រាជធានីភ្នំពេញ ៖ អំឡុងពេលគ្រប់គ្នាសម្រេចចិត្តនៅសម្រាកក្នុងផ្ទះ ដើម្បីប្រឆាំងទប់ទល់ មេរោគកូវីដ១៩ បង្កអោយបងប្អូនយើងខ្លះច្រើនពោលពាក្យថា អផ្សុកនៅតែក្នុងផ្ទះមិនបានធ្វើការ។ ប៉ុន្តែផ្ទុយទៅវិញ ពិធីការិនីចាស់វស្សា យុគ…
រាជធានីភ្នំពេញ ៖ អំឡុងពេលគ្រប់គ្នាសម្រេចចិត្តនៅសម្រាកក្នុងផ្ទះ ដើម្បីប្រឆាំងទប់ទល់ មេរោគកូវីដ១៩ បង្កអោយបងប្អូនយើងខ្លះច្រើនពោលពាក្យថា អផ្សុកនៅតែក្នុងផ្ទះមិនបានធ្វើការ។ ប៉ុន្តែផ្ទុយទៅវិញ ពិធីការិនីចាស់វស្សា យុគ ចិន្តា បែរជាសម្រេចបាននូវរឿងល្អៗជាច្រើន បន្សល់ដាក់កូនស្រី យុគ ដាពេជ្រ ក្នុងបរិយាកាសកូវីដ១៩កំពុងតែកើតឡើង។
អាចថា នេះជាយុទ្ធវិធីមួយអំឡុងពេលកកើតឡើងមេរោគកូវីដ១៩ បុកការវាយលុកមកលើមនុស្សជាតិ។ អ្នកនាងយុគ ចិន្តា បានបង្ហាញឱ្យហ្វេនជាច្រើន មានគន្លឹះរួមគ្នា បំបាត់ការភ័យខ្លាចដោយធ្វើរឿងល្អៗទៅដល់កូនទាំងឡាយ។
ជាក់ស្តែងមួយថ្ងៃៗ យុគ ចិន្តា បានបង្រៀន និងពន្យល់កូនស្រីអោយចេះយល់ ដឹងការងារមនុស្សស្រី។ អ្នកនាងនឹងមនុស្សជំនិតខាងវិជ្ជាធ្វើម្ហូប បានបង្រៀងកូនស្រីអោយចេះពីរបៀបដាំស្ល វិជ្ជាមេផ្ទះ ការងារស្ត្រី ទាំងឡាយដែលមិនគួរមើលរំលង។ ជាពិសេសអ្នកនាងបានបង្រៀនអោយកូនស្រឡាញ់ធម្មជាតិ ដាំដើមឈើ ក៏ដូចជាឈើហូបផ្លែ មិនត្រូវបំផ្លាញធម្មជាតិ។
យុគ ចិន្តាបានប្រាប់ថា បើយើងទំនេរ មិនងាយមានពេលកុំអោយពេលវេលារំលងទៅទើបចេះ តែរកគិតអ្វីល្អៗ បង្ហាញអោយកូន។ ករណីបង្រៀនធ្វើម្ហូប បង្រៀនយល់ដឹងដាំកូនឈើ សុទ្ធតែអារម្មណ៍រីករាយបានទុកអោយកូន ហើយកូនចាប់យកបាន ជាពិសេសសម្រាប់យើង។ កូននៅក្មេងចឹងគួរតែបង្ហាញអ្វីដែលមានអត្ថន័យ។
នេះជាអ្វីដែលទំនេរពីការងារមួយរយៈ និងចែករំលែកបទពិសោធន៍ ក្រោយប្រទេសជាតិយើង ប្រយុទ្ធជំងឺកូវីដ១៩ ។ អ្វីដែលមិនភ្លេច សូមបងប្អូនថែរក្សាសុខភាព និងអនាម័យជាប្រចាំ ដើម្បីយកឈ្នះកូវីដ១៩។ (កែសម្រួលដោយ ៖ បុប្ផា)
ចែករំលែកព័តមាននេះ