រាជធានីភ្នំពេញ ៖ មន្ត្រីជាន់ខ្ពស់ក្រសួងឧស្សាហកម្ម វិទ្យាសាស្ត្រ និងនវានុវត្តន៍បាន អះអាងថា គិតត្រឹម៣ខែដើមឆ្នាំ២០២០នេះ កម្ពុជាមានរោងចក្រកើន៧៧រោងចក្រ និងស្នើសុំបិទទ្វារ៦រោងចក្រ ។
លោក ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍បានលើកឡើងក្នុងសន្និសីទសារព័ត៌មាន នាព្រឹកថ្ងៃទី២៣ ខែមេសា ឆ្នាំ២០២០ នៅទីស្តីការគណៈរដ្ឋមន្ត្រីបានលើកឡើងយ៉ាងដូច្នេះថា វិស័យឧស្សាហកម្ម គឺជាវិស័យមួយកាន់តែសំខាន់ទៅសំខាន់ទៅ នៅពេលដំណាក់កាលប្រទេសរីកចម្រើនទៅ ។ លោកក៏បានលើកឡើងថា បើគិតត្រឹមត្រីមាសទី១ ឆ្នាំ២០២០ (ខែមករា ដល់ខែមីនា) មានរោងចក្រកើនថ្មី៧៧រោងចក្រ ក្នុងនោះ៧៤រោងចក្រចេញប្រកាស ដោយក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ និង១រោងចក្រប្រកាសដោយសាលារាជធានីភ្នំពេញ និង២រោងចក្រដំណើរឡើងវិញ ដូច្នេះកម្លាំងដែលកើតថ្មីចេញពីរោងចក្រទាំង៧៧ មានសរុបចំនូន២៧០៩៩នាក់ ។ មានដាក់ពាក្យសុំបញ្ឈប់ដំណើរការ ឬបិទទ្វារមាន៦រោងចក្រ មានកម្លាំងពលកម្មសរុប៦០៥២នាក់ ។
លោកបញ្ជាក់ថា បើយើងគិតមកដល់បច្ចុប្បន្ន គឺចុងខែមីនា ឆ្នាំ២០២០នេះមានរោងចក្រធន់ធំមានទូទាំងប្រទេស១៨០១រោងចក្រ មានកម្លាំងពលកម្ម សរុប១០៦៣០៣១នាក់ ។ លោកបន្ថែមថា ដោយការគិតគូរវែងឆ្ងាយពីថ្នាក់ដឹកនាំក្រសួងបានគិតគូរដោយបានធ្វើពិពិតកម្មលើវិស័យឧស្សាហកម្មដោយមិនពឹងផ្អែកទាំងស្រុងលើវិស័យកាត់ដេរសម្លៀកបំពាក់ តែមួយមុខនោះទេ ។
ដោយត្រឹមឆ្នាំ២០១៩ មានរោងចក្រកាត់ដេរមានចំនួន ១០៦៩ ហើយ៣ខែដើមឆ្នាំបង្កើតថ្មី៣៤រោងចក្រ និងបិទ៤ ដូច្នេះនៅដល់១០ ៩៩រោងចក្រ (រោចក្រផ្នែកត ម្បាញ កាត់ដេរស្បែកជើង និងការបូប) ។ រោងចក្រផ្នែកម្ហូបអាហារ និងបារី ឆ្នាំ២០១៩មាន ចំនួន១៥៧រោងចក្រហើយ៣ខែ ដើមឆ្នាំ២០២០ មាន៦រោងចក្រសរុប១៦៣ ។ រោងចក្រផលិតពីឈើ ត្រឹមឆ្នាំ២០១៩មានចំនួន៣៥រោងចក្រ ហើយ៣ខែឆ្នាំ២០២០សរុប មាន៣៦រោងចក្រ ។ រោចងក្រផលិតក្រដាសនិងបោះពុម្ភ ផ្សេងមានឆ្នាំ២០១៩មាន៥៩រោងចក្រ និងបន្ថែម៤រោងចក្រ ៣ខែ ឆ្នាំ២០២០មានសរុប ៦៣រោងចក្រ ។ រោងចក្រផ្នែកឧស្សាហម្មគីមី និងប្លាស្ទិកមាន១៤៣រោងចក្រ បួកបន្ថែម១ថ្មីដើមឆ្នាំ២០២០សរុប១៤៤រោងចក្រ ។
រោងចក្រផលិតកម្មរ៉ែធ្វើពីអលោហៈមាន៥១រោងចក្រ កើន៧រោងចក្រក្នុងដើមឆ្នាំ២០២០ គឺកើន៥៨រោងចក្រ ។ រោងចក្រផ្នែកឧស្សាហកម្មកែច្នៃលោហៈ មានឆ្នាំ២០១៩មាន១៤០ រោងចក្រ ហើយ៣ខែដើមឆ្នាំ២០២០មានបង្កើតថ្មី១៨រោងចក្រសរុប១៦៣រោងចក្រ ។ រោងចក្រគ្រឿងសង្ហារឹមមាន២០រោងចក្រ រោងចក្រគ្រប់អគ្គិសនី ឧស្ម័យ ចំហាយទឹក មាន២រោងចក្រ និងរោងចក្រកម្មន្តសាលផ្សេងមាន៥៣រោងចក្រ ។
លោករដ្ឋលេខាធិការក៏បានលើកឡើងថា នៅឆ្នាំ២០១៩តម្លៃសរុបនៃបរិមាណផលិតមានប្រមាណរហូតដល់១៤ពាន់8៧៥លានដុល្លារ កើន១៣ភាគរយបើព្រៀបធៀឆ្នាំ២០១៨ ក្នុងបរិ មាណផលិតនាំចេញមានប្រមាណជា១១ពាន់១៨៥លានដុល្លារអាមេរិក កើន១៤ភាគនឹង តម្លៃ ផលិតលក់ក្នុងស្រុកសរុបមានប្រមាណ៣៦៩០លានដុល្លារអាមេរិកកើន១១ភាគរយ ៕
ចែករំលែកព័តមាននេះ