ក្រុងហុងកុង ៖ ប៉ូលិសក្រុងហុងកុង កាលពីថ្ងៃទី២៦ មេសា បានបំបែកបាតុកម្មមួយរបស់ពួកសកម្មជន ដើម្បីលទ្ធិប្រជាធិបតេយ្យប្រមាណជា៣០០នាក់ ក្នុងតំបន់រដ្ឋបាលពិសេសនេះ ក៏ទោះបីមានការហាមឃាត់ការប្រមូលផ្ដុំមនុស្សលើសពី៤នាក់ទៅ ដោយសារបញ្ហាវីរុសCOVID-19ក្ដី។
ពួកបាតុករដែលភាគច្រើនជាយុវជន បានលើកគ្នាទៅប្រមូលផ្ដុំក្នុងមជ្ឈមណ្ឌលពាណិជ្ជកម្មCITYPLAZA ដោយស្រែកពាក្យថា ចូររំដោះហុងកុង បដិវត្តន៍នៃសម័យកាលយើង! ហើយនាំគ្នាច្រៀងចម្រៀងតវ៉ា។
នេះជាបាតុកម្មលើកដំបូងពុំធ្លាប់ចាប់តាំងពីរដ្ឋាភិបាលហុងកុង ហាមឃាត់រាល់ការប្រមូលផ្ដុំមនុស្សជាសាធារណៈពីដំណាច់ខែមីនាមក ក្នុងគោលបំណងទប់ស្កាត់ការឆ្លងរាលដាលនៃវីរុស។
ក្រុងហុងកុងចាប់តាំងពីខែមិថុនាឆ្នាំ២០១៩មក មានបាតុកម្មតវ៉ាជួយកាលដោយហិង្សាជាប់រដឹក ទាមទារឲ្យគោរពបណ្ដាគោលការណ៍ លទ្ធិប្រជាធិបតេយ្យនៅហុងកុង និងប្រឆាំងចំពោះឥទ្ធិពលកាន់តែខ្លាំងរបស់ក្រុងប៉េកាង ប្រឆាំងនឹងគោលការណ៍ប្រទេសមួយប្រព័ន្ធ២ ដែលបង្កើតឡើងតាំងពីការប្រគល់ដែនដីហុងកុងមកឲ្យចិនវិញកាលពីឆ្នាំ១៩៩៧មក៕
ចែករំលែកព័តមាននេះ