ហ្វីលីពីន៖ ប៉ូលិសជនជាតិហ្វីលីពីនបានធ្វើការ្រមានថា នឹងមានការចាប់ខ្លួនទ្រង់ទ្រាយធំមួយ ចំពោះអ្នកដែលមិនគោរពការដាក់ឱ្យនៅដោយឡែកពីគ្នា និងអ្នកនៅបន្តធ្វើឱ្យមានការឆ្លងកូវីដ១៩ក្នុងសង្គម ។
លោកឧត្តមសេនីយ៍ Archie Gamboa អគ្គស្នងការប៉ូលិសជាតិហ្វីលីពីនបាននិយាយថា លោកបានបញ្ជាឱ្យប្រធានប៉ូលិសប្រចាំតំបន់ប្រចាំតំបន់ (NCR) ស្វែងរកកន្លែង សម្រាប់ឃុំឃាំងមនុស្ស ដែលរំលោភលើវិធានការណ៍ចត្តាឡីស័ក ។
លោកមានប្រសាសន៍ថា៖ «ខ្ញុំក៏តម្រូវឱ្យប្រធានប៉ូលិសប្រចាំតំបន់រៀបចំមណ្ឌលមួយកន្លែង សម្រាប់ដាក់អ្នកដែលត្រូវបានចាប់ខ្លួន ។ ខ្ញុំក៏បានស្នើសុំឱ្យគាត់បម្រុងទុកកន្លែងខ្លះនៅ Bicutan ។ រឿងទាំងអស់នេះកំពុងត្រូវបានរៀបចំឡើង ដូចដែលយើងរំពឹងថា នឹងមានការចាប់ខ្លួនដ៏ធំ ប្រសិនបើប្រជាជននៅតែបន្តមិនគោរពតាម» ។
ចាប់ពីថ្ងៃទី១៧ មីនា ដល់ថ្ងៃទី១៩ មេសា ប្រជាជនប្រមាណ១៣៣.០០០នាក់ ត្រូវបានរកឃើញថា បានរំលោភគោលការណ៍ណែនាំដាច់ដោយឡែក ។
លោកបានបន្តថា៖ «ការសង្កត់ធ្ងន់គឺការអនុវត្តន៍ច្បាប់ ។ នៅពេលដែលអ្នកនិយាយច្បាប់អាជ្ញាសឹក ប្រធានាធិបតីប្រហែលជាចង់បញ្ជាក់ថា យើងត្រូវតែធ្វើការចាប់ខ្លួនខ្លះ ដោយសារតែអ្នករំលោភចត្តាឡីស័ក ១៣០០០០នាក់ ប្រហែលជា៩៦០០០នាក់ត្រូវបានគេព្រមានជាធម្មតា» ។
គួរបញ្ជាក់ផងដែរថា ចំនួនឆ្លងសរុបនៅក្នុងប្រទេសហ្វីលីពីន នាពេលនេះមានដល់៦៤៥៩ករណី ខណៈដែលមានអ្នកស្លាប់ចំនួន៤២៨ករណី និងអ្នកជាមានចំនួន៦១៣ករណី បើគិតមកត្រឹមថ្ងៃនេះ ។
ចែករំលែកព័តមាននេះ