ជាង១សែននាក់បានទៅប្រមូលផ្តុំក្នុងពិធីបុណ្យសព
យោងតាមជំនួយការពិសេសរបស់នាយករដ្ឋមន្ត្រី លោក Shah Ali Farhad និងអ្នកនាំពាក្យប៉ូលិសBrahmanbaria លោក Imtiaz Ahmed បាននិយាយថា…
យោងតាមជំនួយការពិសេសរបស់នាយករដ្ឋមន្ត្រី លោក Shah Ali Farhad និងអ្នកនាំពាក្យប៉ូលិសBrahmanbaria លោក Imtiaz Ahmed បាននិយាយថា…
យោងតាមជំនួយការពិសេសរបស់នាយករដ្ឋមន្ត្រី លោក Shah Ali Farhad និងអ្នកនាំពាក្យប៉ូលិសBrahmanbaria លោក Imtiaz Ahmed បាននិយាយថា មនុស្សជាង១០០០០០នាក់បានប្រឆាំងនឹងបទបញ្ជានៃការចាក់សោររបស់ប្រទេសបង់ក្លាដែស កាលពីថ្ងៃសៅរ៍ ដើម្បីចូលរួមពិធីបុណ្យសពមេដឹកនាំជាន់ខ្ពស់នៃគណបក្សអុីស្លាមនៅក្នុងស្រុក Brahmanbaria ។
ពិធីបុណ្យសព សម្រាប់លោក Maulana Zubayer Ahmad Ansari ដែលជាគ្រូបង្រៀនអុីស្លាម បានបំបែកបម្រាមរបស់ប្រទេសឱ្យមានមនុស្សមិនលើសពីប្រាំនាក់ចូលរួមក្នុងពេលតែមួយ ដែលបង្កឱ្យមានការភ័យខ្លាច ចំពោះការផ្ទុះឡើងនៃវីរុសថ្មីដែលកើតឡើងពីព្រឹត្តិការណ៍នេះ។
អគ្គលេខាធិការរួមនៃគណបក្សអុីស្លាម លោក Mohammad Mamunul Haque បាននិយាយថា ប្រជាជនរាប់ពាន់នាក់ បានប្រមូលផ្តុំគ្នាទៅកាន់ស្រុក Brahmanbaria ដោយដើរចេញពីតំបន់ជុំវិញ ដើម្បីចូលរួមពិធីបុណ្យសពនេះ។
ប៉ូលិសមិនអាចគ្រប់គ្រងហ្វូងមនុស្សបានទេ ដែលបណ្តាលឱ្យមន្ត្រីទទួលបន្ទុក និងជំនួយការអគ្គនាយកត្រូវបានដកខ្លួនចេញ ពីព្រឹត្តិការណ៍នេះ ហើយគណៈកម្មាធិការស៊ើបអង្កេតដែលមានសមាជិកបីនាក់ ត្រូវបានបង្កើតឡើង ដើម្បីចាប់ផ្តើមការស៊ើបអង្កេតលើសកម្មភាពរបស់សហគមន៍នេះ បើយោងតាមលោក Sohel Rana ដែលជាអ្នកនាំពាក្យប៉ូលិសកណ្ដាលប្រទេសបង់ក្លាដែស។
គួរបញ្ជាក់ផងដែរថា ប្រទេសបង់ក្លាដែសមានករណីឆ្លងជម្ងឺកូវីដ១៩សរុបចំនួន ២៤៥៦ករណី ដែលមានអ្នកស្លាប់ចំនួន ៩១នាក់ កាលពីថ្ងៃអាទិត្យ បើទោះបីជាក្រុមអ្នករិះគន់ និយាយថាចំនួនពិតប្រាកដគឺខ្ពស់ជាងនេះ ហើយនៅតែមិនទាន់ដឹងដោយសារកង្វះឧបករណ៍ធ្វើតេស្ត ៕ ប្រភព៖ CNN
ចែករំលែកព័តមាននេះ