ខេត្តបាត់ដំបង ៖ ពួកជនសកម្មនឹងអំពើ«ឆក់-ប្លន់»ចំនួន២នាក់ ក្នុងចំណោមបក្សពួកជាច្រើននាក់ ដែលត្រូវសមត្ថកិច្ចឃាត់ខ្លួនបានអួតប្រាប់សមត្ថកិច្ចថា ពួកគេមានគ្នីគ្នាប្រហែលពី៥ទៅ៦នាក់ ធ្លាប់បានធ្វើសកម្មភាព«ឆក់»ទ្រព្យសម្បត្តិអ្នកដំណើរតាមដងផ្លូវបានចំនួន១០លើក និងប្រើប្រាស់កូនកំបិតភ្ជង់ «ប្លន់» អ្នកដំណើរតាមផ្លូវដែរបានចំនួន៣លើក…
ខេត្តបាត់ដំបង ៖ ពួកជនសកម្មនឹងអំពើ«ឆក់-ប្លន់»ចំនួន២នាក់ ក្នុងចំណោមបក្សពួកជាច្រើននាក់ ដែលត្រូវសមត្ថកិច្ចឃាត់ខ្លួនបានអួតប្រាប់សមត្ថកិច្ចថា ពួកគេមានគ្នីគ្នាប្រហែលពី៥ទៅ៦នាក់ ធ្លាប់បានធ្វើសកម្មភាព«ឆក់»ទ្រព្យសម្បត្តិអ្នកដំណើរតាមដងផ្លូវបានចំនួន១០លើក និងប្រើប្រាស់កូនកំបិតភ្ជង់ «ប្លន់» អ្នកដំណើរតាមផ្លូវដែរបានចំនួន៣លើក ដោយគិតចាប់ពីអំឡុងខែមករា រហូតមកដល់ត្រិមថ្ងៃទី២៣ មេសា ២០២០ ។
នេះជាចម្លើយសារភាពរបស់ជនសង្ស័យចំនួន២នាក់ ដែលមន្ត្រីជំនាញនៃការិយាល័យព្រហ្មទណ្ឌកំរិតធ្ងន់ ស្រាវជ្រាវឃាត់ខ្លួនបាន ក្រោយពីជនទាំង២នាក់នេះ បានធ្វើសកម្មភាព«ឆក់ខ្សែក» អ្នកដំណើរម្នាក់ ដែលជាការប្រព្រឹត្តលើកទី១០ និងជាលើកចុងក្រោយ កាលពីវេលាម៉ោង៤រសៀលថ្ងៃទី២៣ មេសា នៅចំណុចភូមិអន្លង់វិល ឃុំអន្លង់វិល ស្រុកសង្កែ ។ ជនដៃដល់ចំនួន២នាក់នោះ ម្នាក់ឈ្មោះ យ៉ន ភារុណ អាយុ២៨ឆ្នាំ នៅភូមិអញ្ចាញ សង្កាត់អូរចា ក្រុងបាត់ដំបង និងម្នាក់ទៀតឈ្មោះ ស្វឿង ប៉ាវ អាយុ២៧ឆ្នាំ នៅភូមិឡអិដ្ឋ សង្កាត់ព្រែកព្រះស្ដេច ក្រុងបាត់ដំបង ។ ជនទាំង២នាក់នេះ ត្រូវបានកម្លាំងនគរបាលការិយាល័យព្រហ្មទណ្ឌកំរិតធ្ងន់ ធ្វើការស្រាវជ្រាវឃាត់ខ្លួនបាន ក្រោយពីក្រុមនេះធ្វើសកម្មភាពបានតែប៉ុន្មានម៉ោងប៉ុណ្ណោះ ក្រោមការបញ្ជាផ្ទាល់ពីលោកស្នងការរងទទូលផែនព្រហ្មទណ្ឌ និង លោកស្នងការខេត្ត។
ជាមួយនឹងការឃាត់ខ្លួន នៅចំពោះមុខមន្ត្រីជំនាញ ជនសង្ស័យឈ្មោះ យ៉ន ភារុណ បានសារភាពថា ពួកខ្លួនមានគ្នាមួយក្រុម ដែលតែងធ្វើសកម្មភាពទុច្ចរិតនេះរួមគ្នា ។ ពេលជិះម៉ូតូ «ឆក់» មានគ្នាពី២ទៅ៣នាក់ តែបើធ្វើសកម្មភាព «ប្លន់» ពេលខ្លួនមានគ្នាពី៥ទៅ៦នាក់ ។ ជននេះនិយាយថា បានផ្ដល់ចម្លើយបឋមថា ពួកខ្លួនធ្លាប់ចេញធ្វើសកម្មភាព «ឆក់» ទ្រព្យសម្បត្តិអ្នកដំណើរបានចំនួន១០លើក និង«ប្លន់» បានសម្រេចចំនួន៣លើក ដោយគិតចាប់ពីអំឡុងខែមករា រហូតមកដល់ត្រិមថ្ងៃទី២៣ មេសា នេះដែលជាលើកចុងក្រោយនេះ ក៏ត្រូវសមត្ថកិច្ចតាមឃាត់ខ្លួនបានតែម្ដង ។
ដោយឡែក សកម្មភាព«ប្លន់» វិញ ជននេះបានប្រាប់ថា លើកទី១ នៅអំឡុងខែមករា ពួកខ្លួនប្រើប្រាសកូនកាំបិតភ្ជង់ប្លន់យកកាបូបពីនារីម្នាក់ដែលកំពុងអង្គុយសាសងគ្នាជាមួយសង្សា ពេលយប់នៅលើផ្លូវរថភ្លើងជិតផ្សារទូលតាឯក ក្នុងក្រុងបាត់ដំបង លើកទី២ នៅខែមិនា បានប្រើប្រាសកូនកាំបិតភ្ជង់ប្លន់យកទូរស័ព្ទពីគួសង្សាដែរ នៅពេលយប់ និង លើកទី៣ ក្នុងខែមេសា នេះពួកខ្លួនមានគ្នាប្រហែល៦នាក់ បានប្រើប្រាសកាំបិត និងដំបង ភ្ជង់ និង វាយទៅលើអ្នកដំណើរប្លន់យកទូរស័ព្ទ២គ្រឿង និង ខ្សែកមួយខ្សែ នៅតាមផ្លូវហាយវេ ជាយក្រុងបាត់ដំបង ។
មន្ត្រីការិយាល័យជំនាញ បាននិយាយថា បើតាមចម្លើយរបស់ជនដៃដល់ទាំង២នាក់នេះ គឺពួកគេ និង
គួកនជាច្រើននាក់ទៀត បានចេញធ្វើសកម្មភាពស្ទើររាល់ថ្ងៃ និង ស្ទើរគ្រប់ទីកន្លែង ដែលធ្វើឲ្យសមត្ថកិច្ចឈឺក្បាលសម្បើមណាស់។ ប៉ុន្តែពេលនេះបង្ក្រាបបាន០២នាក់ហើយ និងដូកហូតបានវត្ថុតាងមួយចំនួនផង។ មន្ត្រីដដែលបានបញ្ជាក់ថា ពេលនេះមន្ត្រីជំនាញកំពុងស្រាវជ្រាវ ស្វែងរកវត្ថុតាងនានា ដែលក្រុមនេះលួច ប្លន់ បានយកទៅលក់ និង កំពុងតាមប្រមាញ់បក្សពួកចោរដៃស្អិតប៉ុន្មាននាក់ទៀត ដែលកំពុងសម្ងំលាក់
ខ្លួន៕
ចែករំលែកព័តមាននេះ