រាជធានីភ្នំពេញ ៖ ការរាលដាលនៃជំងឺកូវីដ ១៩ បានធ្វើឱ្យវិស័យជាច្រើនដែលជំរុញចរន្ត សេដ្ឋកិច្ចបានធ្លាក់ចុះ និងជាប់គាំង ក្នុងនោះវិស័យដឹកជញ្ជូនផ្លូវអាកាសក៏មានបញ្ហាធ្ងន់ធ្ងរ ផងដែរ គឺបានរងនូវផលប៉ះពាល់យ៉ាងធ្ងន់ធ្ងរ ជាក់ស្ដែងគិតមកដល់ចុងខែមេសា ២០២០ នេះ សកម្មភាពចរាចរផ្លូវអាកាសរបស់កម្ពុជា ត្រូវបានធ្លាក់ចុះរហូតដល់ ៩៥ភាគរយ ។
ទោះបីជាការហោះហើររបស់ក្រុមហ៊ុន អាកាសយានដ្ឋានកម្ពុជា មានការថមថយនូវ សកម្មភាពយ៉ាងខ្លាំងក្ដី ក៏ក្រុមហ៊ុននៅតែបន្តការអភិវឌ្ឍអាកាសយានដ្ឋានអន្តរជាតិទៅតា មផែនការដែរ ជាពិសេសការអភិវឌ្ឍអាកាសយានដ្ឋាននៅខេត្តព្រះសីហនុ ។
បើតាមលោក Alain Brun នាយកប្រតិបត្តិក្រុមហ៊ុនអាកាសយានដ្ឋានអន្តរជាតិ កម្ពុជាបាន លើកឡើងក្នុងជំនួបជាមួយលោក ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋាន អាកាសចរស៊ីវិល បានឱ្យដឹងថាបើទោះបីជាសកម្មភាពអាជីវកម្ម និងការហោះហើររបស់ អាកាសយានដ្ឋានកម្ពុជា បានប៉ះពាល់ និងធ្លាក់ចុះដល់ទៅ ៩៥ភាគរយក្ដី តែគម្រោងផែន ការអភិវឌ្ឍព្រលានយន្តហោះកងកេង ខេត្តព្រះសីហនុ នៅតែបន្តដដែល ការអភិវឌ្ឍ ហេដ្ឋារចនាសម្ពន្ធ័អាកាសយានដ្ឋាន ។
លោក Alain Brun បានបន្តថា ក្រុមហ៊ុននឹងបន្តស្តារ និងកែលម្អ ហេដ្ឋារចនាសម្ព័ន្ធអាកាស យានដ្ឋានក្រុងព្រះសីហនុ ដដែលតាមផែនការដែលកំណត់ ដោយមិនគិតពីផលប៉ះពាល់ COVID-19 ទេ ដោយក្នុងនោះបានសាងសង់ផ្លូវរត់ បាន ៧០% ការងារសំណង់ស៊ីវិលបាន ៤២% ការងារ apron ៤៥% ជាសរុបការងារទាំងមូលបាន ៥៧% ។
លោកបន្ថែមថា ទោះបីជាពេលនេះកម្ពុជាកំពុងស្ថិតនៅក្នុងស្ថានភាពលំបាក ដោយសារ តែជំងឺកូវីដ ១៩ ក្ដី តែអាកាសយានដ្ឋានកម្ពុជា មិនមានគម្រោង ឬក៏ផែនការក្នុងការកាត់ បន្ថយបុគ្គលិករប់ខ្លួនឡើយ ពោលគឺរក្សានៅដដែលដោយបែងចែកចំណូលបានគ្រប់ៗគ្នា ក៏ប៉ុន្តែសម្រាប់បុគ្គលិកដែលមានប្រាក់ខែលើសពី ៥០០ដុល្លារអាមេរិក អាកាសយានដ្ឋាន នឹងកាត់ប្រមាណ ២០ភាគរយ ហើយចំពោះបុគ្គលិកដែលមានប្រាក់ខែក្រោម ៥០០ដុល្លារ អាមេរិក នឹងមិនត្រូវកាត់នោះទេ គឺរក្សាទុកនៅដដែល ។ ដូច្នេះសរុបមកទោះបីជាកូវីដ ១៩ នៅកំពុងរាល និងប៉ះពាល់យ៉ាងណាក៏សកម្មភាពរបស់អាកាសយានដ្ឋានកម្ពុជានៅតែបន្ត ។
បើតាមលោក ជា អូន អ្នកនាំពាក្យរដ្ឋលេខាធិការដ្ឋាននៃអាកាសចរស៊ីវិលកម្ពុជា បានឱ្យ ដឹងថា ការដឹកជញ្ជូនតាមផ្លូវអាកាស គឺពិតជាមានសារសំខាន់ និងមានសុវត្ថិភាពខ្ពស់ បើ ធៀបនឹងមធ្យោយបាយធ្វើដំណើរដទៃទៀតហើយនឹងអាចដឹកមនុស្ស និងទំនិញទៅកាន់ទី កន្លែងផ្សេងៗទៀតនៅលើពិភពលោក ។
ទោះបីជាស្ថានភាពបច្ចុប្បន្ននេះមានការធ្លាក់ចុះនូវជើងហោះហើរពីគោលដៅផ្សេងៗក្ដី ក៏ អាកាសយានដ្ឋាននៅតែបន្តអភិវឌ្ឍន៍គម្រោងក្នុងនោះ ខេត្តព្រះសីហនុជាគោលដៅ អភិវឌ្ឍន៍ក្នុងពេលនេះ ។ លោកបន្តថា៖ «នៅថ្ងៃអនាគត ព្រលានយន្តហោះអន្តរជាតិ កងកេង ខេត្តព្រះសីហនុ នឹងអាចទទួលបានយន្តហោះធំៗ និងអាចឱ្យយន្តហោះ ធំៗ ហោះទៅកាន់គោលដៅឆ្ងាយរហូតដល់លើសពី ៦ម៉ោង ឬអាចឈានទៅដល់ ១០ម៉ោង» ។
លោកបន្តថា នៅចុងខែមិថុនាឆ្នាំ ២០២០នេះ ក្រុមហ៊ុននឹងបញ្ចប់ការសាងសង់ផ្លូវរត់នៅ អាកាសយានដ្ឋានអន្តរជាតិខេត្តព្រះសីហនុ ចំងាយ ៣០០០ម៉ែត្រ និងអាចអនុញ្ញាតឱ្យ យន្តហោះ ហោះក្នុងចំងាយឆ្ងាយៗ ។ លោកបន្ថែមថា សព្វថ្ងៃនេះអាកាសយានដ្ឋានអន្តរ ជាតិទាំងអស់ឱ្យយន្តហោះ ហោះក្នុងចំងាយត្រឹមតែ ៦ម៉ោង ដូចជាទៅប៉េកាំង ទៅសេអ៊ូល និងទៅឌុយបៃ ។ នៅពេលដែលពីស (ផ្លូវរត់ថ្មី ) បានរួចរាល់នឹងឱ្យយន្តហោះ ហោះបាន ដល់ទៅ ១២ម៉ោង ដូចជាទៅដល់ទីក្រុងប៉ារីស ប្រទេសបារាំងបានដោយមិនបាច់ផ្ទេរជើង ហោះហើរ ៕
ចែករំលែកព័តមាននេះ