ប្រទេសជប៉ុន ៖ វីរុស COVID-19 បានឆ្លងរាលដាលកាន់តែខ្លាំង ក្នុងនាវាកម្សាន្តមួយនៅជប៉ុន ។ ១ភាគ៤នៃសមាជិកក្រុមនាវិកនាវាCOSTA ATLANTICA ដែលឈប់សំចតក្នុងកំពង់ផែមួយនាភាគខាងលិចជប៉ុន…
ប្រទេសជប៉ុន ៖ វីរុស COVID-19 បានឆ្លងរាលដាលកាន់តែខ្លាំង ក្នុងនាវាកម្សាន្តមួយនៅជប៉ុន ។ ១ភាគ៤នៃសមាជិកក្រុមនាវិកនាវាCOSTA ATLANTICA ដែលឈប់សំចតក្នុងកំពង់ផែមួយនាភាគខាងលិចជប៉ុន ទាំង៦២៣នាក់ធ្វើតេស្តឃើញលទ្ធផលវិជ្ជមាននៃវីរុស ។
មន្ត្រីជប៉ុនម្នាក់និយាយថា នាវាដោតទង់ជាតិអ៊ីតាលីនោះពុំមានដឹកអ្នកដំណើរឡើយ រួចវាបាន
មកដល់កំពង់ផែណាហ្គាសាគី កាលពីខែមករាដើម្បីជួសជុល ។ ប្រមាណជា១សប្ដាហ៍មកហើយ
អាជ្ញាធរមូលដ្ឋានទទួលបានការប្រកាសអាសន្នពីនាវានោះថា មានជនសង្ស័យឆ្លងវីរុសម្នាក់ក្នុងចំណោមសមាជិកក្រុមនាវិក ។ ពួកគេចាប់តាំងពីពេលនោះមកត្រូវធ្វើតេស្តគ្រប់គ្នា ។ សមាជិកក្រុមនាវិក៥៧នាក់ចុងក្រោយបានធ្វើតេស្តនាថៃ្ងទី២៥មេសា ហើយចំនួនអ្នកឆ្លងសរុបក្នុងនាវាពេលនេះបានឡើងដល់១៤៨នាក់ ។
សមាជិកក្រុមនាវិកមួយចំនួន ត្រូវបង្ខាំងក្នុងនាវា តែច្រើននាក់ទៀតនៅត្រូវទទួលបន្ទុកធ្វើប្រតិបត្តិការថែរក្សាក្នុងនាវា ។ រហូតមកទល់បច្ចុប្បន្នក្នុងចំណោមពួកគេ មានតែម្នាក់គត់មានវត្តមានក្នុងមន្ទីរពេទ្យ ។ សម្រាប់ពេលនេះគេមិនទាន់ដឹងពីសញ្ជាតិនិងអាយុពួកគេនៅឡើយ ។
អាជ្ញាធម៌ជប៉ុនធ្លាប់បានប្រឈមមុខនឹងករណិវីរុស COVID-19 ក្នុងនាវាកម្សាន្ត DIAMOND PRINCESS កាលពីដើមឆ្នាំហើយការគ្រប់គ្រងវិបត្តិនោះធ្លាប់រងការរិះគន់ជាច្រើន ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ