រាជធានីភ្នំពេញ៖ រដ្ឋមន្ត្រីក្រសួងសុខាភិបាលបានថ្លែងឲ្យដឹងនៅព្រឹកថ្ងៃទី ២០ ខែមេសាឆ្នាំ២០២០ នេះថាពេលនេះក្រសួងបានចាប់ផ្តើមធ្វើការពិនិត្យសុខភាពលើកម្មករ កម្មការិនីដែលត្រឡប់ពីស្រុកកំណើត មករាជធានីភ្នំពេញវិញហើយ ។ ឆ្លើយតបនឹងសំណួររបស់អ្នកសារព័ត៌មានថា តើកម្មករប៉ុន្មាននាក់ហើយក្នុងចំណោមជាង…
រាជធានីភ្នំពេញ៖ រដ្ឋមន្ត្រីក្រសួងសុខាភិបាលបានថ្លែងឲ្យដឹងនៅព្រឹកថ្ងៃទី ២០ ខែមេសាឆ្នាំ២០២០ នេះថាពេលនេះក្រសួងបានចាប់ផ្តើមធ្វើការពិនិត្យសុខភាពលើកម្មករ កម្មការិនីដែលត្រឡប់ពីស្រុកកំណើត មករាជធានីភ្នំពេញវិញហើយ ។
ឆ្លើយតបនឹងសំណួររបស់អ្នកសារព័ត៌មានថា តើកម្មករប៉ុន្មាននាក់ហើយក្នុងចំណោមជាង ១៥០០០ នាក់ដែលត្រឡប់ពីស្រុកកំណើត និងលទ្ធផលយ៉ាងណានោះ រដ្ឋមន្ត្រីក្រសួងសុខាភិបាលឯកឧត្តម ម៉ម ប៊ុនហេង បញ្ជាក់ថា «ចំពោះកម្មករមកពីខេត្ត យើងកំពុងធ្វើការងារនេះដើម្បីតាមដាននិងស្រាវជ្រាវជាមួយក្រសួងការងារ» លោកបានបន្តថា បើមាន(លទ្ធផលវិជ្ជមាន) យើងនឹងមានជូនជាព័ត៌មាន» ។
សូមបញ្ជាក់ថា សាលារាជធានីភ្នំពេញសហការជាមួយនឹងក្រសួងពាក់ព័ន្ធកំពុងត្រៀមទីតាំងសម្រាប់កម្មករ-កម្មការិនីចំនួន ១៥៧២៦ នាក់នៃរោងចក្រចំនួន ៦៧២រោងចក្រនឹងត្រឡប់ពីស្រុកកំណើតក្នុងឱកាសបុណ្យចូលឆ្នាំខ្មែរ ចូលមករាជធានីភ្នំពេញ ដូច្នេះពួកគាត់នឹងត្រូវដាក់ឲ្យនៅដាច់ដោយឡែក ១៤ ថ្ងៃតាមវិធានចត្តាឡីស័ក ។
ប្រភពដដែលបានបញ្ជាក់ថា សម្រាប់ការត្រៀមធ្វើចត្តាឡីស័កចំពោះកម្មករ-កម្មការិនីគឺមាន១- ខណ្ឌពោធិ៍សែនជ័យចំនួនប្រមាណ ៧២៥៨ នាក់, ខណ្ឌដង្កោ ប្រមាណ២៣៤១ នាក់, ខណ្ឌកំបូល ប្រមាណ១២៥១ នាក់, ខណ្ឌមានជ័យប្រមាណ ២១១៦ នាក់, ខណ្ឌសែនសុខ ប្រមាណ១០៦៨នាក់, ខណ្ឌព្រែកព្នៅ ប្រមាណ ៧៦ នាក់, ខណ្ឌច្បារអំពៅ ប្រមាណ ៨៧ នាក់, ខណ្ឌឬស្សីកែវប្រមាណ ១៣០២ នាក់, ខណ្ឌទួលគោក ប្រមាណ៧១នាក់, ខណ្ឌចំការមនប្រមាណ៩៥នាក់, ខណ្ឌដូនពេញប្រមាណ ២ នាក់ និងខណ្ឌជ្រោយចង្វារប្រមាណ ៦០ នាក់ ៕
ចែករំលែកព័តមាននេះ