រាជធានីភ្នំពេញ ៖ មន្ត្រីជាន់ខ្ពស់ក្រសួងសុខាភិបាលបានអះអាងថាគិតត្រឹមថ្ងៃទី២០ខែមេសា ឆ្នាំ២០២០នេះក្រសួងបានទទួលថវិកាជាតិសរុបជាង៤លានដុល្លារសហរដ្ឋអាមេរិក ដែលក្នុងនោះក្រសួងក៏បានចំណាយ ១លានដុល្លារអាមេរិកទៅសម្រាប់ក្រសួងការងារនិងបណ្តុះបណ្តាលវិជ្ជាជីវៈ និងសាលារាជធានីភ្នំពេញ សម្រាប់ការត្រៀមធ្វើចត្តាឡីស័កលើកម្មករ កម្មការិនីរោងចក្រកាត់ដេរប្រមាណជាង ១៥…
រាជធានីភ្នំពេញ ៖ មន្ត្រីជាន់ខ្ពស់ក្រសួងសុខាភិបាលបានអះអាងថាគិតត្រឹមថ្ងៃទី២០
ខែមេសា ឆ្នាំ២០២០នេះក្រសួងបានទទួលថវិកាជាតិសរុបជាង៤លានដុល្លារសហរដ្ឋអាមេរិក ដែលក្នុងនោះក្រសួងក៏បានចំណាយ ១លានដុល្លារអាមេរិកទៅសម្រាប់ក្រសួងការងារនិងបណ្តុះបណ្តាលវិជ្ជាជីវៈ និងសាលារាជធានីភ្នំពេញ សម្រាប់ការត្រៀមធ្វើចត្តាឡីស័កលើកម្មករ កម្មការិនីរោងចក្រកាត់ដេរប្រមាណជាង ១៥ ០០០ នាក់ សម្រាប់រយៈពេល ១៤ ថ្ងៃនោះ ដូច្នេះការចំណាយគឹប្រមាណជាង ៥ លានដុល្លារហើយ ។
លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលបានថ្លែងនៅសន្និសិទ្ធសារព័ត៌មាននៅថ្ងៃទី ២០ មេសានៅទីស្តីការក្រសួងថា ថវិកា ៤ លានដុល្លារនេះគឺស្ថិតនៅក្នុងចំណោមទឹកប្រាក់ ៦ លានដុល្លារអាមេរិកដែលក្រសួងសុខាភិបាលបានស្នើជាគោលការណ៍ទៅរាជរដ្ឋាភិបាលសម្រាប់ប្រតិបត្តិការប្រយុទ្ធនឹងជំងឺកូវីដ-១៩ ។ លោកជំទាវបានបន្តថាថវិកាចំនួន ៤ លានដុល្លារដែលបានចាយនោះ គឺត្រូវបានចំណាយលើការទិញសម្ភារៈបរិក្ខាពេទ្យ ទិញម៉ាស់ ជាដើម ដើម្បីផ្គត់ផ្តង់ជូនទៅមន្ទីពេទ្យខេត្តទាំង២៥ខេត្ត-ក្រុង និងមន្ទីពេទ្យខ្មែរ-សូវៀត និងមន្ទីពេទ្យចាក់អង្រែ ។
ថ្នាក់ដឹកនាំក្រសួងសុខាភិបាលរូបនេះបានបន្តទៀតថា ក្រសួងសុខាភិបាលក៏បានទម្លាក់ថវិកាប្រមាណ ១លានដុល្លារអាមេរិក ដល់ក្រសួងការងារ និងសាលារាជធានីភ្នំពេញ ដើម្បីរៀបចំពិនិត្យតាមដានលើកម្មករកាត់ដេរ ជាង ១៥ ០០០នាក់ ក្នុងការធ្វើចត្តាឡីស័កដាក់ឲ្យនៅដាច់ដោយឡែករយៈពេល ១៤ថ្ងៃ ។
ដោយឡែកថវិការរបស់សប្បុរសជនដែលចូលតាមការអំពាវនាវរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា លោកជំទាវ យក់ សម្បត្តិបានបញ្ជាក់ឲ្យដឹងផងដែរថា មកដល់ពេលនេះមានសរុប១៣លានដុល្លារអាមេរិក ហើយប៉ាន់ស្មានបានចំណាយទៅវិញ ៥លានដុល្លារ ដោយមិនបូកនឹងការផ្ទេរទៅក្រសួងការងារ និងបណ្តុះបណ្តាលវិជ្ជាជីវៈ ១លានដុល្លារសម្រាប់ធ្វើការផ្តត់ផ្គងក្នុងការធ្វើតេស្ត្រនិងព្យាបាល កម្មករ ដែលត្រឡប់ពីបុណ្យចូលឆ្នាំមកភ្នំពេញវិញ។
លោកស្រីបន្តថាសម្រាប់ថវិការ៥លានដុល្លារនេះក្រសួងបានចំណាយទិញម៉ាស់សម្រាប់ពាក់ទូទៅ ដោយបានទិញម៉ាស់១១លានម៉ាស់ តាមផែនការរបស់សម្តេចតេជោ មកក្រសួង សុខាភិបាល ។ ម៉ាស់ទាំងនេះបានទិញរួចហើយនៅឡើយតែដឹកជញ្ជូនក្នុងឃ្លាំង ២កន្លែង គឺនៅផ្លូវជាតិលេខ៣មួយកន្លែង និងនៅផ្លូវជាតិលេខ៦អា ៕
ចែករំលែកព័តមាននេះ