កីឡាករ Son Heung-min បានត្រៀមខ្លួនជាស្រេច ដើម្បីចាប់ផ្តើមការហ្វឹកហាត់យោធាក្នុងប្រទេសកំណើតរបស់គេក្នុងសប្តាហ៍នេះ បន្ទាប់បុរសជនជាតិកូរ៉េខាងត្បូង បានទៅដល់ជំរំទាហានជើងទឹក ដែលជាទីកន្លែងដែលរូបគេត្រូវបំពេញភារកិច្ចនៅទីនោះ ។ ជំរំនេះមានទីតាំងស្ថិតនៅភាគខាងត្បូងកោះជេជូ…
កីឡាករ Son Heung-min បានត្រៀមខ្លួនជាស្រេច ដើម្បីចាប់ផ្តើមការហ្វឹកហាត់យោធាក្នុងប្រទេសកំណើតរបស់គេក្នុងសប្តាហ៍នេះ បន្ទាប់បុរសជនជាតិកូរ៉េខាងត្បូង បានទៅដល់ជំរំទាហានជើងទឹក ដែលជាទីកន្លែងដែលរូបគេត្រូវបំពេញភារកិច្ចនៅទីនោះ ។
ជំរំនេះមានទីតាំងស្ថិតនៅភាគខាងត្បូងកោះជេជូ ហើយខ្សែប្រយុទ្ធជួរមុខរបស់ក្រុម Spurs នឹងត្រូវហ្វឹកហាត់រយៈពេល៣សប្តាហ៍ ខណៈពេលដែលបាល់ទាត់ក្នុងប្រទេសអង់គ្លេសនៅតែស្ថិតក្នុងភាពជាប់គាំង ។
សូមរំលឹកជូនថា កីឡាករ Son ទទួលបានការលើកលែងពីកាតព្វកិច្ចយោធារយៈពេល២១ខែ បន្ទាប់ពីបានជួយប្រទេសកូរ៉េខាងត្បូង ឈ្នះការប្រកួតកីឡាអាស៊ីឆ្នាំ២០១៨ ប៉ុន្តែរូបគេនៅតែត្រូវបំពេញកាតព្វកិច្ចនេះក្នុងរយៈពេលខ្លីមួយ ។
កីឡាករ Son បានត្រឡប់ទៅប្រទេសកូរ៉េខាងត្បូងវិញនៅចុងខែមីនា ដើម្បីទទួលការព្យាបាលរបួសបាក់ដៃកាលពីពាក់កណ្តាលខែកុម្ភៈ អំឡុងពេលដែលក្រុម Tottenham ទទួលជ័យជំនះ ៣-២ នៅក្នុងក្រិបខ័ណ្ឌ Premier League លើក្រុម Aston Villa ។ ក្នុងការទៅដល់ប្រទេសកំណើតវិញ រូបគេក៏តម្រូវឲ្យនៅដាច់ដោយឡែករយៈពេល ១៤ថ្ងៃផងដែរ ៕ ដកស្រង់ចេញពី koreaherald
ចែករំលែកព័តមាននេះ