ការបាត់មុខ គីម ជុងអ៊ុន សារព័ត៌មានកូរ៉េខាងជើងនៅស្ងៀមស្ងាត់
ប្រទេសកូរ៉េខាងជើង ៖ បណ្ដាសារព័ត៌មានកូរ៉េខាងជើងកាលពីថ្ងៃទី២៦ ខែមេសា ឆ្នាំ២០២០ បានរាយការណ៍ថា មេដឹកនាំប្រទេសនេះ លោក គីម ជុងអ៊ុន…
ប្រទេសកូរ៉េខាងជើង ៖ បណ្ដាសារព័ត៌មានកូរ៉េខាងជើងកាលពីថ្ងៃទី២៦ ខែមេសា ឆ្នាំ២០២០ បានរាយការណ៍ថា មេដឹកនាំប្រទេសនេះ លោក គីម ជុងអ៊ុន…
ប្រទេសកូរ៉េខាងជើង ៖ បណ្ដាសារព័ត៌មានកូរ៉េខាងជើងកាលពីថ្ងៃទី២៦ ខែមេសា ឆ្នាំ២០២០ បានរាយការណ៍ថា មេដឹកនាំប្រទេសនេះ លោក គីម ជុងអ៊ុន បានសម្ដែងការអបអរសាទរចំពោះបណ្ដាអ្នក ដែលធ្វើការសម្រាប់ការកសាងទីក្រុងថ្មីមួយនៅតាមព្រំដែនកូរ៉េខាងជើង គឹនៅតំបន់SAMJIYON តែបន្តនៅស្ងៀមស្ងាត់លើការបាត់មុខជាសាធារណៈរបស់មេដឹកនាំរូបនោះ ចាប់តាំងពី២សប្ដាហ៍មកហើយ ខណៈមានពាក្យចចាមអារ៉ាមកាន់តែច្រើនពីស្ថានភាពសុខភាពរបស់លោក ។
ទោះបីយ៉ាងណា សារព័ត៌មានទាំងនេះមិនបានផ្ដ្ល់ដំណឹងអ្វី ដែលអាចមញ្ជាក់ពីកន្លែងស្នាក់នៅឬពីស្ថានភាពសុភាពរបស់មេដឹកនាំំរូបនេះឡើយ។ លោកគីមជុងអ៊ុនបានបាត់មុខក្រោយពីលោកដឹកនាំកាលពីថ្ងៃទី១១មេសានូវកិច្ចប្រជុំមួយរបស់ការិយាល័យនយោបាយ បក្សពលករកូរ៉េ។
បន្ទាប់ពីនោះមកលោកមិនបានមកចូលរួមក្នុងវិមានព្រះអាទិត្យគុំស៊ូសានកាលពីថ្ងៃទី១៥មេសា នាឱកាសខួបកំណើតរបស់ជីតាលោកគឹលោកគីមអ៊ីលស៊ុង ដែលនាំឲ្យមានពាក្យចចាមអារ៉ាមនានា ទាក់ទិននឹងមូលហេតុនៃអវត្តមាននេះរបស់លោក ក្នុងព្រឹត្តិការណ៍សំខាន់នោះរបស់ប្រទេស។ មានពាក្យចចាមអារ៉ាមពីបញ្ហាសុខភាពរបស់លោក ដោយថាលោកទទួលការវះកាត់បេះដូង និងកំពុងជួបគ្រោះថ្នាក់ក្រោយការវះកាត់នោះ។ មណ្ដាមន្ត្រីក្រុងសេអ៊ូលនិងក្រុងវ៉ាសិុនតោនមិនជឿលើរបាយការណ៍ទាំងនោះឡើយ។
ឃើញរថភ្លើងប្រហែលរបស់លោកគីមជុងអ៊ុននៅក្រុងមួយ
តាមAFPថារថភ្លើងមួយប្រហែលជារបស់លោកគីមជុងអ៊ុន ត្រូវបានគេកំណត់ឃើញ លើបណ្ដារូបភាពផ្កាយរណប នៅឯកន្លែងកម្សាន្តមាត់សមុទ្រមួយ នាភាគខាងកើតប្រទេស។ នេះជាការអះអាងរបស់វេបសាយអាមេរិក38NORTH ពេលស្ថានភាពសុខភាពរបស់មេដឹកនាំរូបនោះ កំពុងជាចំណីនៃការបញ្ចេញពាក្យចចាមអារ៉ាមនានា ។
វេបសាយនេះក្នុងអត្ថបទមួយសរសេរថា រថភ្លើងដែលឃើញក្នុងរូបភាពផ្កាយរណប កាលពីថ្ងៃទី២១និង២៣មេសា គឹក្នុងស្ថានីយរថភ្លើងមួយ សម្រាប់គ្រួសារគីម។ វត្តមានរបស់រថភ្លើងនោះក៏មិនអាចបង្ហាញកន្លែងស្នាក់នៅរបស់លោកគីមជុងអ៊ុន ក៏ដូចជាមិនអាចបញ្ជាក់ពីស្ថានភាពសុខភាពរបស់លោក។
មុននេះមានព័ត៌មានពីចិនបញ្ជូនទៅកាន់កូរ៉េខាងជើងនូវក្រុមសំខាន់មួយ ដែលរួមមានជាពិសេស បណ្ដាអ្នកជំនាញការខាងសុខាភិបាល ដើម្បីផ្ដល់ការណែនាំ ពីបញ្ហាសុខភាពដល់លោកគីមជុងអ៊ុន។ ចំណែកប្រភពកូរ៉េខាងត្បូងមួយនិយាយប្រាប់រ៉យទ័រកាលពីថ្ងៃទី២៤មេសាថា បណ្ដាភ្នាក់ងារសើុបការណ៍និយាយថា លោកគីមជុងអ៊ុននៅរស់រានមានជីវិត ហើយនឹងលេចមុខជាសាធារណៈក្នុងពេលឆាប់ៗនេះ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ