ករុណា ពេជ្រ ស្រណោះផ្ទះចាស់ដែលតស៊ូក្នុងជីវិតជាមួយឪពុក
- ភ្នំពេញ
រាជធានីភ្នំពេញ ៖ អតីតតារាចម្រៀងធ្លាប់ល្បីឈ្មោះ ករុណា ពេជ្រ បានបង្ហាញនូវភាពតស៊ូជាមួយលោកឪពុកជាទីស្រឡាញ់។ ឪពុករបស់ករុណា ពេជ្រ បានរងនូវជំងឺរហូតបង្ខំឱ្យ ករុណា…
រាជធានីភ្នំពេញ ៖ អតីតតារាចម្រៀងធ្លាប់ល្បីឈ្មោះ ករុណា ពេជ្រ បានបង្ហាញនូវភាពតស៊ូជាមួយលោកឪពុកជាទីស្រឡាញ់។ ឪពុករបស់ករុណា ពេជ្រ បានរងនូវជំងឺរហូតបង្ខំឱ្យ ករុណា…
រាជធានីភ្នំពេញ ៖ អតីតតារាចម្រៀងធ្លាប់ល្បីឈ្មោះ ករុណា ពេជ្រ បានបង្ហាញនូវភាពតស៊ូជាមួយលោកឪពុកជាទីស្រឡាញ់។ ឪពុករបស់ករុណា ពេជ្រ បានរងនូវជំងឺរហូតបង្ខំឱ្យ ករុណា ពេជ្រ ខំរកលុយព្យាបាល ដោយថែមទាំងដោះដូរផ្ទះលក់ ដើម្បីព្យាបាលឱ្យតែបានអ្នកមានគុណសះស្បើយ។
នៅទីបំផុត ផ្ទះដ៏ធំរបស់ ករុណា ពេជ្រ បានសម្រេចចិត្តលក់ចេញ ហើយដល់កំណត់រើរបស់របរចេញជាស្ថាពរ។ ទីតាំងចាស់មួយនេះ បានធ្វើឱ្យករុណា ពេជ្រ និងលោកឪពុកមានការកក់ក្តៅ ។ ប៉ុន្តែព្រោះបញ្ហារងនូវជំងឺ ទើប ករុណា ពេជ្រ សម្រេចដោះដូរ ដើម្បីបានទុនព្យាបាលលោកឪពុកដែលជាបណ្តូលចិត្ត ព្រោះគ្មានគុណណាស្មើមាតាបិតាឡើយ។
ក្រឡេកមើលការសរសេររបស់ ករុណា ពេជ្រ លើបណ្តាញសង្គមផ្ទាល់បានរៀបរាប់គួរឱ្យ ចាប់អារម្មណ៍ថា «និយាយអារម្មណ៍ពិតមួយ មិនមានបំណងឱ្យបងប្អូនអាណិតទេ តែអារម្មណ៍ពិត មិនដឹងថា បងប្អូនធ្លាប់មានអារម្មណ៍ដូចខ្ញុំដែរទេ..??
ពេលរើផ្ទះដូចមានអារម្មណ៍ចង់ហូរទឹកភ្នែកម៉េចទេ… នឹកប៉ា អាណិតប៉ា ស្រណោះអនុស្សាវរីយ៍តស៊ូយ៉ាងច្រើនជាមួយប៉ាក្នុងផ្ទះមួយនេះ… ប៉ាឈឺហើយ អញ្ចឹងប៉ាអង្គុយឱ្យស្ងៀម កូនអាចធ្វើបាន … មួយជាតិនេះ កូននឹងចំណាយពេលវេលា រួមទាំងថវិកាជាមួយប៉ា អស់ម៉ានក៏តាមនឹងចុះ ព្រោះប៉ាមានតែកូនមួយ គឺកូន… ទោះបីប៉ាពិការ មិនស្គាល់កូនក៏ដោយ ក៏កូននៅតែដឹកដៃប៉ាដើរជាមួយគ្នាបន្តទៀត…. ថ្ងៃនេះ ខ្ញុំ និង ប៉ា សូមលាពីផ្ទះមួយនេះហើយ… អរគុណរយៈពេលជា 5 ឆ្នាំ ដែលអ្នកបានជួយចំរុងចំរើនខ្ញុំ… សូមឯងបន្តនាំលាភ ជូនដល់ម្ចាស់ឯងថ្មីផងណា…»៕ (កែសម្រួលដោយ ៖ បុប្ផា)
ចែករំលែកព័តមាននេះ