ច្បាស់ការហើយ! ក្របខ័ណ្ឌ Serie A នឹងហ្វឹកហាត់ឡើងវិញនៅដើមខែក្រោយ
ប្រទេសអុីតាលី ៖ ក្របខ័ណ្ឌ Serie A នឹងត្រូវបានអនុញ្ញាតឲ្យមានការហ្វឹកហាត់ឡើងវិញជាលក្ខណៈបុគ្គលនៅថ្ងៃទី៤ ខែឧសភា និងលក្ខណៈជាក្រុមនៅថ្ងៃទី ១៨ ខែ…
ប្រទេសអុីតាលី ៖ ក្របខ័ណ្ឌ Serie A នឹងត្រូវបានអនុញ្ញាតឲ្យមានការហ្វឹកហាត់ឡើងវិញជាលក្ខណៈបុគ្គលនៅថ្ងៃទី៤ ខែឧសភា និងលក្ខណៈជាក្រុមនៅថ្ងៃទី ១៨ ខែ ឧសភា ខាងមុខនេះ បន្ទាប់ពីនាយករដ្ឋមន្ត្រីអុីតាលី បានប្រកាសពីជំហានដំបូងក្នុងការលុបចោលការចាក់សោរប្រទេសក្នុងគ្រាអាសន្ន ក្រោយករណីឆ្លង និងអ្នកបាត់បង់ជីវិតដោយវីរុសកូវីដ១៩ មានការថយចុះគួរឲ្យកត់សម្គាល់ ។
មានក្តីសង្ឃឹមថាការប្រកួតក្របខ័ណ្ឌ Serie A អាចនឹងចាប់ផ្តើមឡើងវិញនៅចន្លោះថ្ងៃទី ២៧ ខែ ឧសភាដល់ថ្ងៃទី ២ ខែ មិថុនា ដោយមានកាលបរិច្ឆេទបញ្ចប់សម្រាប់រដូវកាលនេះនៅដើមខែ សីហា ពីក្រោយការលេងបិទទ្វារកីឡដ្ឋាន ។
ទោះយ៉ាងណាក៏ដោយ នៅមិនទាន់មានការប្រកាសជាផ្លូវការណាមួយ ស្តីពីលទ្ធភាពនៃពេលវេលាវិលត្រឡប់សម្រាប់ក្របខ័ណ្ឌ Serie A នៅឡើយទេ ។
ឧទ្យានជាតិ និងកន្លែងកម្សាន្តមួយចំនួនក៏នឹងត្រៀមបើកដំណើរការឡើងវិញ នៅក្នុងប្រទេសដែលធ្លាប់មានចំនួនអ្នកស្លាប់ផ្លូវការខ្ពស់បំផុតនៅអឺរ៉ុបមួយនេះផងដែរ ។
ប្រទេសអុីតាលីបានរាយការណ៍ថា មានអ្នកស្លាប់ថ្មីចំនួន ២៦០ នាក់កាលពីថ្ងៃអាទិត្យ ដែលនេះជាតួលេខអ្នកស្លាប់ប្រចាំថ្ងៃទាបបំផុតមួយចាប់តាំងពីថ្ងៃទី ១៤ ខែ មីនា ៕ (ដកស្រង់ចេញពី BBC)
ចែករំលែកព័តមាននេះ