ប្រទេសអង់គ្លេស៖ កីឡាករ Moise Kean អាចនឹងទទួលរងពិន័យធ្ងន់កពីក្លិប Everton ក្រោយពីរូបគេបានល្មើសទៅនឹងបម្រាមរបស់ក្លិប និងរដ្ឋាភិបាលដែលហាមមិនឲ្យមានការជួបជុំគ្នា អំឡុងប្រទេសកំពុងជួបវិបតិ្តដោយសារវីរុសកូវីដ១៩ ។…
ប្រទេសអង់គ្លេស៖ កីឡាករ Moise Kean អាចនឹងទទួលរងពិន័យធ្ងន់កពីក្លិប Everton ក្រោយពីរូបគេបានល្មើសទៅនឹងបម្រាមរបស់ក្លិប និងរដ្ឋាភិបាលដែលហាមមិនឲ្យមានការជួបជុំគ្នា អំឡុងប្រទេសកំពុងជួបវិបតិ្តដោយសារវីរុសកូវីដ១៩ ។
Everton បានសម្តែងការខកចិត្តយ៉ាងខ្លាំងចំពោះ Kean ដោយបានលើកឡើងថា ពួកគេមានការភ្ញាក់ផ្អើលយ៉ាងខ្លាំង បន្ទាប់ពីមានរូបភាពលេចចេញមកបង្ហាញពីខ្សែប្រយុទ្ធ Moise Kean នៅក្នុងពិធីជប់លៀងក្នុងផ្ទះកាលពីពេលថ្មីៗនេះ ដោយមិនអើពើនឹងការណែនាំរបស់រដ្ឋាភិបាល និងគោលការណ៍របស់ក្លិបទាក់ទងនឹងវិបត្តិនៃវីរុសកូវីដ១៩ ។
យោងតាមកាសែត Daily Star បានរាយការណ៍ថា សមាជិកក្រុមជម្រើសជាតិអ៊ីតាលីវ័យ ២០ឆ្នាំរូបនេះបានថតសកម្មភាពខ្លួនឯង ច្រៀងរាំជាមួយស្រីស្អាត និងមិត្តភក្តិយ៉ាងសប្បាយនៅក្នុងពិធីជប់លៀងមួយនៅក្នុងផ្ទះរបស់ខ្លួន ដែលនេះវាបានល្មើសទៅនឹងបម្រាមរបស់រដ្ឋាភិបាលអង់គ្លេស ។
នៅក្នុងសេចក្តីថ្លែងការណ៍របស់ Everton បានបន្ថែមថា «Everton បានសង្កត់ធ្ងន់ជាទៀងទាត់ អំពីសារៈសំខាន់នៃការធ្វើតាមគោលការណ៍ណែនាំទាំងអស់របស់រដ្ឋាភិបាល រួមទាំងច្បាប់ និងដំបូន្មានសម្រាប់ទាំងក្នុង និងក្រៅផ្ទះតាមរយៈទំនាក់ទំនងជាផ្លូវការដល់បុគ្គលិកទាំងអស់ រួមទាំងកីឡាករ និងគ្រូបង្វឹកផងដែរ»៕
ចែករំលែកព័តមាននេះ