សហរដ្ឋាអាមេរិក ៖ ជារឿងអាក្រក់បំផុតនៃទីផ្សារប្រេងក្នុងប្រវត្តិសាស្ត្រ បន្ទាប់ពីតម្លៃប្រេងឥន្ធនៈបានធ្លាក់ចុះទាបជាងសូន្យ (០) ជាលើកដំបូងនៅក្នុងប្រវត្តិសាស្ត្រ ក្នុងការជួញដូរកាលពីថ្ងៃច័ន្ទ ដែលបានរុញច្រានទីផ្សារទៅក្នុងសកលលោក ដែលធ្វើពាណិជ្ជករសុខចិត្តបង់លុយ ៤០ ដុល្លារក្នុងមួយបារ៉ែល ដើម្បីឱ្យទៅអ្នកណាម្នាក់ដែលព្រមទិញយកប្រេងឆៅរបស់ខ្លួន ។
West Texas Intermediate (WTI) គឺជាស្តង់ដារសម្រាប់ឧស្សាហកម្មប្រេងរបស់អាមេរិកដែលឆ្លងកាត់ជាច្រើនទសវត្សមកដោយមើលឃើញទីផ្សារប្រែងរីកដុះដាល ឬក៏ការធ្លាក់ចុះសង្គ្រាម និងវិបត្តិហិរញ្ញវត្ថុ ប៉ុន្តែមិនមានព្រឹត្តិការណ៍ណាមួយក្នុងប្រវត្តិសាស្ត្រដែលធ្វើឲ្យឧស្សាហកម្មប្រែងដាំក្បាលចុះយ៉ាងអាក្រក់បែបនេះ ។
នៅចុងបញ្ចប់នៃការធ្វើពាណិជ្ជកម្មកិច្ចកាលពីថ្ងៃច័ន្ទ នៃកិច្ចសន្យាសម្រាប់ខែឧសភា តម្លៃប្រេងឆៅបានធ្លាក់ចុះដល់ទៅ ៣០០ ភាគរយពី ១៧,៨៥ ដុល្លារក្នុងមួយបារ៉ែល ធ្លាក់ចុះដល់ ដក (-) ៣៧,៦៣ ដុល្លារអាមេរិក ក្នុងមួយបារ៉ែល។
លោក Doug King វិនិយោគិនមូលនិធិការពារហានិភ័យដែលបានសហការបង្កើតមូលនិធិអ្នកជំនួញទំនិញបានថ្លែងថា «ថ្ងៃនេះជាថ្ងៃដ៏សាហាវសម្រាប់ឧស្សាហកម្មប្រេងពិភពលោក»។
យ៉ាងណាមិញនៅថ្ងៃអង្គារ នេះកិច្ចសន្យាប្រេងសម្រាប់ខែឧសភាបានត្រលប់មកវិញក្នុងស្ថានភាពគ្រាន់បើបន្តិចវិញ ដោយការជួញដូរបានធ្វើឡើងក្នុងតម្លៃ ១,១០ ដុល្លារ។
បច្ចុប្បន្នពាណិជ្ជករផ្តោតការយកចិត្តទុកដាក់លើកិច្ចសន្យាសម្រាប់ការដឹកជញ្ជូននៅខែ
មិថុនាដែលមានបរិមាណជួញដូរខ្ពស់ជាង ៣០ ដង។ ហើយវាក៏បានស្ទុះងើបឡើងវិញកាលពីថ្ងៃអង្គារដោយឡើងដល់ ២១ ដុល្លារអាមេរិកក្នុងមួយបារ៉ែលបន្ទាប់ពីការបិទ ២០,៤៣ ដុល្លារក្នុងមួយធុងនៅញូវយ៉ក។
ប្រេងឆៅប្រភេទ Brent ដែលជាតម្លៃគោលរបស់អន្តរជាតិកំពុងផ្លាស់ប្រែប្រួលក្នុងតម្លៃ ២៥,៦១ ដុល្លារក្នុងមួយបារ៉ែល សម្រាប់ការចែកចាយនៅខែមិថុនា កើនឡើង ០,១៥ ភាគរយ។
កិច្ចសន្យាអនាគតសម្រាប់ការអនុវត្តនាខែឧសភាខាងមុខនឹងផុតកំណត់នៅថ្ងៃអង្គារនេះមានន័យថាពាណិជ្ជករដែលទិញនិងលក់ប្រេង ដើម្បីរកប្រាក់ចំណេញត្រូវស្វែងរកនរណាម្នាក់មកកាន់កាប់ប្រេងនេះឲ្យបានល្អ ។
ចែករំលែកព័តមាននេះ