ត្រីសមុទ្រមួយចំនួនមានជាតិបារតខ្ពស់ហើយអាចបង្កការពុល និងគ្រោះថ្នាក់ដល់សុខភាពនៃស្ត្រីមានផ្ទៃពោះ និងកូនក្នុងផ្ទៃ។ ដូច្នេះ ស្ត្រីមានផ្ទៃពោះត្រូវចៀសវាង ការបរិភោគ ច្រើនរាល់ត្រីសមុទ្រដែលមានជាតិបារតខ្ពស់។
នេះបើតាមការផ្សាយរបស់វេបសាយ Baby Center ។
ក្នុងបរិមាណខ្ពស់វាអាចបណ្តាលឱ្យពុលប្រព័ន្ធសរសៃប្រសាទប្រព័ន្ធភាពស៊ាំ និងតម្រងនោម។ វាក៏អាចបណ្តាលឱ្យមានបញ្ហាលូតលាស់ធ្ងន់ធ្ងរចំពោះកុមារ ។
ដោយសារវាត្រូវបានរកឃើញនៅក្នុងសមុទ្រដែលមានការបំពុលហើយត្រីសមុទ្រធំៗ អាចប្រមូលផ្តុំបរិមាណបារតបានច្រើន។
ដូច្នេះស្ត្រីមានផ្ទៃពោះត្រូវបានគេណែនាំអោយកំណត់ការប្រើប្រាស់ត្រីដែលមានជាតិបារតខ្ពស់មិនអោយលើសពី 1-2 ដងក្នុងមួយខែ ។
ត្រីមានជាតិបារតខ្ពស់រួមមានត្រីឆ្លាមនិងធូណាជាដើម។
ទោះយ៉ាងណាក៏ដោយ វាជាការសំខាន់ក្នុងការកត់សម្គាល់ថា ត្រីទាំងអស់មិនមានជាតិបារតខ្ពស់ទេ គ្រាន់តែជាប្រភេទមួយចំនួនប៉ុណ្ណោះ។
ការទទួលទានត្រីដែលមានជាតិបារតទាបអំឡុងពេលមានផ្ទៃពោះពិតជាមានសុខភាពល្អហើយត្រីទាំងនេះ អាចបរិភោគបានរហូតដល់ទៅ ២ ដងក្នុងមួយសប្តាហ៍។ ត្រីខ្លាញ់មានអាស៊ីដខ្លាញ់អូមេហ្គា ៣ ខ្ពស់ដែលមានសារៈសំខាន់សម្រាប់កូនអ្នក៕ (កែសម្រួលដោយ ៖ បុប្ផា)
ចែករំលែកព័តមាននេះ