ក្នុងនាមជាអាជីវករថ្មីដែលមានគំនិតធំៗ តែមិនមានធនធានគ្រប់គ្រាន់ និងការិយាល័យត្រឹមត្រូវមួយ ភាគច្រើនមិនមានវត្តមានទាំងស្រុងពេលដែលអាជីវកម្មទើបតែចាប់ផ្តើមដំបូង ។ ជាលទ្ធផល អាជីវកម្មជាច្រើនបានចាប់ផ្តើមពីក្នុងបន្ទប់គេង កន្លែងចតរថយន្ត និងថែមទាំងបន្ទប់ក្រោមដីរបស់អាជីវករថែមទៀត ។…
ក្នុងនាមជាអាជីវករថ្មីដែលមានគំនិតធំៗ តែមិនមានធនធានគ្រប់គ្រាន់ និងការិយាល័យត្រឹមត្រូវមួយ ភាគច្រើនមិនមានវត្តមានទាំងស្រុងពេលដែលអាជីវកម្មទើបតែចាប់ផ្តើមដំបូង ។ ជាលទ្ធផល អាជីវកម្មជាច្រើនបានចាប់ផ្តើមពីក្នុងបន្ទប់គេង កន្លែងចតរថយន្ត និងថែមទាំងបន្ទប់ក្រោមដីរបស់អាជីវករថែមទៀត ។ ខាងក្រោមនេះ គឺជាអាជីវកម្មធំៗដែលបានឆ្លងកាត់ស្ថានការណ៍នេះ៖
១. ក្រុមហ៊ុន Amazon
នៅឆ្នាំ ១៩៩៤ លោក ជេហ្វ បេសូស (Jeff Bezos) ដែលបច្ចុប្បន្នជាបុរសដែលមានទ្រព្យសម្បត្តិច្រើនជាងគេលើលោកបានសម្រេចចិត្តលាឈប់ពីការងារនិងចាប់ផ្តើមក្រុមហ៊ុន Amazon.com នៅបន្ទប់ចតរថយន្តរបស់លោកដើម្បីលក់សៀវភៅអនឡាញ ។ បច្ចុប្បន្ននេះ Amazon មានតម្លៃសរុបប្រមាណ ១.២ទ្រីលានដុល្លារ ហើយលោកបេសូសមានទ្រព្យសម្បត្តិរួមប្រមាណ ១៤០ប៊ីលានដុល្លារផងដែរ ។
២. ក្រុមហ៊ុន Facebook
លោក ម៉ាក ហ្សាកាបឺក (Mark Zuckerbeg) បានបង្កើតប្រព័ន្ធសង្គមដែលធំជាងគេលើលោកពីក្នុងបន្ទប់ស្នាក់នៅរបស់លោកពេលដែលលោកជានិស្សិតនៅសាកលវិទ្យាល័យ Havard ។ បច្ចុប្បន្ន Facebook មានតម្លៃប្រមាណ ៥០០ប៊ីលានដុល្លារ និងមានបុគ្គលិកពេញម៉ោងដល់ទៅ ៤៥,០០០នាក់ ។
៣. ក្រុមហ៊ុន Microsoft
លោក ប៊ីល ហ្គេតស៍ (Bill Gates) និងសហស្ថាបនិករបស់លោកបានចាប់ដៃសហការបង្កើតកម្មវិធី Software សម្រាប់កុំព្យូទ័រ Altair 8800 ក្នុងបន្ទប់ចតរថយន្តរបស់លោក មុននឹងប្តូរទៅបន្ទប់សណ្ឋាគារ Sundwoner Motor Hotel ព្រោះវាមានទីតាំងនៅមុខក្រុមហ៊ុនកុំព្យូទ័រនោះ ។ បច្ចុប្បន្ននេះ Microsoft មានតម្លៃប្រមាណ ១.៣ទ្រីលានដុល្លារ និងមានបុគ្គលិកសរុប ១៤៨,៤៦៥នាក់ ។
៤. ក្រុមហ៊ុន Apple
នៅឆ្នាំ ១៩៧៦ បន្ទប់ចតរថយន្តរបស់អាណាព្យាបាលលោក ស្ទីវ ចបស៍ (Steve Jobs) ដើរតួយ៉ាងសំខាន់ក្នុងការធ្វើឲ្យ Apple ក្លាយជាក្រុមហ៊ុនផលិតគ្រឿងអេឡិចត្រូនិកដ៏ធំដូចសព្វថ្ងៃនេះ ។ លោក ចបស៍ ធ្លាប់បាននិយាយថាលោកតែងតែយកផលិតផលទៅបន្ទប់នោះ និងធ្វើឲ្យវាដំណើរការមុនពេលយកវាទៅដាក់លក់ ប៉ុន្តែលោកមិនដែលច្នៃម៉ូដផលិតផលអ្វីនៅទីនោះទេ ។ មកដល់សព្វថ្ងៃនេះ Apple មានតម្លៃប្រមាណ ១.២ទ្រីលានដុល្លារ និងមានបុគ្គលិកប្រមាណ ១៣៧,០០០នាក់ ៕
ចែករំលែកព័តមាននេះ