ប្រាក់រៀលខ្មែរបានបង្ហាញពីសញ្ញាធ្លាក់ថ្លៃបន្តិចនៅថ្ងៃនេះធៀបជាមួយប្រាក់យ៉ន់ចិន និង ប្រាក់យ៉េនជប៉ុន ប៉ុន្តែមានកម្លាំងខ្លាំងជាងប្រាក់វុនកូរ៉េ ។ ដូច្នេះសម្រាប់អ្នកនិយមចាយ ប្រាក់របស់ប្រទេសទាំងនេះ សូមមកដឹងពីហាងឆេងអត្រាប្តូរប្រាក់ថ្ងៃនេះធៀបនឹងថ្ងៃម្សិល មិញ ។
ធនាគារ ជាតិ នៃ កម្ពុជា នៅថ្ងៃទី ២១ខែមេសា ឆ្នាំ ២០២០នេះឱ្យដឹងថា ១យ៉ន់ចិន ទិញ ចូល ៥៧៦ រៀល លក់ចេញ ៥៨១ រៀល ដែលកាលពីម្សិលមិញទិញចូលត្រឹមតែ ៥៧៥ រៀល និងលក់ចេញ ៥៨១ រៀល ។
ទន្ទឹមនេះចំពោះប្រាក់យ៉េនជប៉ុនវិញ គឺថ្ងៃនេះ ១០០យ៉េន ទិញចូល ៣៧៧៨ រៀល លក់ ចេញ ៣៨១៥ រៀល ហើយកាលពីម្សិលមិញទិញចូលត្រឹមតែ ៣៧៧២ រៀល និងលក់ ចេញ ៣៨០៩ រៀលប៉ុណ្ណោះ ។
ដោយឡែកប្រាក់វុនកូរ៉េ វិញ គឺថ្ងៃនេះ ១០០វុន ទិញចូលត្រឹមតែ ៣៣២ រៀល លក់ចេញ ៣៣៦ រៀល ដែលកាលពីថ្ងៃម្សិលមិញទិញចូលរហូតដល់ ៣៣៤ រៀល និងលក់ចេញ ៣៣៧ រៀលឯណោះ ៕
ចែករំលែកព័តមាននេះ