ប្រទេសថៃ ៖ កាលពីថ្ងៃសៅរ៍ រដ្ឋាភិបាលថៃបានរាយការណ៍ពីការស្លាប់ថ្មីមួយដោយសារជម្ងឺកូវីដ១៩ និងការឆ្លងថ្មីចំនួន ៥៣ករណី ដែលក្នុងនោះមាន៤២នាក់ជាពលករចំណាកស្រុកនៅសុងក្លា។ ការស្លាប់នេះគឺជាបុរសជនជាតិថៃអាយុ៤៨ឆ្នាំ ដែលមានទំនាក់ទំនងជាមួយករណីដែលបានរាយការណ៍ពីមុន។ បងប្រុសរបស់គាត់ធ្វើការនៅកន្លែងកំសាន្តហើយឆ្លងជម្ងឺនេះ…
ប្រទេសថៃ ៖ កាលពីថ្ងៃសៅរ៍ រដ្ឋាភិបាលថៃបានរាយការណ៍ពីការស្លាប់ថ្មីមួយដោយសារជម្ងឺកូវីដ១៩ និងការឆ្លងថ្មីចំនួន ៥៣ករណី ដែលក្នុងនោះមាន៤២នាក់ជាពលករចំណាកស្រុកនៅសុងក្លា។
ការស្លាប់នេះគឺជាបុរសជនជាតិថៃអាយុ៤៨ឆ្នាំ ដែលមានទំនាក់ទំនងជាមួយករណីដែលបានរាយការណ៍ពីមុន។ បងប្រុសរបស់គាត់ធ្វើការនៅកន្លែងកំសាន្តហើយឆ្លងជម្ងឺនេះ បើតាមសម្តីរបស់លោក Taweesilp Visanuyothin អ្នកនាំពាក្យមជ្ឈមណ្ឌលរដ្ឋបាលស្ថានភាពកូវីដ១៩ បាននិយាយកាលពីថ្ងៃសៅរ៍។
ករណីថ្មីចំនួន ៥៣ករណីត្រូវបានគេរាយការណ៍ច្រើនបំផុតក្នុងរយៈពេលតែមួយថ្ងៃ ចាប់តាំងពីថ្ងៃទី៩ ខែមេសា។ មនុស្ស៤២នាក់ក្នុងចំណោមពួកគេ គឺជាជនចំណាកស្រុកដែលត្រូវបានឃុំខ្លួននៅឯមជ្ឈមណ្ឌលអន្តោប្រវេសន៍នៅសុងក្លាពីបទចូលដោយខុសច្បាប់។ ពួកគេមកពីប្រទេសមីយ៉ាន់ម៉ា៣៤នាក់ វៀតណាម ៣នាក់ ម៉ាឡេស៊ី២នាក់ យេម៉ែន១នាក់ កម្ពុជា១នាក់ និងឥណ្ឌា១នាក់ ។ ការឆ្លងត្រូវបានរកឃើញក្នុងកំឡុងពេលស្វែងរកករណីសកម្ម។
លោកវេជ្ជបណ្ឌិត Taweesilp បាននិយាយថា ប្រជាជននៅសុងក្លាមិនចាំបាច់ព្រួយបារម្ភអំពីហានិភ័យនោះទេ ចាប់តាំងពីក្រុមនេះត្រូវបានឃុំខ្លួន ហើយកំពុងតាមដានយ៉ាងយកចិត្តទុកដាក់។ លោកបានបន្តថា ករណីថ្មីចំនួន៤ទៀតពាក់ព័ន្ធនឹងអ្នកដែលបានទាក់ទងជាមួយអ្នកជម្ងឺដែលមានផ្ទុកវីរុសកូវីដ១៩ចំនួន៣ នាក់ និងអ្នកដែលបានទៅកន្លែងដែលមានមនុស្សច្រើន ចំណែក៧ករណីដែលនៅសល់ត្រូវបានរកឃើញដោយការស្វែងរកករណីសកម្មនៅខេត្តយ៉ាឡា។
ក្នុងចំណោមករណីឆ្លងសរុបចំនួន ២៩០៧ករណី នៅក្នុងខេត្តចំនួន៦៨ មាន ២៥៤៧ករណីបានជាសះស្បើយ និង ត្រូវបានអនុញ្ញាតឱ្យចាកចេញពីមន្ទីរពេទ្យ។ សព្វថ្ងៃនៅមានមនុស្ស៣០៩នាក់ កំពុងស្នាក់នៅមន្ទីរពេទ្យទទួលការព្យាបាលជម្ងឺនេះ៕ (យោងតាមប្រភពពី www.bangkokpost.com)
ចែករំលែកព័តមាននេះ