រាជធានីភ្នំពេញ៖ គិតត្រឹមថ្ងៃទី ២៦ ខែមេសានេះពុំទាន់មានដំណោះស្រាយថ្មីណាមួយពាក់ព័ន្ធនឹងការទាមទាររបស់មាតា-បិតានិងអាណាព្យាបាលសិស្សសាលាអន្តរជាតិ CIA ដែលបានផ្ទុះការជាថ្មីម្តងទៀតកាលពីថ្ងៃសៅរ៍ទាមទារឲ្យសាលាបញ្ចុះតម្លៃឲ្យបាន៤៥% ។
អាណាព្យាបាលនិងមាតាបីតាសិស្សបានបញ្ជាក់ប្រាប់នៅព្រឹកថ្ងៃទី ២៦ មេសាថា «ពុំមានដំណោះស្រាយថ្មីណាមួយនោះទេពាក់ព័ន្ធនឹងការតវ៉ារបស់ពួកគាត់ ដូច្នេះគាត់នឹងរង់ចាំពេល ២ ឬ ៣ ថ្ងៃខាងមុខបន្តទៀត » ។
សូមបញ្ជាក់ថាកាលពីសៅរ៍ទី ២៥ មេសាកន្លងទៅមាតាបីតា និងអាណាព្យាបាលសិស្សប្រមាណជាង ២០០ នាក់បានផ្ទុះការតវ៉ាជាថ្មីម្តងទៀតមុខសាសា CIA ផ្លូវ ២០០៤ ក្នុងសង្កាត់អូរបែកក្អមក្នុងទឹកដីខណ្ឌសែនសុខ រាជធានីភ្នំពេញ ដើម្បីស្នើសុំនាយកសាលាអនុគ្រោះដោយបញ្ចុះតំលៃ៤៥% សម្រាប់ការសិក្សាតាមប្រពន្ធ័អនឡាញ និងស្មើសុំមិនអោយមានការបង់ប្រាក់ថ្លៃសិក្សាគ្រប់កំរិតចាប់ពីខែមេសានេះតទៅនៅក្នុងស្ថានភាពដែលវីរុសកូវីដ១៩ កំពុងបោកបក់នៅលើពិភពលោកនិងកម្ពុជា។
នៅថ្ងៃតវ៉ាកន្លងទៅនេះមាតាបីតានិងអាណព្យាបាលសិស្សបានប្រាប់អ្នកសារព័ត៌មានឲ្យ ដឹងថាការតវ៉ាថ្ងៃទី ២៥ មេសានេះជាការតវ៉ាលើកទី២ហើយ ដែលឪពុកម្តាយ និងអាណាណ្យាបាលសិស្សសាលាអន្តរជាតិCIA បាននាំគ្នាតវ៉ា បន្ទាប់ពីការតវ៉ាលើកទី១ មានពួកគាត់ប្រមាណ៦០០នាក់ បាននាំគ្នាផ្តិតមេដៃផ្ញើជូនទៅលោករដ្ឋមន្ត្រីក្រសួងអប់រំ យុវជននិងកីឡា មេត្តាជួយអន្តរាគមន៍។
តាមអាណាព្យាបាលសិស្សបានអោយដឹងថា សាលានេះ មានសិស្សសរុបប្រមាណ៤០០០នាក់។ បន្ទាប់ពីក្រសួងប្រកាសឲ្យបិទទ្វារ ខណៈពេលដែលមានជំងឺឆ្លងកូវីដ-១៩ដែលកំពុងតែរីករាលដាលនោះ សាលាបានតម្រូវឲ្យសិស្សទាំងអស់សិក្សាតាមអនឡាញហើយការសិក្សាបែបនេះ ធ្វើអោយពួកគាត់ មានការលំបាកហើយចំណាយ ច្រើន ស្រមពេលដែលសេដ្ឋកិច្ច លំបាកធ្វើអោយពួកគាត់ពុំមានលទ្ធភាពក៍បានស្នើសុំអោយសាលាបញ្ចុះតម្លៃ ៥០ភាគរយ ។
បន្ទាប់ពីមានការតវ៉ាលើកទី១ ថ្នាក់ដឹកនាំសាលារួមទាំងក្រសួងក៏បានជួបដោះស្រាយដោយសាលាបានបញ្ចុះ តែ១៥ភាគរយ ។ ចំណែកខាងក្រសួងជំរុញអោយសាលាបញ្ចុះ២០ភាគរយ តែពួកគាត់មិនព្រមសុំត្រឹមតែ៤៥ភាគរយ ។
តាមអាណាព្យាបាលបានអោយដឹងថា កាលពីព្រឹកថ្ងៃទី២២ ខែមេសា អាណាព្យាបាលបានផ្ទុះការតវ៉ាម្តងហើយដោះស្រាយមិនត្រូវគ្នាក៍បន្តតវ៉ានៅថ្ងៃនេះ។ លាលាអន្តរជាតិនេះថ្លៃសិក្សាខ្ពស់ទៅតាមកំរិតចាប់ពី៣០០០ដុល្លាររហូតដល់ប្រមាណជាង៦០០០ដុល្លារក្នុងមួយឆ្នាំ ដែលគ្រួសារខ្លះមានកូន២ ទៅ៣នាក់រៀននៅសាលានេះ និងម្យ៉ាងដោយសារស្ថានភាពបច្ចុប្បន្នប៉ះពាល់ដោយកូវីដ-១៩ ពួកគាត់មានការលំបាកខ្លាំងក្នុងការបង់ប្រាក់សិក្សា។
តាមលិខិតដែលគោរពចូលទៅលោករដ្ឋ មន្ត្រី អោយដឹងថា អាណាព្យាបាលសិស្ស ក៍បានសំណូមពរ ដលសាលា ផ្តល់ការអនុគ្រោះនិងយោគយល់នូវចំណុចស្នើរសុំដូចខាងក្រោម៖ ១-បញ្ចុះថ្លៃសិស្សា ចំនួន៥០ភាគរយ (សម្រាប់សិស្សរៀនតាមអនឡាញ)ចាប់ពីខែមេសា ឆ្នាំ ២០២០តទៅនិងរហូតដល់មានការប្រកាសកាលវិភាគសិស្សាថ្មីពីក្រសួងអប់រំយុវជននិងកីឡាចំពោះសិស្សចាប់ពីថ្នាក់ទី១រហូតដល់ថ្នាក់ទី១២(ទាំងអ្នកបង់ប្រាក់ប្រចាំខែ ត្រីមាស និងប្រចាំឆ្នាំ), ២-ផ្អាកជាសណ្តោះអាសន្ន ការសិក្សារបស់សិស្សមតេយ្យ គ្រប់កំរិត(K3 K5)ដោយមិនគិតប្រាក់សិក្សាឬតម្រូវអោយបង់ប្រាក់ចាប់ពីខែមេសា ឆ្នាំ ២០២០នេះតទៅរហូតដល់មានការប្រកាសរបស់ក្រសួង និង៣-ផ្អាកការសិក្សា គ្រប់តំរិតជាបណ្តោះអាសន្ន (ទោះបីជាតាមអនឡាញ)ប្រសិនបើមានការប្រកាស់ដាក់ប្រទេសក្នុងស្ថានភាពអាសន្នដោយមិនតម្រូវអោយបង់ថ្លៃសិក្សា រហូតដល់មានការប្រកាស់របស់រដ្ឋាភិបាល ។
អាណាព្យាបាលសិស្សក៍បានទទូចស្នើសុំអោយសម្តេចតេជោហ៊ុន សែនក៍ដូចជាលោករដ្ឋមន្ត្រីមេត្តាជួយអន្តរាគមន៍ផងដែរ។នៅថ្ងៃតវ៉ានេះដែរ គេពុំឃើញមានវត្តមានថ្នាក់ដឹកនាំសាលាហៅជួបដោះស្រាយឡើយ ហើយក្រុមអ្នកតវ៉ាក៍បានបំបែកវិញនៅវេលាម៉ោងប្រមាណ១រសៀល ។
ទោះបីជាយ៉ាងណាកោះសន្តិភាពពុំទទួលការបំភ្លឺណាមួយពីសាលា អន្តរជាតិ CIA ឡើយ ។
ពាក់ព័ន្ធនឹងបញ្ហាការបង់ថ្លៃនៅតាមសាលាអប់រំឯកជននេះ ក៏មានមាតាបិតាអាណាព្យាបាលមានកូនៗរៀននៅសាលាឯកជនផ្សេងៗទៀតក៏ទាមទារឲ្យមានការបញ្ចុះថ្លៃក្នុងយុគ្គសម័យកូវីដ-១៩ ផងដែរ មិនមែនមានតែសាលា CIA នោះទេ ៕
ចែករំលែកព័តមាននេះ