FIFA នឹងបញ្ចេញមូលនិធិប្រតិបត្តិការដែលគិតជាទឹកប្រាក់ចំនួន១៥០លានដុល្លារ ដើម្បីជួយដល់សមាគមជាសមាជិករបស់ខ្លួនសម្រាប់រដូវកាល ២០១៩-២០ នៅប៉ុន្មានថ្ងៃខាងមុខ ដែលជាជំហានដំបូងនៃផែនការផ្តល់ជំនួយជួយដល់សហគមន៍បាល់ទាត់ក្នុងស្រុក ដែលរងផលប៉ះពាល់ដោយសារវីរុសកូវីដ១៩ ។
វិធានការណ៍នេះមានន័យថាទឹកប្រាក់សរុបប្រមាណ ១៥០ លានដុល្លារអាមេរិកនឹងត្រូវបានចែកចាយក្នុងចំណោមសហព័ន្ធ ឬអង្គភាពគ្រប់គ្រងបាល់ទាត់ជាតិចំនួន ២១១ នៅជុំវិញពិភពលោក ។
ប្រធាន FIFA លោក Gianni Infantino មានប្រសាសន៍ថា «ការរាតត្បាតនៃវីរុសបានកំពុងបង្កឲ្យមានផលប៉ះពាល់ដល់ការប្រកួតប្រជែង ដែលមិនធ្លាប់មានពីមុនមក សម្រាប់សហគមន៍បាល់ទាត់ទាំងមូល ហើយក្នុងនាមជាស្ថាប័នគ្រប់គ្រងបាល់ទាត់ពិភពលោកវាជាកាតព្វកិច្ចរបស់ FIFA ដែលនៅទីនោះ និងគាំទ្រដល់អ្នកដែលកំពុងប្រឈមមុខនឹងតម្រូវការយ៉ាងខ្លាំង ។ យើងចាប់ផ្តើមដោយផ្តល់ជំនួយហិរញ្ញវត្ថុភ្លាមៗដល់សមាគមជាសមាជិករបស់យើង ដែលភាគច្រើនកំពុងជួបប្រទះបញ្ហាហិរញ្ញវត្ថុយ៉ាងធ្ងន់ធ្ងរ» ។
«នេះគឺជាជំហានដំបូងនៃផែនការជំនួយហិរញ្ញវត្ថុ ដែលបានឈានដល់កំរិតមួយដែលយើងកំពុងធ្វើការអភិវឌ្ឍ ដើម្បីឆ្លើយតបនឹងភាពអាសន្ននៅទូទាំងសហគមន៍បាល់ទាត់ទាំងមូល ។ យើងបានរួមគ្នាជាមួយអ្នកពាក់ព័ន្ធ ហើយកំពុងវាយតម្លៃនៃការខាតបង់ ដើម្បីដោះស្រាយឲ្យសមស្រប និងមានប្រសិទ្ធភាពបំផុត ដើម្បីឈានទៅរកជំហានបន្ទាប់» ។
ដោយផ្អែកលើចំនួនថវិកាសរុបធៀបទៅនឹងសមាគមនីមួយៗ ចំនួន ២២១ ដែលជាសមាជិករបស់ FIFA នឹងទទួលបានជាមធ្យម ៥០ម៉ឺនដុល្លារដើម្បីរួមចំណែកជួយទប់ស្កាត់ភាពខ្វះខាតមួយចំនួនក្នុងរដូវកាលនេះ ។
សូមជំរាបជូនថា ដោយសារតែការផ្ទុះឡើងនៃវីរុសកូវីដ១៩ បានធ្វើឲ្យការប្រកួតបាល់ទាត់នៅជុំវិញពិភពលោកត្រូវបានផ្អាក និងរំសាយចោល ។ វាបានប៉ះពាល់យ៉ាងខ្លាំងដល់សេដ្ឋកិច្ចលីគក្នុងស្រុក ក្លិបបាល់ទាត់ជាច្រើន ដែលរហូតដល់ឈានដល់ការកាត់បន្ថយប្រាក់ឈ្នួលកីឡាករ និងគ្រូបង្វឹកថែមទៀតផង ៕ (ដកស្រង់ចេញពី FIFA)
ចែករំលែកព័តមាននេះ