ក្របខ័ណ្ឌ Ligue 1 រកឃើញករណីវិជ្ជមានកូវីដ១៩លើកីឡាករម្នាក់
ប្រទេសបារាំង ៖ ខ្សែបម្រើ Junior Sambia របស់ក្រុម Montpellier ត្រូវបានគ្រូពេទ្យដាក់ឲ្យស្ថិតក្នុងស្ថានភាពសន្លប់ (Artificial Coma)…
ប្រទេសបារាំង ៖ ខ្សែបម្រើ Junior Sambia របស់ក្រុម Montpellier ត្រូវបានគ្រូពេទ្យដាក់ឲ្យស្ថិតក្នុងស្ថានភាពសន្លប់ (Artificial Coma)…
ប្រទេសបារាំង ៖ ខ្សែបម្រើ Junior Sambia របស់ក្រុម Montpellier ត្រូវបានគ្រូពេទ្យដាក់ឲ្យស្ថិតក្នុងស្ថានភាពសន្លប់ (Artificial Coma) បន្ទាប់ពីបានធ្វើតេស្តរកឃើញថាមានវីរុសកូវីដ១៩ ។
កីឡាករបារាំងវ័យ ២៣ ឆ្នាំរូបនេះ បានក្លាយជាកីឡាករដំបូងគេនៅលីគកំពូលបារាំង Ligue 1 ដែលត្រូវបានបញ្ជាក់ថាមានផ្ទុកវីរុសនេះ។
ហើយភ្នាក់ងាររបស់ Sambia បាននិយាយថារោគសញ្ញារបស់គេកាន់តែធ្ងន់ធ្ងរ ក្រោយពីផ្លាស់ប្តូរមន្ទីរពេទ្យ និងកំពុងទទួលបានការយកចិត្តទុកដាក់ខ្ពស់ពីក្រុមគ្រូពេទ្យ ដោយបានសំរេចដាក់រូបគេឲ្យសន្លប់ ។
លោក Frederic Guerra បានប្រាប់កាសែត Le Parisien ថា «ស្ថានភាពរបស់ Sambia មានស្ថេរភាព មិនកាន់តែយ៉ាប់យ៉ឺន ហើយក៏មិនមានភាពប្រសើរឡើងដែរ» ។
«គេពិតជាគោរពតាមវិធានការរបស់ក្លិប ។ គេធ្វើគ្រប់យ៉ាងបានល្អ ។ គេច្បាស់ជាឆ្លងវីរុសនេះនៅពេលទៅផ្សារទិញទំនិញ ។ គេបានរាគរយៈពេលបីថ្ងៃដូចជាជំងឺរលាកក្រពះ។ បន្ទាប់មកនៅព្រឹកថ្ងៃអង្គារគេក៏បានទៅមន្ទីរពេទ្យ»។
«គេទទួលបានលទ្ធផលតេស្តកូវីដ១៩ ដែលពេលនោះបានបង្ហាញថាអវិជ្ជមាន ។ ហើយត្រូវបានអនុញ្ញាតឲ្យចាកចេញពីពេទ្យនៅថ្ងៃពុធ ។ ប៉ុន្តែស្ថានភាពគេកាន់តែអាក្រក់ទៅ ៗ ដោយសារបញ្ហាសួត» ។
«គេបានវិលត្រឡប់ទៅមន្ទីរពេទ្យដដែល បន្ទាប់មកត្រូវបានផ្លាស់ប្តូរមន្ទីរពេទ្យ២លើកមុនពេលសម្រេចដាក់ឲ្យសន្លប់» ៕ (ដកស្រង់ចេញពី talksport)
ចែករំលែកព័តមាននេះ