ប្រទេសចិន ៖ ក្រុមបាល់ទាត់បុរសជម្រើសជាតិចិន នឹងវិលត្រឡប់ចូលជំរំហ្វឹកហាត់វិញនៅពាក់កណ្តាលខែ ឧសភា ដើម្បីត្រៀមលក្ខណៈសម្រាប់ការប្រកួតជម្រុះ World Cup បន្ទាប់ត្រូវបានពន្យារពេលដោយគ្មានកំណត់ ដោយសារការផ្ទុះឡើងនៃវីរុសកូវីដ១៩…
ប្រទេសចិន ៖ ក្រុមបាល់ទាត់បុរសជម្រើសជាតិចិន នឹងវិលត្រឡប់ចូលជំរំហ្វឹកហាត់វិញនៅពាក់កណ្តាលខែ ឧសភា ដើម្បីត្រៀមលក្ខណៈសម្រាប់ការប្រកួតជម្រុះ World Cup បន្ទាប់ត្រូវបានពន្យារពេលដោយគ្មានកំណត់ ដោយសារការផ្ទុះឡើងនៃវីរុសកូវីដ១៩ ។
គ្រូបង្វឹកលោក Li Tie បាននិយាយថា «បន្ទាប់ពីក្រុមរបស់យើងបានបញ្ចប់ការបោះជំរុំហ្វឹកហាត់រយៈពេល ៣៤ថ្ងៃនៅទីក្រុងឌូបៃ ។ សម្រាប់ផែនការបន្ទាប់របស់ពួកយើង នឹងមានការប្រមូលផ្តុំម្តងទៀតនៅពាក់កណ្តាលខែឧសភា ។ បន្ទាប់មកពួកគេនឹងត្រូវលេងសាកល្បងយ៉ាងហោចណាស់ ២ ឬ ៣ ប្រកួតជាមួយក្រុមនៅ Chinese Super League (CSL) មួយចំនួនផងដែរ ។ នេះបើយោងតាមការចុះផ្សាយរបស់សារព័ត៌មាន Beijing News ។
ក្នុងនោះជំរុំហ្វឹកហាត់នឹងបិទបញ្ចប់មុនថ្ងៃទី ៣១ ខែ ឧសភា ដើម្បីផ្តល់ពេលវេលាគ្រប់គ្រាន់ដល់កីឡាករទាំងអស់ ក្នុងការត្រៀមខ្លួនជាមួយក្លិបរៀងៗខ្លួនសម្រាប់យុទ្ធនាការ CSL 2020 ដែលអាចនឹងចាប់ផ្តើមនៅចុងខែមិថុនា ក្រោយពីវីរុសកូវីដ១៩ ស្ថិតនៅក្រោមការគ្រប់គ្រងបានទូទាំងប្រទេសចិន ។
លោក Li Tie បានសន្យាថា នឹងកោះហៅកីឡាករឆ្នើមៗ បន្ថែមទៀតចូលក្នុងក្រុមរបស់លោក មុនពេលត្រូវបានជ្រើសរើសយកម្នាក់ក្នុងចំណោមពួកគេសម្រាប់ជំរុំហ្វឹកហាត់ចុងក្រោយ ។
លោកក៏បានបង្ហាញអារម្មណ៍ផងដែរជុំវិញការផ្ទុះឡើងនៃវីរុសនេះ ដែលបានធ្វើឱ្យប៉ះពាល់ដល់ផ្លូវចិត្តរបស់លោក និងកីឡាករទាំងអស់ កាលពីខែមីនាអំឡុងពេលពួកគេស្ថិតនៅក្នុងទីក្រុងឌូបៃ ៕
ចែករំលែកព័តមាននេះ