រាជធានីភ្នំពេញ៖ ថ្នាក់ដឹកនាំមួយរូបរបស់ក្រសួងយុត្តិធម៌បានបញ្ជាក់ថា ការរិះគន់ថ្មីៗនេះរបស់អ្នករាយការណ៍ពិសេសនៃអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា គឺមានចរិតនយោបាយ ហើយមានស្តង់ពីរចំពោះកម្ពុជា ព្រោះថា ច្បាប់នេះមិនបានរឹតត្បិតសិទ្ធិមនុស្សដូចការលើកឡើងនោះទេ ។ នេះការលើកឡើងរបស់លោក ជិន…
រាជធានីភ្នំពេញ៖ ថ្នាក់ដឹកនាំមួយរូបរបស់ក្រសួងយុត្តិធម៌បានបញ្ជាក់ថា ការរិះគន់ថ្មីៗនេះរបស់អ្នករាយការណ៍ពិសេសនៃអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា គឺមានចរិតនយោបាយ ហើយមានស្តង់ពីរចំពោះកម្ពុជា ព្រោះថា ច្បាប់នេះមិនបានរឹតត្បិតសិទ្ធិមនុស្សដូចការលើកឡើងនោះទេ ។ នេះការលើកឡើងរបស់លោក ជិន ម៉ាលីន អ្នកនាំពាក្យក្រសួងយុត្តិធម៌ ។
ថ្លែងនៅសន្និសីទសារព័ត៌មានស្ដីពី «ការគ្រប់គ្រងប្រទេសជាតិ ស្ថិតក្នុងភាពអាសន្ន» នៅទីស្តីការគណៈរដ្ឋមន្ត្រីនៅថ្ងៃទី ២១ មេសានេះ លោក ជិន ម៉ាលីនបានបញ្ជាក់ថា ក្រសួងយុត្តិធម៌ ដែលជាសហការរីកក្នុងការតាក់តែងច្បាប់ស្តីពី ការគ្រប់គ្រង់ប្រទេសជាតិស្ថិតក្នុងភាពអាសន្នបានប្រកាសស្វាគមន៍ជជែកជាមួយអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា ។
ការបញ្ជាក់របស់ក្រសួងយុត្តិធម៌នេះធ្វើឡើង បន្ទាប់ពីលោកស្រី រ៉ូ ណាស្មីត អ្នករាយការណ៍ពិសេសរបស់អង្គការសហប្រជាតិបានរិះគន់ថាការធ្វើច្បាប់ស្តីពីការគ្រប់គ្រងប្រទេសស្ថិតក្នុងភាពអាសន្នរបស់កម្ពុជាបានរឹតត្បិតសិទ្ធិមនុស្ស។
លោក ជិន ម៉ាលីន បានបញ្ជាក់ថាការរិះ គន់របស់អ្នករាយការណ៍ពិសេសនេះមានចរិតនយោបាយ ហើយមានស្តង់ពីរចំពោះកម្ពុជា ។ ព្រោះថា ច្បាប់នេះមិនបានរឹតត្បិតសិទ្ធិមនុស្សដូចការលើកឡើងនោះទេ ។ គាត់មិនបានមើល និងយល់ពីខ្លឹមសារច្បាប់នោះទេ ។ លោកបានបញ្ជាក់ថា «យើងស្វាគមន៍ក្នុងការជួបជាមួយគាត់នៅពេលគាត់មកទស្សនៈកិច្ចនៅកម្ពុជាក្នុងការជជែកទល់មុខគ្នាជជែករឿងធ្វើច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន ដើម្បីឲ្យគាត់បានយល់ច្បាស់»។
ជាមួយគ្នានោះដែរ អ្នកនាំពាក្យក៏បានលើកឡើងថា ការដាក់ប្រទេសជាតិស្ថិតក្នុងភាពអាសន្ននេះមិនមានផលអវិជ្ជមាននោះទេ គឺច្បាប់នេះមានផលវិជ្ជមានសម្រាប់ជីវិតប្រជាជនទាំងមូល មិនដូចការលើកឡើងរបស់ប្រមុខប្រឆាំងមួយចំនួនតូចនោះទេ ៕
ចែករំលែកព័តមាននេះ