រាជធានីភ្នំពេញ ៖ នាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ បានចេញសេចក្តីប្រកាសចុះថ្ងៃទី២៧ ខែមេសា ឆ្នាំ២០២០នេះ ស្តីពីការអនុវត្តវិធានការ…
រាជធានីភ្នំពេញ ៖ នាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ បានចេញសេចក្តីប្រកាសចុះថ្ងៃទី២៧ ខែមេសា ឆ្នាំ២០២០នេះ ស្តីពីការអនុវត្តវិធានការ មិនផ្តល់ទិដ្ឋាការបន្ត រយៈពេលស្នាក់នៅ ក្នុងព្រះរាជាណាចក្រកម្ពុជា ចំពោះជនបរទេសណា ដែលគ្មានឈ្មោះក្នុងប្រព័ន្ធគ្រប់គ្រងវត្តមានជនបរទេស ក្នុងព្រះរាជាណាចក្រកម្ពុជា (FPCS) ចាប់ពីថ្ងៃទី១ ខែកក្កដា ឆ្នាំ២០២០ តទៅ ។
ការមិនផ្តល់ទិដ្ឋាការបន្តចំពោះជនបរទេសណាដែលគ្មានឈ្មោះក្នុងប្រព័ន្ធគ្រប់គ្រងវត្តមាននេះ បើតាមនាយឧត្តមសេនីយ៍ គៀត ច័ន្ទថារិទ្ធ បញ្ជាក់ថា ក្នុងគោលដៅជម្រុញអនុវត្ត ឲ្យមានប្រសិទ្ធភាព សេចក្តីណែនាំលេខ ០២៨ ស.ណ.ន របស់ក្រសួងមហាផ្ទៃ ស្តីពីការគ្រប់គ្រងវត្តមានជនបរទេស នៅក្នុងព្រះរាជាណាចក្រកម្ពុជា ។
អគ្គនាយកដ្ឋានអន្តោប្រវេសន៍ ក៏បានស្នើដល់ស្នងការនគរបាលរាជធានី-ខេត្តទាំងអស់ បន្តផ្សព្វផ្សាយគោលការណ៍ណែនាំនេះ ជូនដល់ម្ចាស់ ឬអ្នកកាន់កាប់លំនៅដ្ឋានគ្រប់ប្រភេទ ឲ្យធ្វើសេចក្តីរាយការណ៍អំពីវត្តមានជនបរទេស ដែលបានមកស្នាក់នៅក្នុងលំនៅឋានរបស់ខ្លួន ទៅក្នុងប្រព័ន្ធគ្រប់គ្រងវត្តមានជនបរទេស ក្នុងព្រះរាជាណាចក្រកម្ពុជា (FPCS) ដើម្បីទទួលបានការអនុញ្ញាតឲ្យបន្តរយៈពេលស្នាក់នៅ៕
ចែករំលែកព័តមាននេះ