ក្រសូងសុខាភិបាលកម្ពុជាបានប្រកាសអោយដឹងថា នៅថ្ងៃនេះថាមានអ្នកជាសះស្បើយពីជំងឺកូវីដ១៩ចំនួន៧នាក់ក្នុងប្រទេសកម្ពុជា ។ ក្នុងចំណោមនោះ មានម្នាក់នៅខេត្តសៀមរាប បានជាសះស្បើយដោយធ្វើអោយខេត្តសៀមរាប លែងមានអ្នកជំងឺកូវីដ១៩តទៅទៀត ។
ខេត្តសៀមរាបកន្លងមក មានអ្នកជំងឺកូវីដ១៩ចំនួន៦នាក់ ហើយទាំង៦នាក់បានជាសះស្បើយ បន្ទាប់ពីការជាសះស្បើយអ្នកចុងក្រោយ ត្រូវប្រកាសនៅថ្ងៃនេះ។
ការលែងមានអ្នកមានជំងឺកូវីដ១៩នៅខេត្តសៀមរាបអាចនឹងបន្ថយការភ័យខ្លាចរបស់ប្រជាជននៅក្នុងខេត្តនេះហើយ ក៏អាចនឹងធ្វើអោយមានការចាប់អារម្មណ៍ក្នុងចំណោមប្រជាជនកម្ពុជា ដើម្បីទៅលេងខេត្តនេះវិញដែរ។
កន្លងមក វិស័យទេសចរណ៍របស់ខេត្តសៀមរាប បានរងផលប៉ះពាល់យ៉ាងធ្ងន់ធ្ងរ ដោយសារមេរោគកូវីដ១៩ ។ សណ្ឋាគារ និងផ្ទះសំណាក់ជាច្រើនត្រូវបិទទ្វារ ដោយសារមិនមានភ្ញៀវមកស្នាក់នៅ ។
វាក៏បានធ្វើអោយមនុស្សជាច្រើនបាត់បង់ការងារធ្វើនៅក្នុងខេត្តនេះផងដែរ ៕
ចែករំលែកព័តមាននេះ