ទីក្រុង Wuhan ចាប់ផ្តើមមានចរាចរណ៍កកកុញ
ចិន ៖ តាមប្រភពព័ត៌មាន Shanghaiist បានឱ្យដឹងថា ក្រុង Wuhan នៃខេត្ត Hubei បានចាប់ផ្តើមមានចរាចរណ៍កកកុញ…
ចិន ៖ តាមប្រភពព័ត៌មាន Shanghaiist បានឱ្យដឹងថា ក្រុង Wuhan នៃខេត្ត Hubei បានចាប់ផ្តើមមានចរាចរណ៍កកកុញ…
ចិន ៖ តាមប្រភពព័ត៌មាន Shanghaiist បានឱ្យដឹងថា ក្រុង Wuhan នៃខេត្ត Hubei បានចាប់ផ្តើមមានចរាចរណ៍កកកុញ ក្រោយពីអ្នកជម្ងឺកូវីដ១៩បានជាសះស្បើយអស់ និងលែងមានអ្នកសម្រាកនៅមន្ទីរពេទ្យដោយសារតែជម្ងឺនេះទៀត។
អតីតចំណុចកណ្តាលនៃការផ្ទុះជម្ងឺកូវីដ១៩ ត្រូវបានគេឃើញថាមានរថយន្តជាច្រើនបើកបរនៅតាមដងផ្លូវធំៗ ដោយសារតែមនុស្សម្នាចាប់ផ្តើមចូលធ្វើការវិញ។
ការបិទការដឹកជញ្ជូនរយៈពេល ៧៦ថ្ងៃរបស់ក្រុង Wuhan បានបញ្ចប់ជាផ្លូវការនៅថ្ងៃទី៧ ខែមេសា។ ពេញមួយខែទីក្រុងបានបន្ធូរបន្ថយការរឹតបន្តឹងនិងបើកអាជីវកម្មជាបណ្តើរៗ។ វិទ្យាល័យក៏គ្រោងនឹងបើកឡើងវិញសម្រាប់សិស្សដែលកំពុងរៀនថ្នាក់ប្រឡង នៅថ្ងៃទី៦ ខែឧសភា។
រូបភាពទាំងនេះ ត្រូវបានគេថត រយៈពេលមួយថ្ងៃក្រោយពី មន្ត្រី Wuhan បានប្រកាសថា មិនមានអ្នកជម្ងឺកូវីដសម្រាកព្យាបាលនៅមន្ទីរពេទ្យទៀតឡើយ (ជាអស់)។
គួរបញ្ជាក់ផងដែរថា នៅថ្ងៃនេះ ប្រទេសចិនមានករណីឆ្លងកូវីដសរុប ៨២,៨៣០ករណី ករណីឆ្លងថ្មី ៣ករណី ករណីអ្នកបាត់បង់ជីវិតសរុប៤,៦៣៣ករណី ករណីបាត់បង់ជីវិតថ្មី១ករណី និង ករណីជាសះស្បើយ ៧៧,៤៧៤ករណី៕ (យោងតាមប្រភពពី shanghaiist.com)
ចែករំលែកព័តមាននេះ