ក្រុងសេអ៊ូលថា លោកគីម ជុងអ៊ុន នៅរស់ និងមានសុខភាពល្អ
ប្រទេសកូរ៉េខាងជើង ៖ ទីប្រឹក្សាពិសេសខាងសន្តិសុខជាតិរបស់ប្រធានាធិបតីកូរ៉េខាងត្បូង លោក MOON JAE IN គូសបញ្ជាក់ថា លោកគីម ជុងអ៊ុន…
ប្រទេសកូរ៉េខាងជើង ៖ ទីប្រឹក្សាពិសេសខាងសន្តិសុខជាតិរបស់ប្រធានាធិបតីកូរ៉េខាងត្បូង លោក MOON JAE IN គូសបញ្ជាក់ថា លោកគីម ជុងអ៊ុន…
ប្រទេសកូរ៉េខាងជើង ៖ ទីប្រឹក្សាពិសេសខាងសន្តិសុខជាតិរបស់ប្រធានាធិបតីកូរ៉េខាងត្បូង លោក MOON JAE IN គូសបញ្ជាក់ថា លោកគីម ជុងអ៊ុន មេដឹកនាំកូរ៉េខាងជើងនៅរស់និងមាន
សុខភាពល្អ ។ ទីប្រឹក្សារូបនោះបាននិយាយសម្រាលចំពោះពាក្យចចាមអារ៉ាមនានាដែលនិយាយពីបញ្ហាសុខភាពរបស់មេដឹកនាំកូរ៉េខាងជើងរូបនេះ ។
ទីប្រឹក្សារូបនេះនិយាយកាលពីថ្ងៃទី២៦មេសា ប្រាប់ទូរទស្សន៍អាមេរិក CNNថា ជំហរ
របស់រដ្ឋាភិបាលយើងគឹម៉ឺងម៉ាត់ លោកគីមជុងអ៊ុន នៅរស់និងមានសុខភាពល្អ ។ មេដឹកនាំក្រុង
ព្យុងយ៉ាងពេលនេះស្នាក់នៅក្រុងវ៉ុនសាន ចាប់តាំងពីថ្ងៃទី១៣ មេសាមក ។ ទីក្រុងកម្សាន្តមាត់
សមុទ្រនោះស្ថិតនៅភាគខាងកើតប្រទេស ។ ពុំមានសកម្មភាពគួរឲ្យសង្ស័យណាមួយត្រូវបានកត់សម្គាល់ឃើញឡើយរហូតមកទល់ពេលនេះ ។
ពាក្យចចាមអារ៉ាមនានាពីស្ថានភាពសុខភាពរបស់លោកគីម ជុងអ៊ុន មានការកើនឡើងចាប់តាំងពីលោកអវត្តមានក្នុងឱកាសនៃពិធីកំណត់ពីថ្ងៃកំណើតរបស់ជីតាលោកគឺលោកគីម អ៊ីលស៊ុងនាថ្ងៃទី១៥ មេសា ។ ប្រាកដណាស់ថ្ងៃនោះជាថៃ្ងសំខាន់បំផុតមួយរបស់កូរ៉េខាងជើង ព្រោះតែងប្រារព្ធថ្ងៃកំណើតរបស់ស្ថាបនិកនៃរបបកុំមុយនីស្តកូរ៉េខាងជើងរៀងរាល់ឆ្នាំ ។
វេបសាយមួយគ្រប់គ្រងដោយពួកកូរ៉េខាងជើងរត់ចោលជួរ មានមូលដ្ឋាននៅក្រុងសេអ៊ូលជាអ្នកចេញផ្សាយដំបូងថា លោកគីម ជុងអ៊ុនទទួលការវះកាត់បេះដូងនិងថា លោកកំពុងទទួលការព្យាបាលបន្ទាន់ក្នុងវីឡាមួយ នៃខេត្ត PYON GAN ខាងជើង ។ វេបសាយនេះរៀបរាប់តាមប្រភពមិនបញ្ចេញឈ្មោះមួយថា លោកគីម ជុងអ៊ុន ត្រូវវះកាត់បេះដូង និងព្យាបាលបន្ទាន់មកពី
បញ្ហាជក់បារីច្រើនជ្រុល ធាត់ខ្លាំង និងមានការហេវហត់ ចុះខ្សោយ ។
បណ្ដាអ្នកទទួលខុសត្រូវកូរ៉េខាងត្បូងបានអំពាវនាវឲ្យមានការប្រុងប្រយ័ត្ន ប្រឈមមុខនឹងបណ្ដាព័ត៌មានដែលថា មេដឹកនាំកូរ៉េខាងជើងមានជំងឺធ្ងន់ដោយគូសបញ្ជាក់ថា ពួកគេពុំរកឃើញចលនាខុសពីប្រក្រតីណាមួយនៅកូរ៉េខាងជើងឡើយ ។ ក្នុងឱកាសនៃវេទិកាបិទជិតមួយកាលពីថ្ងៃទី២៦ មេសា រដ្ឋមន្ត្រីបង្រួបបង្រួមកូរ៉េខាងត្បូង លោក KIM YEON CHUL ថ្លែងថា រដ្ឋាភិបាលមានសមត្ថភាពស៊ើបការណ៍ដើម្បីនិយាយដោយមានទំនុកចិត្តថា ពុំមានអ្វីខុសពីប្រក្រតីកើតមានឡើយ ។
បណ្ដាសារព័ត៌មានកូរ៉េខាងត្បូង រាយការណ៍កាលពីសប្ដាហ៍មុនថា លោកគីម ជុងអ៊ុន អាចទទួលការវះកាត់បេះដូង ហើយស្តិតនៅដាច់ពីគេដើម្បីចៀសវាងពីការឆ្លងវីរុស COVID-19 ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ