ប្រទេសថៃ ៖ ប៉ូលិសទីក្រុងបាងកក បានធ្វើការចោទប្រកាន់ទៅលើម្ចាស់ជំនួយស្បៀងអាហារ បន្ទាប់ពីការចែកអំណោយដ៏សប្បុរសរបស់ពួកគេនៅជិតស្ថានីយរថភ្លើង Hua Lamphong ដែលត្រូវបានគេចោទប្រកាន់ថា មិនបានអនុវត្តតាមវិធានការណ៍ ដើម្បីទប់ស្កាត់ការរីករាលដាលកូវីដ១៩។
ការអនុវត្តន៍ច្បាប់នេះ បានធ្វើឡើង បន្ទាប់ពីមានវីដេអូឃ្លីបមួយ ដែលបង្ហាញពីមនុស្សរាប់សិបនាក់កំពុងអង្គុយទទួលអាហារដោយឥតគិតថ្លៃ នៅក្បែរសណ្ឋាគារ Sri Krung នៅលើផ្លូវ Krung Kasem ក្នុងសង្កាត់ Pomprap Sattruphai។ ការចែកអំណោយសប្បុរសធម៌ដែលបានធ្វើឡើងនៅថ្ងៃទី១២ ខែមេសា វេលាម៉ោង៤និង៣០នាទីល្ងាច បានប្រែទៅជាអាក្រក់នៅពេលមានជម្លោះមួយបានផ្ទុះឡើងក្នុងចំណោមអ្នកដែលបានប្រមូលផ្តុំគ្នា។
ប៉ូលិស Kissana Phattanacharoen អ្នកនាំពាក្យប៉ូលិសបាននិយាយកាលពីថ្ងៃច័ន្ទថា មន្ត្រីប៉ូលិសនៅប៉ុស្តិ៍ប៉ូ Phalapphla Chai ២ បានធ្វើការស៊ើបអង្កេតទៅលើឧប្បត្តិហេតុនេះ ហើយបានកំណត់អត្តសញ្ញាណម្ចាស់ជំនួយ កាលពីថ្ងៃច័ន្ទ។
លោកបាននិយាយថា ក្រុមអ្នករៀបចំបានរាយការណ៍ទៅប៉ូលិសហើយត្រូវបានចោទប្រកាន់ពីបទរំលោភបម្រាមលើការប្រមូលផ្តុំសាធារណៈ ដើម្បីទប់ស្កាត់ការផ្ទុះនេះ។ លោកបានបន្ថែមទៀតថា ពួកគេមិនបានអនុវត្តតាមវិធានការណ៍រក្សាគម្លាតសង្គមទេ។
លោកវរសេនីយ៍ឯក Kiss Kissana ក៏បាននិយាយផងដែរថា ប៉ូលិសកំពុងតែតាមចាប់អ្នកដែលពាក់ព័ន្ធក្នុងការបង្កភាពល្អក់កករនេះ។ លោកបានជម្រុញឱ្យប្រជាជនដែលចង់ចែកចាយស្បៀងអាហារ ឬរបស់របរចាំបាច់ផ្សេងៗ ត្រូវទាក់ទងទៅអាជ្ញាធរមូលដ្ឋាន ដើម្បីជួយរក្សានីតិវិធីឃ្លាំមើលក្នុងសង្គមឱ្យបានត្រឹមត្រូវ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ