ថ្ងៃនៅកម្ពុជា ក៏ដោយ ។ លោករឹម…
រាជធានីភ្នំពេញ៖ ដើម្បីជីវភាពគ្រួសារ និងសងប្រាក់ធនាគារ អ្នករត់ឡានតាក់សុីនៅតែបន្តមុខរបររបស់ខ្លួនទាំងភិតភ័យ ដោយសារវីរុសកូវីដ១៩ បើទោះជារោគនេះ មិនរីករាលដាលជារៀងរាល់ថ្ងៃនៅកម្ពុជា ក៏ដោយ ។
លោករឹម សាម៉ន អ្នកស្រុកខេត្តក្រចេះ ជាអ្នករត់ឡានតាក់សុីប្រភេទ២៥កៅអីពីភ្នំពេញទៅក្រចេះ បាននិយាយថា បើទោះបីដឹងថា ជំងឺកូវីដ១៩ជាជំងឺកាចសាហាវក៏ដោយ គាត់នៅព្យាយាមប្រកបមុខរបររត់តាក់សុីទាំងភិតភ័យដើម្បីជីវភាពគ្រួសារ និងសងប្រាក់ធនាគារ ។ ទោះជាយ៉ាងណា គាត់បានអនុវត្តវិធានការការពារខ្លួនយ៉ាងខ្ជាប់ខ្ជួនជានិច្ច តាមការណែនាំរបស់ក្រសួងសុខាភិបាល ។
ពេលអ្នកដំណើរឡើងរថយន្តគាត់ត្រូវបាញ់ទឹកអាកុលលាងដៃភ្ញៀវ និងឲ្យពាក់ម៉ាសជាដាច់ខាត«ការពារប្រសើរជាងព្យាបាល» ។ មិនតែប៉ុណ្ណោះ គាត់ក៏បានតាមដានពីបច្ចុប្បន្នភាព នៃស្ថានភាពជំងឺនេះដោយយកចិត្តទុកដាក់ជាប្រចាំផងដែរ ។ ទោះជាយ៉ាងណា បងប្អូនអ្នករត់តាក់សុីមានការភ័យខ្លាចជំងឺកូវីដ១៩ក៏ដោយ ក៏ពួកគេតែប្រកបរបរងាយប្រឈមមួយចំនួន នៅតែបន្តមុខរបររបស់ខ្លួនតាមធម្មតា ។
លោក យៀន ចំរ៉ុង អ្នករត់ឡានតាក់សុីភ្នំពេញ បាត់ដំបង ដែលកំពុងតែរៀបចំភ្ញៀវដាក់ឡានប្រភេទហាយឡិនឌ័របានឲ្យដឹងថា គាត់មានតួនាទីជាមេគ្រួសារ ព្រោះតែជីវភាព ទើបត្រូវបង្ខំចិត្តបន្តមុខរបរទាំងភិតភ័យ បើទោះជាពេលនេះនៅកម្ពុជាមិនមានការរីករាលដាលជម្ងឺកូវីដ១៩ធ្ងន់ធ្ងរនិងមិនមានអ្នកស្លាប់ក៏ដោយ គាត់រួមទាំងភ្ញៀវដែលជិះឡានគាត់នាំបាញ់ទឹកអាកុលដែលមានដាក់ក្នុងឡានស្រាប់ហើយពួកគេក៏មិនភ្លេចពាក់ម៉ាសដែរ ។
មានឡានផ្ទាល់ខ្លួន សម្រាប់ដឹកអ្នកដំណើរពីរាជធានីភ្នំពេញ ទៅខេត្តបាត់ដំបង លោកចំរ៉ុង អាចរកប្រាក់ចំណូលបានប្រមាណ៣០ម៉ឺនរៀលក្នុងមួយថ្ងៃ ដែលឡានរបស់លោកអាចផ្ទុកភ្ញៀវ បានប្រមាណ៧ ទៅ៩៨នាក់ ក្នុងមួយជើង។ គាត់ក៏មានការព្រួយបារម្ភខ្លាចឆ្លងជម្ងឺកូវីដ១៩ ប៉ុន្តែគាត់នៅតែបន្តដឹកភ្ញៀវរាល់ថ្ងៃ ព្រោះត្រូវរកប្រាក់សងធនាគារហើយក៏ចង់ឈប់ដែរ។ បើធនាគារគេមិនយកលុយខែ នោះខ្ញុំអាចឈប់បាន តែបើគេនៅតែយកខ្ញុំមានលុយឯណាបង់ឱ្យគេ។ ខ្ញុំចេះតែការពារខ្លះទៅ។ ទោះបី កូវីដ១៩មិនមានការរីករាលដាលក្ដី ហើយធនាគារមិនពន្យាពេលបង់ការប្រាក់ទេ ខ្ញុំនៅតែរត់ឡានអ៊ីចឹង។ បើគេផ្អាកសិន ដល់ពេលស្ងប់ស្ងាត់ខ្ញុំនឹងបង់ឱ្យធម្មតាវិញ»។
ប្អូនប្រុសម្នាក់ជាអ្នកបើករថយន្តប្រភេទវីអាយភីឲ្យក្រុមហ៊ុនរថយន្តក្រុងមួយនៅម្តុំផ្សារអូរឫស្សីដែលកំពុងតែវាស់កំដៅឲ្យភ្ញៀវឡើងជិះរថយន្តបាននិយាយថា ៖ ក្រោយពីរាជរដ្ឋាភិបាលបានឲ្យរថយន្តឈ្នួលដឹកមនុស្សទៅតានខេត្តនានាវិញឃើញថាក៏មិនសូវសំបូរភ្ញៀវប៉ុន្មាននោះទេ ដោយរថយន្តប្រភេទវីអាយភីរបស់ក្រុមហ៊ុនកំណត់ឲ្យដឹកភ្ញៀវតែ១១នាក់ ។ ហើយវិធីការពារជម្ងឺកូវីដ១៩គឺក្រុមហ៊ុនបាញ់ក្នុងរថយន្តជាប្រចាំ ពេលភ្ញៀវឡើងរថយន្តត្រូវវាស់កំដៅ ភ្ញៀវម្នាក់ៗគេមានដបទឹកអាកុលតាមខ្លួនស្រាប់ ។
ដោយឡែកក្រុមហ៊ុនឡានឈ្នួលប្រភេទវីអាយភីមួយដែលមានទីតាំងតាមបណ្តោយមាត់ទន្លេនិយាយក្នុងន័យមិនឲ្យបញ្ចេញអត្តសញ្ញាណបានឲ្យដឹងថា ៖ ចាប់តាំងពីផ្ទុះវីរុសកូរូណាមក ភ្ញៀវធ្វើដំណើរបានធ្លាក់ចុះ ជាធម្មតាវាតែងតែថយហើយ។ ឥឡូវគេឱ្យប្រុងប្រយ័ត្ន មិនសូវមានអ្នកហ៊ានដើរចេញទៅណាទេ។ ក្រុមហ៊ុននានា ហើយនឹងតាក់ស៊ីក៏ដូចគ្នាដែរ។ ខ្ញុំមានទឹកអាល់កុលឱ្យភ្ញៀវលាងដៃ ពេលមកយកអីវ៉ាន់ និងពេលឡើងឡាន ក៏ដូចជាសាប៊ូ សម្រាប់ការចេញចូលពីបន្ទប់ទឹកដែរ ។ បច្ចុប្បន្ន ការឆ្លងជំងឺកូវីដ១៩មិនមានរីករាលដាលក៏ពិត តែអ្នកធ្វើដំណើរតាមនៅតែថយចុះបើសិនស្ថាននៅតែគ្មានភ្ញៀវក្រុមហ៊ុននេះ
បិទដំណើរជាបណ្តោះអាសន្នហើយ ៕
ចែករំលែកព័តមាននេះ