ADផ្ទាំងផ្សព្វផ្សាយពាណិជ្ជកម្ម

ចិនជាង៣០នាក់ធ្វើបាតុកម្មមុខស្ថានទូតចិនពាក់ព័ន្ធរឿងសំបុត្រយន្តហោះ

3 ឆ្នាំ មុន

ភ្នំពេញ
២៧ ខែ មេសា ឆ្នាំ ២០២០ ម៉ោង ១៦:១២

រាជធានីភ្នំពេញ ៖ ជនជាតិចិនប្រុសស្រីប្រមាណជាជាង៣០នាក់បាននាំគ្នាមកឈរកាន់បដាតវ៉ានៅខាងមុខស្ថានទូតចិនប្រចាំនៅព្រះរាជាណាចក្រកម្ពុជា ដើម្បីសុំអោយជួយធ្វើអន្តរាគមន៍ទៅនឹងក្រុមហ៊ុនអាកាសចរណ៍ដឹកអ្នកដំណើរមួយ ក្រោយពីពួកគាត់បាននាំគ្នាទិញសំបុត្រយន្តហោះតាមប្រព័ន្ធអនឡាញវិលត្រឡប់ទៅប្រេទេសវិញរួចហើយ បែរជាមិនមានជើងហោះហើរ ហើយក្រុមហ៊ុនគ្មានដំណោះស្រាយ លុយក៏មិនអោយវិញ ចំណែកវីសាក៏ជិតផុតកំណត់ រីឯការងារក៏គ្មានធ្វើ…

ការតវ៉ាខាងលើនេះដែរបានធ្វើឡើងកាលពីវេលាម៉ោង៨និង៣០នាទីព្រឹកថ្ងៃទី២៧ ខែ មេសា ឆ្នាំ ២០២០០ នៅខាងមុខដីឡូតិ៍មួយកន្លែង ដែលមានទីតាំងនៅទល់មុខស្ថានទូតចិន ផ្លូវម៉ៅសេទុង ក្នុងសង្កាត់ទួលស្វាយព្រៃទី ១ ខណ្ឌបឹងកេងកង។

តាមប្រភពព័ត៌មានពីសមត្ថកិច្ចបានប្រាប់ឱ្យដឹងថា មុនពេលកើតហេតុ មានក្រុមជនជាតិចិនប្រុសស្រី ប្រមាណជាជាង៣០នាក់ ធ្វើដំណើរខ្លះតាមរថយន្ត កង់បី និងម៉ូតូ ដោយមធ្យោបាយរៀងៗខ្លួន បានមកជួបជុំប្រមូលផ្តុំគ្នានៅខាងមុខដីឡូតិ៍មួយកន្លែងម្ខាងផ្លូវទល់មុខនិងស្ថានទូតចិនប្រចាំនៅប្រទេសកម្ពុជាខាងលើ។

តាមប្រភពដដែលបានឱ្យដឹងបន្តថា ក្រោយពីប្រមូលផ្តុំគ្នារួចហើយ ក្រុមជនជាតិចិនទាំងនោះក៏បាននាំគ្នាលើកកាន់បដា ដើម្បីធ្វើការតវ៉ាទៅនឹងក្រុមហ៊ុនអាកាសចរណ៍មួយ ដែលពួកគាត់បាននាំគ្នាទិញសំបុត្រតាមប្រព័ន្ធអនឡាញដើម្បីវិលទៅស្រុកវិញ ដោយឱ្យលុយអស់រួចរាល់អស់ហើយ លុះដល់ពេលចេញដំណើរ បែរជាមិនមានជើងហោះហើរទៅវិញ។

តាមប្រភពដដែលបានឱ្យដឹងបន្តទៀតថា ពេលដែលក្រុមជនជាតិចិនប្រុសស្រីទាំងជាង៣០នាក់បាននាំគ្នាទិញសំបុត្រយន្តហោះតាមប្រព័ន្ធអនឡាញរួចហើយមិនមានជើងហោះហើរជិះទៅស្រុកវិញនោះ ពួកគាត់ក៏បាននាំគ្នាធ្វើការតវ៉ាទៅខាងក្រុមហ៊ុនអាកាសចរណ៍មួយនោះផងដែរ តែខាងក្រុមហ៊ុនបែរជានិយាយយកតែរួចខ្លួន មិនមានការទទួលខុសត្រូវឡើយ ចំណែកឯលុយក៏មិនឱ្យវិញដែរ ទើបពេលនេះពួកគាត់លើកគ្នាមកកាន់ស្ថានទូតចិនប្រចាំនៅប្រទេសកម្ពុជាអោយជួយធ្វើអន្តារគមន៍តែម្តង។

តាមប្រភពព័ត៌មានបានបន្តឱ្យដឹងទៀតថា ក្រៅពីសុំការធ្វើអន្តាគមន៍រឿងទិញសំបុត្រយន្តហោះរួច គ្មានជើងហោះហើរខាងលើនេះ ក៏នៅមានសុំអោយមានការដោះស្រាយរឿងវីសាជិតផុតពេល រីឯការងារក៏គ្មានធ្វើ ម្យ៉ាងទៀតលុយកាក់សម្រាប់ចាយវាយហូបចុកក៏ស្ទើរតែអស់ទៀត ហើយខាងស្ថានទូតចិនក៏អនុញ្ញាតអោយខាងតំណាងជនជាតិចិនទាំងជាង៣០នាក់នោះចូលទៅធ្វើការដោះស្រាយផងដែរ។

ក្រោយពីខាងស្ថានទូតចិនអនុញ្ញាតអោយខាងតំណាងជនជាតិចិនប្រុសស្រីទាំងជាង៣០នាក់ចូលទៅធ្វើការដោះស្រាយពាក់ព័ន្ធទៅនឹងករណីពួកគេនាំគ្នាទិញសំបុត្រយន្តហោះតាមប្រព័ន្ធអនឡាញ និងគ្មានជើងហោះហើរ ខាងស្ថានទូតក៏បានធ្វើការណែនាំរួចហើយក៏ធ្វើការរំសាយទៅវិញបាត់អស់ និងមិនមានអ្នកណាម្នាក់បានដឹងពីលទ្ធផលដោះស្រាយយ៉ាងណាឡើយ ៕ (កែសម្រួលដោយ ៖ ធីតា)