ស្ងាត់ៗជប៉ុនប្រកាសថា ខ្លួននឹងផលិតចេញជាវ៉ាក់សាំងប្រឆាំងមេរោគកូវីដ១៩ នៅក្នុងឆ្នាំ២០២០នេះ តែម្តង ។ ការផលិតដំបូងនឹងផ្គត់ផ្គង់ សម្រាប់ការប្រើប្រាស់ទៅលើមនុស្សចំនួន២សែននាក់ ។
នេះបើតាមសេចក្តីរាយការណ៍ព័ត៌មានរបស់ Nikkei Asian Reviewវីរបស់ ជប៉ុននៅថ្ងៃនេះ។ក្រុមហ៊ុនបច្ចេក-ជីវសាស្ត្រជប៉ុន Takara Bio នឹងចាប់ផ្តើមការសាក ល្បងវ៉ាក់ កសាំងនេះនៅរដូវក្តៅនេះ។
វ៉ាក់សាំងកូវីដ១៩នេះ នឹងផលិតឡើងដោយធ្វើការបម្រែបម្រួល DNA របស់ មេរោគកូវីដ១៩ ហើយនឹងចាក់ចូលខ្លូនមនុស្ស ដើម្បីបង្កើតជាប្រព័ន្ធភាពស៊ាំប្រឆាំងនឹងមេរោគកូវីដ១៩ បើសិនជាវាចូលទៅក្នុងខ្លួនមនុស្ស។
លោក កូអ៊ីជី ណាកាអូ បាននិយាយថា វ៉ាក់សាំងនេះ អាចឆាប់ផលិតចេញ ប្រើបានលឿនជាងប្រភេទវ៉ាក់សាំងដែលប្រុងនឹងចេញផលិតដែរ ដោយធ្វើអោយមេរោគខ្សោយសិន ។
បើសិនជារដ្ឋាភិបាលជប៉ុនអនុម័តនោះ វ៉ាក់សាំងនេះ នឹងអាចផលិតចេញប្រើ ដំបូងនៅត្រឹមឆ្នាំនេះសម្រាប់មនុស្ស២សែននាក់។
តាមអង្គការសុខភាពពិភពលោក បច្ចុប្បន្នមានវ៉ាក់សាំងប្រមាណជា៧០ កំពុងតែប្រកួតប្រជែងគ្នា ដើម្បីអោយមានការទទួលស្គាល់ជាផ្លូវការ សម្រាប់ការចេញប្រើក្នុងពិភពលោក ៕
ចែករំលែកព័តមាននេះ