វេជ្ជបណ្ឌិតជំនាញផ្នែកខួរក្បាល ឌែនៀល អាមេន (Daniel Amen) បាននិយាយថា ក្នុងកំឡុងពេលប្រឈមមុខនឹងវីរុសកូវីដ ១៩ ការមើលថែសុខភាពសតិពិតជាសំខាន់ណាស់ព្រោះមនុស្សជាច្រើនពេលដែលធ្លាក់ខ្លួនក្នុងស្ថានការបច្ចុប្បន្នអាចធ្លាក់ក្នុងអន្ទាក់នៃការគិតអវិជ្ជមានដែលអាចបង្កការប៉ះពាល់រយៈពេលវែងបាន ។
អ្នកនិពន្ធសៀវភៅ Change Your Brain Change Your Life រូបនេះបានបន្ថែមទៀតថា កំហុសឆ្គងធំបំផុតដែលមនុស្សអាចប្រព្រឹត្តក្នុងកំឡុងពេលនេះ គឺជឿរាល់ការគិតទាំងអស់របស់ខ្លួនទោះជាវាមិនសមហេតុសមផលក៏ដោយ ។ដើម្បីទប់ទល់នឹងភាពអវិជ្ជមានទាំងនេះ លោក អាមេន បានបង្កើតនូវលំហាត់ងាយៗសម្រាប់ខួរក្បាលដែលអ្នកអាចអនុវត្តបានដោយខ្លួនឯងដូជខាងក្រោម៖
១. ភ្ញាក់ពីដំណេកដោយវិជ្ជមាន លោក អាមេន ជឿជាក់ថា ការចូលដំណេកគួរតែទទួលបានអាទិភាពខ្ពស់ក្នុងជីវិតរបស់មនុស្ស ជាពិសេសនៅពេលដែលខ្លួនកំពុងព្យាយាមប្រឈមមុខនឹងវីរុសកូវីដ១៩ ។ ដោយហេតុដូចនេះ លោករក្សាម៉ោងចូលដំណេករបស់លោកនៅដដែលដោយលោកចូលដំណេកនៅម៉ោង ១០ យប់ និងក្រោកពីដំណេកវិញជារៀងរាល់ថ្ងៃនៅម៉ោង ៦ និង ៣០នាទីព្រឹក ។ប៉ុន្តែចំណុចសំខាន់បន្ទាប់ពីក្រោកពីដំណេក គឺលោកតែងតែប្រាប់ខ្លួនឯងថា «ថ្ងៃនេះជាថ្ងៃល្អ» ។ ការធ្វើដូច្នេះជួយកំណត់ខួរក្បាលឲ្យយកចិត្តទុកដាក់លើអ្វីដែលល្អៗក្នុងថ្ងៃនោះ ។
២. ដើរឲ្យបាន ១ម៉ឺនជំហាន លោក អាមេន មិនដែលអង្គុយស្ងៀមនៅមួយកន្លែងទេ ។ លោកជាមនុស្សដែលចូលចិត្តដើរលេងនិងចាប់ផ្តើមការសន្ទនាជាមួយអ្នកដទៃ ។ ជារៀងរាល់ថ្ងៃ លោកអាមេនព្យាយាមដើរឲ្យបាន១ម៉ឺនជំហាន ហើយវាមិនត្រឹមតែល្អសម្រាប់រាងកាយទេ តែក៏ល្អសម្រាប់ខួរក្បាលដែរ ។
៣. លេងប៉េងប៉ុង ក្នុងស្ថានការបច្ចុប្បន្ននេះ លោក អាមេន បានចែករំលែកថាលោកចំណាយពេលជាច្រើនលើការលេងប៉េងប៉ុងជាមួយកូនស្រីអាយុ ១៦ឆ្នាំរបស់លោក ។ លោកអាមេនបានបន្ថែមថាវាជាលំហាត់ល្អបំផុតសម្រាប់ខួរក្បាល ៕
ចែករំលែកព័តមាននេះ