អតីតកីឡាករ Man Utd ម្នាក់ព្រមានក្លិបដែលមានគំនិតចង់បាន Kane និង Sancho
ប្រទេសអង់គ្លេស ៖ អតីតខ្សែការពារឆ្នើម Rafael Da Silva របស់ក្រុមបិសាចក្រហម Manchester United បានធ្វើការព្រមានដល់ក្លិប…
ប្រទេសអង់គ្លេស ៖ អតីតខ្សែការពារឆ្នើម Rafael Da Silva របស់ក្រុមបិសាចក្រហម Manchester United បានធ្វើការព្រមានដល់ក្លិប…
ប្រទេសអង់គ្លេស ៖ អតីតខ្សែការពារឆ្នើម Rafael Da Silva របស់ក្រុមបិសាចក្រហម Manchester United បានធ្វើការព្រមានដល់ក្លិប ដែលគំនិតក្នុងការចង់បានកីឡាករ Harry Kane និង Jadon Sancho ដោយលើកឡើងថា វាមិនមានភាពចាំបាច់ឡើយសម្រាប់លោក Ole Gunnar Solskjaer ក្នុងការចង់បានកីឡាករទាំង២នៅទីផ្សារដោះដូរកីឡាកររដូវក្តៅខាងមុខនេះ ។
ខ្សែបម្រើស្លាប Jadon Sancho របស់ក្លិប Borussia Dotrmund បានស្ថិតក្នុងរ៉ាដារបស់ក្រុម Man United អស់រយៈពេលជាងមួយឆ្នាំកន្លងមកហើយ ខណៈដែលខ្សែប្រយុទ្ធ Harry Kane ក៏នឹងក្លាយជាគោលដៅទី២ ក្រោយកីឡាករអង់គ្លេសរូបនេះហាក់បង្ហាញចេតនាមិនចង់បន្តជាមួយក្លិប Tottenham Hotspur ក្រោមការដឹកនាំរបស់លោក Jose Mourinho ដោយលើកឡើងការថា ខ្លួនចង់ឈ្នះពានរង្វាន់ជាច្រើនក្នុងអាជីពរបស់ខ្លួន ។
Rafael Da Silva ដែលឈានដល់វ័យ ២៩ឆ្នាំ បច្ចុប្បន្នកំពុងលេងឲ្យក្លិប Lyon បានប្រាប់ ESPN ថា «ពួកគេគួរតែស្វែងរកកីឡាករណា ដែលចង់លេងឲ្យក្រុម Man United ពិត ។ មិនមែនមកលេងដើម្បីទទួលបានលុយច្រើននោះទេ» ។
«សាកក្រឡេកមើល Chicharito តើគេខំប្រឹងលេងឱ្យ Man United ខ្លាំងប៉ុណ្ណា? តើ Man United បានចំណាយប៉ុន្មានសម្រាប់រូបគេ ? គឺមិនច្រើនទេ ។ អ្នកត្រូវតែឆ្លាតក្នុងរឿងនេះ»។
ខ្សែការពារជនជាតិប្រេស៊ីលរូបនេះ ក៏បានលើកឡើងបន្ថែមទៀតថា «Harry Kane គឺជាអ្នករកគ្រាប់បាល់បានយ៉ាងល្អ ហើយ Jadon Sancho គឺពិតជាល្អណាស់នាពេលបច្ចុប្បន្ន ។ ប៉ុន្តែដំបូងអ្នកត្រូវមើលចរិតរបស់កីឡាករ តើពួកគេពិតជាចង់ធ្វើឲ្យបានល្អសម្រាប់ Man United ដែរឬទេ? »៕ (ដកស្រង់ចេញពី Mirorr)
ចែករំលែកព័តមាននេះ