អាជីវកររាប់លាននាក់កំពុងតែព្យាយាមកែសម្រួលផលិតផល និងអាជីវកម្មរបស់ខ្លួនដើម្បីឆ្លើយតបទៅនឹងការផ្លាស់ប្តូរក្នុងទីផ្សារដែលបង្កឡើងដោយការផ្ទុះជម្ងឺកូវីដ ១៩ ។ អាជីវកម្មជាច្រើនបានគិតឃើញគំនិតថ្មីៗដែលជួយដល់អតិថិជនរបស់ពួកគេក្នុងការប្រឈមមុខនឹងកូវីដ ១៩ ដែលមានដូចខាងក្រោមនេះ៖ ១. កម្មវិធីគ្រប់គ្រងអ្នកស្ម័គ្រចិត្តកម្មវិធី Zelos…
អាជីវកររាប់លាននាក់កំពុងតែព្យាយាមកែសម្រួលផលិតផល និងអាជីវកម្មរបស់ខ្លួនដើម្បីឆ្លើយតបទៅនឹងការផ្លាស់ប្តូរក្នុងទីផ្សារដែលបង្កឡើងដោយការផ្ទុះជម្ងឺកូវីដ ១៩ ។ អាជីវកម្មជាច្រើនបានគិតឃើញគំនិតថ្មីៗដែលជួយដល់អតិថិជនរបស់ពួកគេក្នុងការប្រឈមមុខនឹងកូវីដ ១៩ ដែលមានដូចខាងក្រោមនេះ៖
១. កម្មវិធីគ្រប់គ្រងអ្នកស្ម័គ្រចិត្ត
កម្មវិធី Zelos ជាកម្មវិធីទូរស័ព្ទសម្រាប់ការគ្រប់គ្រងអ្នកស្ម័គ្រចិត្ត ។ វាធ្លាប់ត្រូវបានបង្កើតឡើងសម្រាប់ការគ្រប់គ្រងកម្មវិធីផ្សេងៗ ប៉ុន្តែបន្ទាប់ពីការផ្ទុះជម្ងឺកូវីដ ១៩ នៅអ៊ឺរ៉ុប កម្មវិធីខាងលើបានសហការជាមួយនឹង Trello ក្នុងការផ្តល់វិធីក្នុងការទាក់ទងរកអ្នកស្ម័គ្រចិត្តជួយដល់ពលរដ្ឋជរា ។ ក្នុងរយៈពេល ២៤ម៉ោង ពួកគេទទួលបានមនុស្ស ១ពាន់អ្នកចុះឈ្មោះធ្វើជាអ្នកស្ម័គ្រចិត្ត ។
២. ម៉ាស៊ីនកម្ចាត់មេរោគពេញមួយតួខ្លួន
ក្រុមហ៊ុន Boster Biological Technology នៅរដ្ឋ California សហរដ្ឋអាមេរិក ជាក្រុមហ៊ុនផលិតប្រដាប់ធ្វើតេស្តសម្រាប់ជំងឺផ្សេងៗតាំងពីឆ្នាំ ១៩៩៣ ។ ព្រោះតែកូវីដ ១៩ ពួកគេបានងាកទៅកាន់ការស្រាវជ្រាវលើផលិតផលថ្មីមួយដែលអាចកម្ចាត់មេរោគពេញមួយតួខ្លួនមនុស្ស ។ ពួកគេក៏កំពុងតែបង្កើតម៉ាស៊ីនវាស់កម្តៅខ្លួនដែលអាចប្រើប្រាស់នៅអាកាសយានដ្ឋាន និងអគារផ្សេងៗនៅសហរដ្ឋអាមេរិកដែរ ។
៣. ម៉ាស់មុខសម្រាប់កុមារ
ក្រុមហ៊ុនផលិតរបស់ក្មេងលេង Bunnies By The Bay កំពុងតែផលិតម៉ាស់មុខសម្រាប់កុមារ និងបុគ្គលិកក្នុងវិស័យសុខាភិបាលដែលពោរពេញទៅដោយរូបទន្សាយ និងគំនូរផ្សេងៗទៀត ។ ពួកគេក៏កំពុងតែបរិច្ចាកផលិតផល និងធនធានដទៃទៅដល់មន្ទីរពេទ្យ ព្រមទាំងក្រុមធ្វើការជាមួយមន្ទីរកុមារកំព្រាជាដើមដែរ ។
៤. បារអនឡាញ
បារ Stay the Fck Home ត្រូវបានបង្កើតឡើងដោយភ្នាក់ងាររុស្ស៊ី Shishki ដែលមានគោលបំណងជំរុញឲ្យមនុស្សកាន់តែច្រើនស្នាក់នៅក្នុងផ្ទះក្នុងកំឡុងពេលប្រទេសកំពុងព្យាយាមទប់ទល់នឹងកូវីដ ១៩ ។ បារអនឡាញនេះមានផ្តល់ជាសេវាកម្មខលវីដេអូឆ្លងព្រំដែន ដែលអនុញ្ញាតឲ្យមនុស្សជុំវិញពិភពលោកជួបគ្នា ផឹកនៅផ្ទះរៀងខ្លួន និងលើកទឹកចិត្តគ្នាទៅវិញទៅមកជាដើម ៕
ចែករំលែកព័តមាននេះ