រាជធានីភ្នំពេញ ៖ នារីវ័យក្មេងម្នាក់ត្រូវបានប្រជាពលរដ្ឋប្រទះឃើញដេកចុកពោះរមួលនៅក្បែរបន្ទប់ទឹកសាធារណៈ ហើយសមត្ថកិច្ចក៍បានហៅរថយន្តសាមុយមកដឹកបញ្ចូនទៅសង្គ្រោះនោះមន្ទីពេទ្យកាល់ម៉ែត្រ ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៣និង៣០នាទីរសៀលថ្ងៃទី២២ ខែមេសា ឆ្នាំ២០២០ នៅចំណុចសួនច្បារ តាមផ្លូវទន្លេសាប…
រាជធានីភ្នំពេញ ៖ នារីវ័យក្មេងម្នាក់ត្រូវបានប្រជាពលរដ្ឋប្រទះឃើញដេកចុកពោះរមួលនៅក្បែរបន្ទប់ទឹកសាធារណៈ ហើយសមត្ថកិច្ចក៍បានហៅរថយន្តសាមុយមកដឹកបញ្ចូនទៅសង្គ្រោះនោះមន្ទីពេទ្យកាល់ម៉ែត្រ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៣និង៣០នាទីរសៀលថ្ងៃទី២២ ខែមេសា ឆ្នាំ២០២០ នៅចំណុចសួនច្បារ តាមផ្លូវទន្លេសាប ក្បាលជ្រោយចង្វារ សង្កាត់ជ្រោយចង្វារខណ្ឌឬស្សីកែវ រាជធានីភ្នំពេញ។
នារីម្នាក់ខាងលើត្រូវបាននគរបាលអោយដឹងថា ឈ្មោះ សុជាតា អាយុប្រមាណ១៧ឆ្នាំ មានទីលំនៅក្នុងសង្កាត់ព្រែកលៀប ខណ្ឌជ្រោយចង្វារ ។
តាមប្រភពព័ត៌មានអោយដឹងថា នារីរូបនោះត្រូវបានគេដឹកយកទៅទំលាក់ចោលតាំងពីវេលាព្រឹកថ្ងៃទី២២ ខែមេសា ឆ្នាំ២០២០ ហើយដេកនៅបន្ទប់ទឹកត្រង់ចំណុចកើតហេតុខាងលើនោះ ។ លុះនៅវេលារសៀលថ្ងៃដដែល ក៏មានការភ្ញាក់ផ្អើលនៅពេលដែលនារីរូបនោះមានអាការៈចុគពោះរមួលក៏នាំគ្នាហៅរថយន្តបញ្ជូនទៅសង្គ្រោះតែម្តង ។
តាមប្រភពពីនារីរូបនោះបានរៀបរាប់អោយដឹងថា កាលពីយប់ នាងត្រូវបានមិត្តិភក្តិនាំដើរលេង និងបានដាក់ថ្នាំតាមរយៈទឹកក្រូចអោយផឹក លុះព្រឹកឡើងដឹកនាងយកមកទំលាក់ចោល ។ ដោយសារតែនាងមានជំងឺបេះដូង និងបានត្រូវថ្នាំផងទើបមានអាការៈបែបនេះ។
តាមប្រភពពីនគរបាលបានអោយដឹងថា នារីរូបនោះមានម្តាយចិញ្ចឹមជាអ្នកធូរធាររស់នៅក្នុងសង្កាត់ព្រែកលៀប ដោយសារតែនិយាយមិនស្តាំ ហើយនារីរូបនោះបំផ្លាញហិនហោច ទើបម្តាយក៏បានកាត់កាលចោល ជាហេតុបណ្តាលអោយនាងធ្លាក់ខ្លួនដើរអត់ទីជំរក ។
ទោះបីជាយ៉ាងណា បន្ទាប់ពីបញ្ជូននារីរូបនោះទៅសង្គ្រោះ គេពុំដឹងពីស្ថានភាពជំងឺរបស់នាងបែបណានោះទេ៕ (កែសម្រួលដោយ ៖ ធីតា)
ចែករំលែកព័តមាននេះ