បើនិយាយពីសេចក្តីទុក្ខ មានមនុស្សមិនតិចទេដែលចេះតែរកកលចង់សម្លាប់ខ្លួនឯងដើម្បីរួចផុតទុក្ខទាំងឡាយក្នុងលោក ។ តើការសម្លាប់ខ្លួនឯងនេះនឹងរួចចាកទុក្ខដែរឬទេ ?
សូមមើលហេតុផលដែលសមណៈ រេវតៈ ពន្យល់យ៉ាងនេះថា អ្នកណាក៏ដោយ បើធ្លាក់នៅក្នុងសភាពទុក្ខធំរមែងចេះតែចង់សម្លាប់ខ្លួនព្រោះលំបាកនឹងការអត់ធន់ តែទុក្ខផ្លូវកាយជារបស់ល្មមនឹងទ្រាំធន់បាន ចំណែកទុក្ខផ្លូវចិត្តធន់បានដោយលំបាកណាស់ ។
វិធីកែទុក្ខផ្លូវចិត្តនេះមាន២យ៉ាងប៉ុណ្ណោះ គឺស្លាប់ឲ្យហើយតែម្ដងទៅ និងអត់ធន់ដរាបទាល់តែទុក្ខរលត់អស់ទៅ ។ មនុស្សជាច្រើនបានរើសយកវិធីសម្លាប់ខ្លួនឯងដើម្បីឱ្យរួចទុក្ខក្នុងលោកិយនេះ ឯការដែលរើសយកវិធីអត់ធន់នៃជីវិតក៏មានមិនតិចដែរ ដូច្នេះតើគួរនឹងរើសយកវិធីណា ?
ព្រះរេវតៈពន្យល់យ៉ាងនេះថា បើអ្នករើសយកវិធីសម្លាប់ខ្លួនឱ្យរួចចាកទុក្ខ នោះអ្នកនឹងមិនរួចផុតពីទុក្ខបានទេ ព្រោះចិត្តអ្នកដែលកំពុងក្តៅក្រហាយ ពេលស្លាប់ទៅបដិសន្ធិនឹងទៅកើតនៅកន្លែងដែលរឹតតែក្តៅជាងជីវិតបច្ចុប្បន្ននេះទៅទៀត ។
ប៉ុន្តែបើអ្នករើសយកជីវិតអត់ធន់ នោះអ្នកនឹងមានឱកាសធ្វើរឿងល្អៗសម្រាប់ជីវិត និងបានបំពេញបុណ្យកុសលថែមទៀតផង ។ សាន សារិន
ចែករំលែកព័តមាននេះ