នៅរសៀលថ្ងៃពុធ ការប្រជុំរវាងក្រុមវេជ្ជបណ្ឌិតនៃក្លិបទាំងអស់នៅក្របខ័ណ្ឌ LaLiga Santander និង LaLiga SmartBank បានធ្វើឡើង ដើម្បីចាប់ផ្តើមធ្វើឱ្យមានតុល្យភាពរបៀបវារៈ សម្រាប់ការវិលត្រឡប់ចូលជំរំហ្វឹកហាត់វិញ ។
វិធានការទីមួយនិងសំខាន់បំផុតនៃវិធានការណ៍ទាំងអស់ ដែលបានអនុម័តគឺសំដៅទៅលើការធានាថាកីឡាករទាំងអស់ នឹងត្រូវឆ្លងកាត់ការធ្វើតេស្ត ដើម្បីដឹងថា តើពួកគេបានឆ្លងវីរុស១៩ ដែរឬអត់ ។ ការធ្វើតេស្តនេះនឹងជាជំហានចាំបាច់ដំបូង ដែលក្រុមទាំងអស់ត្រូវធ្វើមុនពេលគិតអំពីការបន្តការហ្វឹកហាត់ ឬការចាប់ផ្តើមការប្រកួតលីគឡើងវិញ ។
កិច្ចប្រជុំនេះក៏បានផ្តល់ឱកាសដល់គ្រូពេទ្យក្នុងក្លិប ផ្តល់យោបល់របស់ពួកគេលើសេចក្តីណែនាំស្តីពីសុវត្ថិភាពសុខភាព និងអនាម័យដែល La Liga បានប្រគល់ឲ្យ។
ការធ្វើតេស្តនឹងធ្វើជា ៣ ដំណាក់កាល ដោយដំណាក់កាលទី១ ជាការតេស្តទូទៅ មុនពេលឈានដល់ដំណាក់កាលទី២ គឺជាការតេស្តសម្រាប់កីឡាករដែលចែកជាក្រុមតូចៗហ្វឹកហាត់ ហើយនិងការតេស្តទី៣ គឺធ្វើឡើងមុនពេលការប្រកួតលីគចាប់ផ្តើម ដើម្បីធានាថាកីឡាករមិនបានឆ្លងវីរុសកូវីដ១៩ ៕ (ដកស្រង់ចេញពី Marca)
ចែករំលែកព័តមាននេះ