រាជធានីភ្នំពេញ៖ នាពេលបច្ចុប្បន្ននេះបើយោងតាមថ្នាក់ដឹកនាំក្រសួងសង្គមកិច្ច អតីត
យុទ្ទជន និងយុវនីតិសម្បទាបានឲ្យដឹងថាមានអនីតិជនប្រមាណជាង ១០០០ នាក់កំពុងរស់នៅតាមពន្ធនាការជាមួយមនុស្សចាស់ ។
ឯកឧត្តម តូច ចាន់នី អគ្គនាយកបច្ចេកទេសនិងជាអ្នកនាំពាក្យក្រសួងសង្គមកិច្ច អតីត
យុទ្ទជន និងយុវនីតិសម្បទាថ្លែងនៅ សន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដរបស់ក្រសួងសង្គមកិច្ច អតីតយុទ្ទជន និងយុវនីតិសម្បទា» នាថ្ងៃទី ២៨ មេសា ដែលរៀបចំឡើងដោយ អង្គភាពអ្នកនាំពាក្យរាជរដ្ឋាភិបាល នោះបានឲ្យដឹងថាបច្ចុប្បន្នក្មេងៗដែលរស់នៅជាបណ្តោះអាសន្នជាមួយមនុស្សចាស់នៅពន្ធនាគារកំពុងមានចំនួនច្រើនហើយណែន ។
ក្នុងន័យជួយដល់អនិតីជនដែលរស់នៅពន្ធនាគារទូទាំងប្រទេសមានកន្លែងរស់នៅសមរម្យនោះ ក្រសួងសង្គមកិច្ចបាននឹងកំពុងខិតខំសាងសង់នូវអាគារថ្មីមួយ ដែលកំពុងដំណើរការសាងសង់ ដើម្បីរំលែកពួកគាត់ (ក្មេង) កុំឲ្យគាត់បន្តរស់នៅក្នុងពន្ធនាគារ ដែលតាមគម្រោងអាគារសង់សម្រាប់ក្មេងៗគ្រោងនឹងបញ្ចប់ការសាងសង់ក្នុងឆ្នាំ ២០២០ នេះតែម្តង ។
អាគារដែលកំពុងសាងសង់សម្រាប់ក្មេងៗរស់នៅក្នុងពន្ធនាគារនោះ មានទីតាំងស្ថិតនៅភូមិបាគូ ស្រុកកណ្តាលស្ទឹង ខេត្តកណ្តាល ៕
ចែករំលែកព័តមាននេះ