ទីក្រុងឡុង ៖ ដូចអ្វីដែលបវរកញ្ញាដ៏ស្រស់ស្អាតរបស់អង់គ្លេស នាងបានសម្រេចចិត្ត ! ក្រោយពីរូបនាងដាក់ខ្លួននៅដាច់ដោយឡែកចំនួន ២សប្តាហ៍ រួមមក ពេលនេះ បវរកញ្ញា បាសា ម៉ូឃឺជី Bhasha Mukherjee ចូលរួមជាមួយសហសេវិករបស់នាង នៅឯមន្ទីរពេទ្យ Pilgrim ក្នុងការប្រយុទ្ធប្រឆាំងនឹងជំងឺឆ្លង បង្កឡើងដោយ COVID-19 ។
វេជ្ជបណ្ឌិត Bhasha Mukherjee វ័យ ២៤ឆ្នាំ ដែលមានដើមកំណើតជាជនជាតិឥណ្ឌារូបនេះសប្បាយចិត្តដែលបានត្រឡប់មកធ្វើការងារដែលរូពនាងស្រលាញ់ ប៉ុន្តែមិនដឹងថា នឹងមានអ្វីកើតឡើងនៅថ្ងៃបន្ទាប់ទេ ព្រោះថា ថ្ងៃដំបូងដែលរូបនាងធ្វើការ គឺ១៣ម៉ោង ក្នុង១ថ្ងៃ អារម្មណ៍របស់នាង ហាក់តានតឹងឡើង ហើយភ័យក៏ចាប់ផ្តើមកើតមាន នៅពេលនាងដើរចូលទៅក្នុងមន្ទីរពេទ្យនេះ ។
អ្វីដែលនាងបានជួបប្រទះនោះ បានធ្វើឱ្យនាងតូចចិត្តខ្លាំង តូចចិត្តនោះក៏ដោយសារខឹងកង្វះបរិក្ខាវេជ្ជសាស្ត្រ (ការពារមេរោគឆ្លង) សម្រាប់គ្រូពេទ្យ ពិសេសសម្រាប់ក្រុមវេជ្ជបណ្ឌិត និងក្រុមគិលានុបដ្ឋាយិកានៅជួរមុខតែម្តង ។ នាងមានអារម្មណ៍ថា ជាបញ្ហាធំមួយ ហើយនាងបានប្រាប់បទពិសោធន៍របស់នាងដល់អ្នកសារព័ត៌មាន dailymail ថា “មិនមែនជាអ្វីដែលនាងរំពឹងទាល់តែសោះ” ។
សូមរម្លឹកថា បវរកញ្ញាអង់គ្លេស ចូលរួមពេទ្យជួរមុខ ដោះមកុដទុក ព្យាបាលអ្នកជំងឺកូវីដ១៩ បានសម្រេចព្យួរមកុដរបស់នាងទុក រួចត្រឡប់ទៅប្រទេសអង់គ្លេសវិញ បន្តអាជីពជាវេជ្ជបណ្ឌិត ដើម្បីចូលរួមសង្គ្រោះជីវិតអ្នកជំងឺ ជាមួយក្រុមពេទ្យជួរមុខនៅមន្ទីរពេទ្យ Pilgrim ដែលវីរុស Covid-19 កំពុងរាតត្បាតកាន់តែខ្លាំងឡើងៗក្នុងប្រទេសនេះ ៕
ចែករំលែកព័តមាននេះ