ខេត្តបន្ទាយមានជ័យ ៖ ប្រជាពលរដ្ឋបានហាមឃាត់មេឃុំភ្នំលៀប ដែលយកអេស្កាវ៉ាទ័រ២គ្រឿងទៅកាយព្រំដីរំលោភយកដីតំបន់ការពារដែនជម្រកមច្ឆជាតិ ស្ថិតក្នុងភូមិសាស្ត្រស្រុកព្រះនេត្រព្រះ ។ ប្រជាពលរដ្ឋប្រមាណ៧០គ្រួសារ រស់នៅភូមិពាមកំពង់ក្រសាំង និយាយថា កាលពីថ្ងៃទី១៣…
ខេត្តបន្ទាយមានជ័យ ៖ ប្រជាពលរដ្ឋបានហាមឃាត់មេឃុំភ្នំលៀប ដែលយកអេស្កាវ៉ាទ័រ២គ្រឿងទៅកាយព្រំដីរំលោភយកដីតំបន់ការពារដែនជម្រកមច្ឆជាតិ ស្ថិតក្នុងភូមិសាស្ត្រស្រុកព្រះនេត្រព្រះ ។
ប្រជាពលរដ្ឋប្រមាណ៧០គ្រួសារ រស់នៅភូមិពាមកំពង់ក្រសាំង និយាយថា កាលពីថ្ងៃទី១៣ ខែ
មេសាកន្លងទៅ ពួកគាត់ឃើញមានអេស្កាវ៉ាទ័រ១គ្រឿង មកកាយព្រំដីនៅចំណុចដីតំបន់២និងតំបន់៣ដែលក្នុងរយៈពេល៧ថ្ងៃបានប្រមាណជិត៣.០០០ម៉ែត្រ ។ លុះនៅថ្ងៃទី២២ ខែមេសា ឃើញក៏អេស្កាវ៉ាទ័រ១គ្រឿងថែមទៀត បានធ្វើសកម្មភាពកាយព្រំដីរយៈពេល១ថ្ងៃបានប្រមាណ៤០០ម៉ែត្រ ហើយក៏ត្រូវបានពួកគាត់ជាប្រជាពលរដ្ឋ នៅភូមិពាមកំពង់ក្រសាំង ឃុំភ្នំលៀប ស្រុកព្រះនេត្រព្រះ ធ្វើការហាមឃាត់មិនឱ្យកាយ ព្រោះជាដីតំបន់ការពារជម្រកមច្ឆជាតិដែលរាជរដ្ឋាភិបាលហាមឃាត់ ។
ប្រជាពលរដ្ឋបញ្ជាក់ថា នៅពេលពួកគាត់ទៅហាមឃាត់ និងសាកសួរអ្នកបើកបរអេស្កាវ៉ាទ័រនេះត្រូវបានប្រាប់ថា ជារបស់លោក អែម ណុយ មេឃុំភ្នំលៀប ហើយក្រោយពេលឃាត់គេក៏ដកចេញអស់ ។ កន្លងមក លោកមេឃុំរូបនេះធ្លាប់យកអេស្កាវ៉ាទ័រកាយព្រំដីរំលោភយករហាលសន្ទូងជាច្រើនហិកតា ថែមទាំងអាស្រ័យផលធ្វើស្រូវរាល់ឆ្នាំមកហើយ ។
លោក សួន ស៊ីម៉ៅ ប្រធានរដ្ឋបាលជលផលស្រុកព្រះនេត្រព្រះ បានប្រាប់នៅថ្ងៃទី២៦ ខែមេសាថា ក្រោយពេលទទួលព័ត៌មាននេះ លោកទៅពិនិត្យមើលឃើញពិតជាមានការកាយព្រំដីរំលោភនៅតំបន់ការពារមច្ឆជាតិនោះមែន ប៉ុន្តែនៅពេលទៅដល់គឺជនខិលខូចបានដកគ្រឿងចក្រចេញអស់ហើយ ។
ចំណែកលោក អែម ណុយ មេឃុំភ្នំលៀបបានប្រាប់តាមទូរស័ព្ទនៅថ្ងៃទី២៦ ខែមេសាថា លោកពិតជាបានឱ្យគ្រឿងចក្រទៅកាយព្រំដីនោះមែន តែជាការស៊ីឈ្នួលកាយឱ្យគេទេក្នុងទទឹង១ម៉ែត្រជម្រៅជាង១ម៉ែត្រតម្លៃ២.៧០០រៀល ហើយមានទាន់បានលុយផងក៏ត្រូវហាមឃាត់ ទើបឱ្យដកគ្រឿងចក្រត្រឡប់មកវិញ ។
រីឯម្ចាស់ដីដែលមិនឱ្យបញ្ចេញឈ្មោះបានប្រាប់តាមទូរស័ព្ទនារសៀលថ្ងៃទី២៦ ខែមេសា ថា តាមពិតដីនេះគាត់បានទិញពីប្រជាពលរដ្ឋជាច្រើនគ្រួសារ នៅអំឡុងឆ្នាំ២០០៧រហូតដល់ឆ្នាំ២០០៨ ទិញបាន៩០០ហិកតា ដោយមានឯកសារទិញលក់ត្រឹមត្រូវ ។ ក្រោយមក ដោយមានប្រជាពលរដ្ឋរំលោភយកដីរបស់គាត់ ទើបសម្រេចចិត្តជួលអេស្កាវ៉ាទ័រលោកមេឃុំភ្នំលៀបកាយព្រំដីការពារបានខ្លះហើយ ក៏ត្រូវហាមឃាត់ហើយឱ្យផ្អាកនិងឱ្យធ្វើតែកន្លែងមិនប៉ះពាល់ ។
លោក ឃូ ពៅ អភិបាលស្រុកព្រះនេត្រព្រះបានប្រាប់តាមទូរស័ព្ទនៅថ្ងៃដដែលនោះដែរថា ក្រោយពេលទទួលព័ត៌មាននេះ ក៏បានទៅហាមឃាត់ឱ្យបញ្ឈប់ការកាយដីដែលប៉ះពាល់លើដីតំ
បន់២និងដីតំបន់៣ ដែលរាជរដ្ឋាភិបាលបានការពារជាតំបន់មច្ឆជាតិសម្រាប់ឱ្យត្រីពងកូន។
បើលោកបានដឹងខ្លះ គឺដីនេះម្ចាស់បានទិញពីប្រជាពលរដ្ឋមុនពេលរាជរដ្ឋាភិបាលហាមឃាត់ជា
ដែនជម្រកមច្ឆជាតិ ហើយមកកាយព្រំដីក្រោយពេលហាមឃាត់ ទើបឲ្យបញ្ឈប់សកម្មភាព ៕ (កែសម្រួលដោយ ៖ បុប្ផា)
ចែករំលែកព័តមាននេះ