ក្រុមហ៊ុនវិស្វកម្មហ៊ីយ៉ាន់ដាយ (Hyundai Engineering) របស់កូរ៉េខាងត្បូង បានឈ្នះគំរោងទឹកប្រាក់១៦៤លានដុល្លារអាមេរិក ដើម្បីសាងសង់ផ្សារទំនើបអុីអនម៉លទី៣នៅកម្ពុជា ដែលគំរោងនេះគឺដើម្បីសាងសង់មជ្ឈមណ្ឌលលក់ទំនិញកំពស់៥ជាន់ និងកន្លែងចតរថយន្តនៅលើផ្ទៃដីសរុប១៧៤,០០០ ម៉ែត្រការ៉េ ដែលធំជាងផ្សារអុីអនម៉ល១…
ក្រុមហ៊ុនវិស្វកម្មហ៊ីយ៉ាន់ដាយ (Hyundai Engineering) របស់កូរ៉េខាងត្បូង បានឈ្នះគំរោងទឹកប្រាក់១៦៤លានដុល្លារអាមេរិក ដើម្បីសាងសង់ផ្សារទំនើបអុីអនម៉លទី៣នៅកម្ពុជា ដែលគំរោងនេះគឺដើម្បីសាងសង់មជ្ឈមណ្ឌលលក់ទំនិញកំពស់៥ជាន់ និងកន្លែងចតរថយន្តនៅលើផ្ទៃដីសរុប១៧៤,០០០ ម៉ែត្រការ៉េ ដែលធំជាងផ្សារអុីអនម៉ល១ និងអុីអន២ ។ នេះបើយោងតាមការចុះផ្សាយរបស់សារព័ត៌មាន
កូរ៉េឈ្មោះ koreaittimes ។
ប្រភពដដែលបានឲ្យដឹងថា ក្រុមហ៊ុនកូរ៉េបានយកឈ្នះក្នុងការសាងសង់ផ្សារទំនើបមួយនេះ ដែលជាគម្រោងរបស់ក្រុមចែកចាយធំបំផុតរបស់ជប៉ុន ដែលប្រតិបត្តិការមជ្ឈមណ្ឌលផ្សារទំនើបជាង២០០
នៅជុំវិញពិភព ។ លោកនេះ បើយោងតាមការលើកឡើងរបស់មន្ត្រីក្រុមហ៊ុនហ៊ីយ៉ាន់ដាយនៅថ្ងៃទី១៩ ខែមេសា ។
គម្រោងនេះគឺមានរយៈពេលសាងសង់គឺប្រហែល២៧ខែ បន្ទាប់ពីចាប់ផ្តើមសាងសង់ ដែលគ្រោងនឹងបើកនៅឆ្នាំ២០២៣ ។ សម្រាប់គម្រោងសាងសង់ផ្សារទំនើបអ៊ីអន៣ ដែលមានទីតាំងវិនិយោគស្ថិត នៅភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
សូមរំលឹកថា កាលពីខែធ្នូ ឆ្នាំ២០១៩ កន្លងទៅ គម្រោងសាងសង់ផ្សារទំនើបអ៊ីអន៣ មានទុនវិនិយោគប្រមាណ២៨៩,៦លានដុល្លារអាមេរិក ត្រូវបានក្រុមប្រឹក្សាអភិវឌ្ឍន៍កម្ពុជា(CDC) ចុះបញ្ជីជាស្ថាពរ ៕
ចែករំលែកព័តមាននេះ