រាជធានីភ្នំពេញ ៖ រឿងរ៉ាវថ្មីមួយទៀត របស់តារានិយមបង្ហាញដើមទ្រូងយ៉ាយ៉ា ដែលនាងកំពុងតែក្តៅក្នុងចិត្តយ៉ាងខ្លាំងទៅលើបុរសម្នាក់ ដែលមកប្រឡាក់ជីវិតនាងឱ្យជឿទុកចិត្ត។ ចុងក្រោយបុរសរូបនោះ ដែលមានងារមុខមាត់ប្រើតែពាក្យកុហកបង្វែងដាន ហើយចង់តែរលាស់ខ្លួន មិនធ្វើតាមកិច្ចការសន្យា។
តារាស្រីនិយមសម្ញែងសាច់ទ្រូងរូបនេះ បានសរសេរបង្ហោះនៅលើបណ្តាញសង្គមរបស់នាងថា «កុំតែយល់មុខ កូរ៉ូណាទេ ធ្វើការរកស៊ីមុខរបរអ្នកឯងមិនកើតទេ កុំអីលាំងអោយល្បីហើយ ខ្ញុំកើតមកមិនមែនសម្រាប់អោយអ្នកឯងធ្វើបាបខ្ញុំ កុហកខ្ញុំគ្រប់ម៉ោងចឹងទេ កុំអោយតម្លៃខ្លួនឯងខ្ពស់ពេក ។ ភ្លេចអោយតម្លៃគេ គេដាក់ខ្លួនមិនមែនគេអន់ទេ មើលគីឡូផង មិនដូចអ្នកឯងកាឡូ Chivas តែចរឹកអន់ម៉ារៀលៗ ។
តារាស្រីនិយមសម្ញែងសាច់ទ្រូងរូបនេះ បានសរសេរបង្ហោះបន្តថា ដើរក្នុងសង្គមអ្នកមាន មុខមាត់មានបុណ្យសក្តិ មានលុយដែរ តែអត់ចេះមើលគេ ឯងកុហកគេគិតថាគេមិនដឹងមែន សង្ឃឹមថា កូរ៉ូណារលាយបាត់ឆាប់ៗហ្នឹង លាំងមនុស្សអាក្រក់នេះអោយបងប្អូនបានស្គាល់មុខម្តង ។ មនុស្សខ្ញុំយុត្តិធម៌បំផុត ព្រោះមិនដែលធ្វើបាបគេមុនទេ ត្រូវចាំថា ធ្វើចរឹកអោយល្អថ្លៃថ្នូរ សមទៅនឹងឋានៈបុណ្យសក្តិ អ្នកឯងផង ។ បើអ្នកមានឋានៈបុណ្យសក្តិតែចរិតមកអន់ម៉ារៀលៗចឹង គ្មានអ្នកណាគេអោយតម្លៃអ្នកអែងទេ»។
ដើម្បីចង់ដឹងរឿងរ៉ាវបែបណា កញ្ញាយ៉ាយ៉ា ឃ្វីន បានប្រាប់ទាំងញ័រមាត់ថា នាងនឹងមិនទុកមុខមាត់បុរសអួតខ្លួនថាជាអ្នកមាន តែសូម្បីប្រាក់ ឬការសន្យាធ្វើអ្វីអោយនាងមិនបាន ធ្វើការសន្យាតាមមាត់និយាយឡើយ។ នាងនឹងបន្តបង្ហាញអត្តសញ្ញាបុរសនោះ ប្រសិនបើគាត់នៅតែព្យាយាមគេច មិនធ្វើតាមការធ្លាប់និយាយគ្នា។
កញ្ញាយ៉ាយ៉ា ឃ្វីន បន្តថា ៤ខែជាងហើយ ដែលយើងស្គាល់គ្នា ហើយគាត់នឹងខ្ញុំ អ្នកណាធ្វើអ្វីខ្លះដាក់គ្នា គឺគាត់ដឹងហើយ។ ឬអាចនិយាយបានថា អ្នកណាស្មោះជាងគេ បើគិតពីរឿងភក្តីភាព។ ដោយសារតែនាងចិត្តល្អ ស្រឡាញ់ ចង់អោយអ្វីៗល្អរឹងមាំ ទើបសន្សំសុខ មិនហ៊ានបើកកកាយ តែបុរសអួតអាងនោះ ចេះតែបញ្ឆោតនាងមួយថ្ងៃ២៤ម៉ោងលេសរហូត។
ចប់បញ្ហាកូវីដ១៩ នាងនឹងផុសរូបបុរសអំណួតនោះ ប្រសិនបើគាត់ខំរលាស់ខ្លួន ហើយយកយសសក្តិមកបន្លំអោយគេឃើញថា ល្អ ព្រោះតែចំណង់ខ្លួនឯង។ នាងធ្វើនេះ ដើម្បីអោយគាត់គិតថា មនុស្សណាក៏មានកិត្តិយស ចង់បានអ្នកស្មោះត្រង់ជាមួយគ្នា។ (កែសម្រួលដោយ ៖ បុប្ផា)
ចែករំលែកព័តមាននេះ