ផ្ទុះកូដកម្មកម្មកររោងចក្រ ក្រោយថៅកែលេងល្បិចបញ្ឈប់ពីការងារ
- ភ្នំពេញ
រាជធានីភ្នំពេញ ៖ កម្មករ កម្មការិនី ជាង៣០០នាក់ ក្នុងចំណោម១០២០នាក់ ដែលបម្រើការងារនៅក្នុងរោងចក្រកាត់ដេរសម្លៀកបំពាក់យីហោ «ហ៊ូ លូ ហ្គាមេន»…
រាជធានីភ្នំពេញ ៖ កម្មករ កម្មការិនី ជាង៣០០នាក់ ក្នុងចំណោម១០២០នាក់ ដែលបម្រើការងារនៅក្នុងរោងចក្រកាត់ដេរសម្លៀកបំពាក់យីហោ «ហ៊ូ លូ ហ្គាមេន»…
រាជធានីភ្នំពេញ ៖ កម្មករ កម្មការិនី ជាង៣០០នាក់ ក្នុងចំណោម១០២០នាក់ ដែលបម្រើការងារនៅក្នុងរោងចក្រកាត់ដេរសម្លៀកបំពាក់យីហោ «ហ៊ូ លូ ហ្គាមេន» បានធ្វើកូដកម្មតវ៉ា ខណៈដែលថៅកែបញ្ឈប់ពួកគាត់ពីពីការងារ ប៉ុន្តែបែរជាដាក់នៅក្នុងលិខិតថា ពួកគាត់ដែលជាកម្មរទាំងអស់គ្នាជាអ្នកសុំឈប់ទៅវិញ ។
បន្ទាប់មកថៅកែបានឲ្យពួកគាត់នូវប្រាក់៤០ភាគរយនៃប្រាក់ឈ្នួលតែប៉ុណ្ណោះ ហើយបានមិនផ្ដល់ប្រាក់អតីតភាពការងារផ្សេងជូនពួកគាត់ឡើយ ដោយយកលេសថា ពួកគាត់សុំឈប់ទៅវិញ ដែលកូដកម្មនេះបានផ្ទុះឡើង កាលពីវេលាម៉ោង៨ព្រឹក ថ្ងៃទី២៣ ខែមេសា ឆ្នាំ២០២០ នៅក្នុងរោងចក្រកាត់ដេរសម្លៀកបំពាក់ខាងលើ ដែលមានទីតាំងស្ថិតនៅក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
កម្មករបាននិយាយថា នៅក្នុងរោងចក្រកាត់ដេរសម្លៀកបំពាក់មួយនេះ មានកម្មករកម្មការិនីបម្រើការងារចំនួន១០២០នាក់ ហើយពួកគាត់ខ្លះបានបម្រើការងារនៅទីនោះជាង១០ឆ្នាំ និងខ្លះទៀតជាង៥ឆ្នាំកន្លងមកហើយ ប៉ុន្តែចុងក្រោយនេះពុំបានដឹងថា រោងចក្រត្រូវក្ស័យធន ឬអ្វីនោះទេ ។ ស្រាប់តែរោងចក្របានប្រកាសផ្អាកបណ្ដោះអាសន្ន និងផ្ដល់ជូនកម្មករម្នាក់ៗនូវប្រាក់ចំនួន៤០ភាគរយនៃចំនួនប្រាក់ខែគោលហើយមាន រយៈពេល២ខែកន្លងមកហើយ ។
រហូតដល់ព្រឹកថ្ងៃកើតហេតុខាងក្រុមហ៊ុនបានហៅឲ្យកម្មករ១វគ្គ ចំនួនជាង៣០០នាក់ទៅបើកប្រាក់៤០ភាគរយដូចខែមុនទៀត ប៉ុន្តែនៅពេលទៅដល់ស្រាប់តែម្នាក់ៗស្រឡាំងកាំងដោយសារតែខាងក្រុមហ៊ុនសរសេរនៅក្នុងលិខិតការងារដាក់ថា កម្មករទាំងអស់ជាអ្នកសុំលាលែង(សុំឈប់)ពីការងារទៅវិញ។
កម្មករដដែលបានបន្តទៀតថា ការដាក់ក្នុងលិខិតការងារថា ពួកគាត់ជាអ្នកលាឈប់ពីការងារបែបនេះ គឺក្រុមហ៊ុន មានបំណងលុបបំបាត់មិនបើកផ្ដល់ប្រាក់អតីតភាពការងារជូនពួកគាត់ឡើយគឺផ្ដល់ឲ្យតែប្រាក់៤០ភាគរយប៉ុណ្ណោះ ។ហើយដោយសារតែបែបនេះទើបពួកគាត់ដែលជាកម្មករមិនអាចទទួលយកបានក៏នាំគ្នាធ្វើកូដកម្មតវ៉ា ដើម្បីទាមទារឲ្យថៅកែរោងចក្របើកឈ្នួលនិងប្រាក់អតីតភាពការងារផ្សេងៗជូនពួកគាត់ទៅតាមច្បាប់ការងារ ។
ព្រោះពួកគាត់មិនបានសុំលាលែងឈប់ពីការងារនោះទេ តែខាងក្រុមហ៊ុនទៅវិញទេ ដែលបញ្ឈប់ពួកគាត់ហើយមិនបានអនុវត្តតាមច្បាប់ការងារ និងដាក់នៅក្នុងលិខិតការងារមិនពិត ។ទន្ទឹមនិងនេះពួកគាត់ក៏ស្នើរសុំឲ្យក្រសួងការងារ និងអាជ្ញាធរពាក់ព័ន្ធទាំងអស់ជួយរកដំណោះស្រាយជូនពួកគាត់ផង៕
ចែករំលែកព័តមាននេះ