ប្រទេសថៃ ៖ សត្វព្រៃពាសពេញពិភពលោកកំពុងរីករាយនឹងកង្វះសកម្មភាពរបស់មនុស្ស ដោយសារតែការចាក់សោរដើម្បីការពារការឆ្លងវីរុស សត្វអណ្តើកសមុទ្រនៅក្នុងប្រទេសថៃ ក៏កំពុងលូតលាស់យ៉ាងប្រពៃនៅពេលនេះ។ យោងតាមលោក Kanokwan Homcha-ai អ្នកត្រួតពិនិត្យនៅមូលនិធិ…
ប្រទេសថៃ ៖ សត្វព្រៃពាសពេញពិភពលោកកំពុងរីករាយនឹងកង្វះសកម្មភាពរបស់មនុស្ស ដោយសារតែការចាក់សោរដើម្បីការពារការឆ្លងវីរុស សត្វអណ្តើកសមុទ្រនៅក្នុងប្រទេសថៃ ក៏កំពុងលូតលាស់យ៉ាងប្រពៃនៅពេលនេះ។
យោងតាមលោក Kanokwan Homcha-ai អ្នកត្រួតពិនិត្យនៅមូលនិធិ Mai Khao Marine Turtle បានឱ្យដឹងថា ឆ្នេរសមុទ្រថៃខ្លះមានចំនួនសំបុកសត្វអណ្តើកច្រើនជាងគេក្នុងរយៈពេលពីរទសវត្ស។ លោកបាននិយាយនៅក្នុងបទសម្ភាសន៍តាមទូរស័ព្ទជាមួយទូរទស្សន៍ CNN កាលពីថ្ងៃច័ន្ទថា ក្រុមអ្នកស្រាវជ្រាវបានរកឃើញសំបុកអណ្តើកសមុទ្រចំនួន១១ នៅលើកោះភូកេត ដែលជាចំនួនសំបុកច្រើនបំផុតនៅក្នុងប្រទេសថៃក្នុងរយៈពេល២០ឆ្នាំ។ ភូកេតគឺជាកោះរមណីយដ្ឋានដែលមានប្រជាប្រិយបំផុតរបស់ប្រទេសថៃ ហើយការទាក់ទាញភ្ញៀវទេសចរដ៏សំខាន់មួយត្រូវបានគេបិទទ្វារយ៉ាងតឹងរ៉ឹង ដោយសារតែការផ្ទុះឡើងនៃវីរុសកូវីដ១៩។
លោក Homcha-ai បាននិយាយថា ៖ «នេះអាចមានឥទ្ធិពលវិជ្ជមានទៅលើបរិស្ថានក្នុងការអភិរក្សសមុទ្រក្នុងរយៈពេលវែងផងដែរ។ មិនត្រឹមតែអណ្តើកសមុទ្រប៉ុណ្ណោះទេ ប៉ុន្តែប្រភេទសត្វសមុទ្រដទៃទៀតដូចជាសត្វដូហ្វីន ដែលរស់នៅក្នុងតំបន់ក៏មានចំនួនកើនឡើងផងដែរ នេះបើយោងតាមការស្ទង់មតិរបស់រដ្ឋាភិបាល»។
ការវិវឌ្ឍន៍នេះគឺដោយសារតែវិធានការបិទទ្វារ ដែលត្រូវបានដាក់ដោយអាជ្ញាធរថៃកាលពីខែមីនា។ លោក Homcha-ai ដែលជឿជាក់ថា នឹងមានឥទ្ធិពលយូរអង្វែងសម្រាប់បរិស្ថានដោយសារកង្វះសកម្មភាពមនុស្សនឹងផ្តល់ពេលវេលាជីវិតសមុទ្រដើម្បីបង្កើតឡើងវិញ។
គួរបញ្ជាក់ផងដែរថា ប្រទេសថៃមានករណីឆ្លងជម្ងឺកូវីដ១៩ ដល់ទៅ២៧៩២ករណី និងមានអ្នកបាត់បង់ជីវិតចំនួន៤៧នាក់ គិតត្រឹមថ្ងៃច័ន្ទ ៕ (យោងតាមប្រភពពី edition.cnn.com)
ចែករំលែកព័តមាននេះ